Assalaamu'alaikum wa rahmatullaahi wa barakaatuh Patamu amabo minta maaf dek mangutip saluruh email dibawah, bia nak manyambuang pembicaraan, tarutamo ka nan alun dapek email dibawahtu.
Dek nan bakompeten bana alun juo maresponse, bialah ambo nan juo talibaik langsuang menjawab manuruik panilaian ambo. Dek di transparansi indak baa jikok mancabiak baju didado bagai doh. Bia nak jaleh bana di latak masalah nan sabanano. Jiko koreang adolah koreng basamo, mako awak basamolah nan harus mampabaiakino, dek karajo nan dikarajokan dek panitiako sabanano adolah karajo basamo. Tujuanno (Dana Abadi Minangkabau Internasional = Dami) ko adolah merintis hak ulayat cyber atau hak ulayat masa depan atau hak ulayat kedua untuak masyarakat Minangkabau, tantu baiak nan barado di ranah (kampuang) maupun nan barado dirantau, iko sakalian saketek manjawab keluhan sanak [EMAIL PROTECTED] Jiko kampuann, buruak baiak adolah kampuang awak juo. DAMI dikelola jo sumangat transparansi, siapo sajo 24 jam bisa maintip, maneliti atau mangoreksi, mambari saran dlsb di website: www.danaabadi.org ataupun badiskusi di [EMAIL PROTECTED] Sarancakno iyo awak diskusikan basamo, awak kritisi basamo asalkan nan datang daulu tibo mamuloi dan nan datang kudian tibo maamba. Injan pulo nan datang kudian maungkai atau mananggai nan alah ado, iko banyak nan tajadi. Akhiano karajo nan indak jadi bajalan. Untuak dikatahui, kami panitia (sebagian besar domisili di Banduang dan 5 urang badomisili di Jakarta), alah malaksanakan rapek sekitar 10 kali. 4 kali diadokan ditangah-tangah antaro Banduang Jakarta yaitu di Cikampek. Iko alun tamasuak rapek lokal Banduang maupun Jakarta. Panitia iyo mangaruak kocek surang-surang baru, tamasuak untuak sosialisasi di Padang, Palembang dan Bogor nan baru lalu. Baa mangko baitu, dek SOP nan kami siapkan masih manunggu pengesahan dari petinggi Gebu Minang. Sadang pitih sumbangan untuak DAMI dikirim langsuang ka rekening ateh namo mamak kapalo waris Gubernur Sumbar ex officio. Ka Palembang kami pai baduo urang jo pesawat nan dari kocek sandiri, dari sekitar 1000 formulir nan dibagikan, dan diminta dikambalikan baliak hari itu juo saat mambagikanno, tapi Cuma ampek alai nan baliak, jo komitmen ka mangirimkan pitihno ka rekening nan di Padang tu. Jo saba dan harapan mudahan lai juo nan basadio samo mambangun ulayat cyber rang awakko, kami baliak ka Jakarta malam itu juo. Di Bogor kami datang batigo urang jo kondisi nan samo jo diateh, dek acarako indak ditujukan untuak sosialisasi DAMI, sahinggo kami Cuma kebagian waktu 5 minik ditangah malam. Apo nan dapek kami perbuat. Sudah tu lai taniat ka manyiapkan pamflet, umbul2 dan kit lainno (kecuali babarapo brosur nan masih tasiso dan dibagikan terbatas), maksud hati mamaluak gunuang apo dayo tangan sayuik. Ati lai dibuduakan juo, jo kamampuan nan ado, walau upek nan dapek. Iyo ikolah resiko nan namuah bakorban tanago, waktu dan kocek untuak mamajukan kampuang nan masih dicinto. Untuak maatehi kato sasudah kato sayang .............. Dari Arief dibawah, sia nan lai ka namuah samo manyinsiangkan langan baju, kami manarimo jo tangan tabukak, kok kaduduak dibawah ataupun diateh kami indak baa juo doh, nan paliang penting niat baiakko lai