Assalamu'alaikum wr.wb. Mohon maaf ka niniak mamak cadiak pandai jo bundo kanduang sarato sagalo dunsanak di palanta ko kalau ambo ado salah kato. Yang ambo tahu dari dulu yang mambuek Indonesia ko ndak barubah nasibnyo dek karano pola pikia urang kito tu masih pola pikia manjadi buruh dan biaso konsumtif sarato biaso bagaya hiduik mubazir. Makonyo labiah banyak pengangguran kini, dek banyak yang pamaleh jo manunggu ado lowongan karajo. Nasib kito ndak ka barubah kalau ndak kito sorang marubahnyo. Padohal negara alah manyarah untuak maatehi pengangguran ko. Jadi ndak banyak yang punyo jiwa kompetisi dan daya saing untuak mangambangkan potensi yang ado manjadi benda yang punyo nilai jual dan nilai rasa.. Sabananyo banyak potensi yang bisa kito gali dan kembangkan. Hanyo sajo untuak itu paralu sinergi diantaro kito sadonyo. Sinergi dalam bantuak program jangka panjang bukan sinergi dalam proyek sesaat yang ndak jaleh. Dan yang utamo kito harus siap kompetisi dengan mental juara jo jiwa pantang manyarah. Jadi kalau pun kalah jo urang lua, bukan bararti kito jadi anarkis dengan jiwa preman, tapi kekalahan tu mambuek kito manjadi labiah tapacu untuak mambuek benda yang punyo nilai jual yang kualitasnyo labiah dari kompetitor yang alah dulu manembus pasar. Padohal..urang lua tu yang dijua potensi negara kito juo...dan yang maolah urang awak juo yang jadi buruh di pabriknyo...jadi yang ado kini di urang Indonesia tu jadi buruh di kampuangnyo sorang. Jadi makin lamo makin ndak bisa maimbangi kebutuhan hiduik dek kenaikan gaji ndak bisa maimbangi laju inflasi. Sia yang salah?? Makonyo kalau ambo buliah usul...dari ketek jan anak-anak ditanamkan jo kato-kato " Baraja yang rajin bia nilai rancak dan bisa karajo di tampek yang rancak jo gaji gadang." Tapi tanamkanlah jiwa enterpreneur dari ketek ka anak-anak kito tu...Insya Allah generasi mendatang tu bisa mampaeloki negara ko. Jadi sado ide ndak tingga di wacana se..tapi ado usaho untuak marubah nasib tu...bukannyo dalam Al-Qur'an dikatokan "Tuhan ndak ka marubah nasib suatu kaum kecuali kaum itu yang marubah nyo sorang." Mulai dari diri sendiri, mulai dari hal yang kecil, dan mulai saat ini juga.
wassalam Reza -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
