Assalamu'alaykum
jun aidi <[EMAIL PROTECTED]> wrote:
Mamak kanduang St. Bandaro
ba alam laweh ba padang leba
kok buliah pintak jo pinto
nan sakali ko ambo mambana
>>> ketek banamo Junadi
lah gadang baimbau Malin Basa
pintak iyo biaso lai babari
baitu manuruik jalan nan pasa
siriah sahalai mintak dicabiak
pinang sabuah mintak digatok
bia dicari hari nan baiak
di bumi Allah kito basobok
>>>bilo masono siriah di cabiak
alun jaleh pulo pinang ka digatok
lah tibo hari nan baiak
nan ambo tingga maharok
tantangan carano nan katangah
sataun dipanggang Cino
samusim dilingka Bugih
usahkan ratak ratiah pun tido
bukan no ambo mamintak elah
nasib saroman cingkariak oto
lalai saketek kanai bangih
talaik sajamang kanai panggado
>>> diambiak saruang kain bugih
dipakai jadi salempang
pakaian angku nan jo datuak
kok takuik ka kanai bangih
ambiak oto baok surang
bisa karajo sambia duduak
(hahahahahah)
Adaik lamo pusako usang
warisan Dt. parapatiah
marantau di sangko sanang
disangko untuang rugi nan labiah
>> barakik ka hulu
baranang ka tapian
kapulang harilah sanjo
basakik dahulu
basanang kamudian
barugi mangko balabo
salamaik bagurau sampai pagi
bakeh dunsanak di tanah jao
bia bagarah basanang hati
sumbayang subuah jaan lah lupo
>> bia bagarah basanang hati
sumbayang subuah jaan lah lupo
itu lah pasan dari Tuan Junaidi
nan marantau ka nagari singo
saluang maimbau anak dagang
ditingkah bansi jo talempong
jaan dipaturuik-an hati sanang
beko tatampuah jalan nan serong
>>>jaan dipaturuik-an hati sanang
beko tatampuah jalan nan serong
kok sato pulo manuruik dibalakang
tantu kito lah tabaok rendong
ampun jo maaf ambo pinto
bakeh dunsanak kasadono
jikok ado tadorong kato
jaan disimpan di dalam dado
>>> nan manusia basipaik khilaf
Allah juo nan kuaso
kato tadoronng samo bari maaf
lapeh utang dalam bakato
wassalam
Junaidi (39)
Wassalamu'alaykum w.w.
Bandaro Labiah
Send instant messages to your online friends http://uk.messenger.yahoo.com
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