dapek dijalankan dan dilanjuikan dan indak diurak doh. Maaf, jikok ado talantak kaniak ataupun tasingguang ka turun ambo mohon maaf. Baitu juo ateh namo pengurus DAMI kami manta maaf kaurang sakampaung dek kamampuan kami jauah labiah ketek dari sumangat kami, juo capaian kami jauah labiah randah dari harapan masyarakat Minangkabau tacinto. Walaupun baitu kami masih maharokan dapek mangirimkan sumbanganno ka rekening DAMI. Wa'alaikumussalam wa rahmatullaahi wa barakaatuh DM St. Parapatiah ________________________________ From: [EMAIL PROTECTED] [mailto:[EMAIL PROTECTED] On Behalf Of Tasril Moeis Sent: Monday, June 26, 2006 9:47 PM To: palanta@minang.rantaunet.org; [EMAIL PROTECTED] Subject: [RGM_GM] Re: [EMAIL PROTECTED] Respon untuak DAMI..... sumbang saran Wa'alaikumsalam Wr. Wb. Masalah ko memang jadi masalah klasik nan acok tajadi. Iko tamasuak juo kritik nan disampaikan Arif liwat pandangan mato acara bagurau di Bogor. Persoalan jadi timbua dek karano: 1. Organisasi nan di buek indak mangakar dan bagi sabagian urang, bantuak ma awang2 di ateh langik. 2. Indak ado transparansi atau laporan keuangan tarutamo kapado donatur, jadi manimbua kan fitnah. 3. Kriteria nan di buek untuak sasaran sumbangan indak di sosialisasikan. Banyak nan baarok tapi indak dapek. 4. Lamo2 ado kecendrungan bantuan yang di berikan berdasarkan suko2 pengurus, ini pun menimbulkan fitnah. Jadi saketek sumbang saran ka pengurus, di sosialisasi kan bana program ko ka mayarakat banyak tarutamo malalui acara2 bantuak di Bogor kapatang ko, mailing list, organisasi urang awak baiak itu organisasi kampuang, organisasi alumni sakola dll. nan di Jakarta ko sangaik banyak. Dan setelah program bajalan, azas transparansi tarutamo berupa laporan keuangan berkala melalui forum nan diateh cako jo ka donatur harus di lakukan, kasalahan nan lamo indak buliah taulang baliak. Mambangkik kan kepercayaan urang sasudah itu akan makin susah. Dan harus ado pulo kontingensi plan kalau misal no (sangaik mungkin tajadi) diantaro pengurus tajadi pasalisiahan atau indak ado kesinambungan mako dana nan banyak cako ka di panga kan. Iko adolah dana umat. Mancaliak tantangan nan di adok i mari awak samo2 ba doa mudah2 an tujuan mulia dan karajo kareh pengurus DAMI ko bisa tacapai dan di hindarkan dari fitnah dan kesalahan. Amin. Mohon maaf kalau ado manyingguang dan tujuan ambo batua2 untuak kebaikan awak basamo. Wassalam Tan Ameh (46 + 8) ---------------------------------------------------------- From: [EMAIL PROTECTED] [mailto:[EMAIL PROTECTED] On Behalf Of ARIEF Sent: Monday, June 26, 2006 1:27 AM To: [EMAIL PROTECTED]; PALANTA; [EMAIL PROTECTED]; aktifis minang Subject: [RGM_GM] MAK BANDARO "MAHOYAK" BOGOR Assalamu'alaikum W W Dunsanak salingka 4 lapau, ketek indak basabuik namo gadang indak baimbau gala. Nak babarito ambo saketek. Nan ka jadi buah barito ka bakeh dunsanak, indak lain daripado alek nan di buek Mak Bandaro Labiah di Bogor ari sabtu malam akaik kapatang. "BAGURAU SAMALAM SUNTUAK". Sabagai Urang Mudo, Salut... Salut. dan Salut ka Mak Bandaro Labiah nan berhasil jo sukses mengadalan acara bagurau kapatang. Di tangah auih no urang MINANG rantau terhadap suguhan kesenian tradisional, baliau jo dunsanak kito di BOGOR manyiram an aia sajuak sataguak surang ka bakeh kito. Indak paralu barapek mancik jo bamupakaik karo bagai raso no Mak Bandaro ko untuak ma adoan alek nan di banak ambo tamasuak alek meriah urang Minang di BOGOR. Dari sinan, Mak Bandaro lah mampacaliak an ka kito baraso urang awak bisa diajak bakarajo samo bukan hanya karajo basamo-samo. (Antah lah kok di nan lain) Saluang, Rabab, sarato Randai dan dak lupo jo ditingkahi dendang lagu Minang klasik jo modern nan di iriangi orgen sarato talempong. Pertunjukan kesenian tradisional minang di tanah rantau. Indak sekadar kesenian, kok salero condong ka nan lamak pun tasadio. Sate, lamang tapai, bahkan pical rang kapau bagai bisa ditemui di sinan. Sakali lai, ANGKEK TOPI ambo ka TUAN ZULHENDRIF AVISENA St BANDARO LABIAH Sampai ambo baranjak pukua 03.00 pagi dari lapangan RRI BOGOR nantun, masih rami juo urang nan manoton jo mandanga bunyi saluang. Aratino, masih ingin urang mandangakan tingkah bunyi saluang nan mambuek pangana dakek ka kampuang. Dan mereka datang ka lapangan RRI Bogor tun sajak pukua 18.00 sanjo. Kok di caliak dan di diperkirakan, rasono sekitar 5000 an urang lai nan tibo ka acara alek bagurau nantun. Indak tatampuang urang rami di halaman RRI Bogor nan sabanano sangaik gadang, mungkin paralu dicarian galanggang nan gadang untuak acara salanjuik nyo. Tanpa harus mambuek proposal, mamintak dana kasiko kamari, pun indak paralu mangadu ka ORGANISASI MINANG nan gadang di PUSEK. Mak Bandaro sarato dunsanak urang Minang di BOGOR sukses jo acara no. Bukak kulik tampak isi, kebersamaan urang awak di BOGOR harus di akui. Acara nantun memang hanya sekadar HIBURAN, tapi makna no sangaik dalam. Taragak bakumpua, taragak bagurau, taragak makan lamak, taragak mandangakan kesenian tradisional Minang. Ado sado no. Bahkan, di acara tu kok ka ingin di manfaatkan untuak sosialiasi PROGRAM organisasi atau apopun lah isitilah no, sangaik mungkin. (KAMPANYE BULIAH DAK???) Hanya sayang..................................................... Acara gadang nantun tidak dimanfaatkan secara maksimal oleh orang2 nan berkepentingan Lai datang Punggawa Gadang perantau Minang Pusek alias Ketua GEBU MINANG, pun juo jajaran lain. Tamasuak duo perangkat opersional nan punyo program gadang sabantuak DAMI, jo Saudagar Minang. DAMI sadang gencar-gencar no mensosialisakan program pengumpulan dana abadi. Samantaro Saudagar Minang pun sato gencar pulo karano ka maadokan acara gadang di BUKITTINGGI oktober 2006. Tapi kedatangan baliau-baliau tak lebih sekadar menonton. Tak ada spanduk, tak ada leaflet pun tak ada secarik kertas nan bisa dibaco urang untuak memahami apo nan dimukasuik jo DAMI ataupun Saudagar Minang nantun. Kalaupun ado, tak lebih ketika beliau-beliau berpidato sekitar 5 menit di ateh pangguang manjaleh kan sacaro sederhana apo mukasuik DAMI jo TSM. Apakah karena urang nan datang adalah masyarakaik badarai, urang balai nan indak necis pakaian nyo dan mereka urang nan bakubang? Sehingga kemudian program-program gadang tu hanya dilewakan seadanya?? Antah lah.............. Mohon maaf, memang taraso padiah. BIllahi Taufiq wal Hidayah wassalam W W Arief Rangkayo Mulia 36 + -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
