ass ww Pak Syaf dan pa dunsanak Setelah ambo pikiakan sesuai kesepakatan kito mulai dari kelompok ketek Wacana ke perbuatan nyato apo nan dapek dilakukan Pertamo perbanyak dulu urang nan sapaham Kito barundiang di bilik bilik ketek di email Nan paralu manruik ambo nan di Ranah Ado nan bisa kito hubungi secara rutin kito berdiskusi Kalau pak Syaf dan Hadi bisa hadir kami ketemu dengan Gub Sumbar hari kamih jam 13 di Perw Kecuali DAMI dan tindak lanjut melembaga hub GM dan Pemda ambo ungin bicarokan masalah masalah IT yang direncanakan Hadi dalam kaitan Perg Tinggi masa depan LKAAM dll Tarimo kasih Ch N Latief Dt Bandaro 78
Saafroedin BAHAR <[EMAIL PROTECTED]> wrote: Wassalamualaikum w.w. Ambo satuju jo pangamatan Angku Henriap. Dalam hubuangan iko ado suatu partanyaan lanjutan nan timbua di pikiran ambo, yaitu: baa pulo mako dunsanak kito urang Batak tu bisa langsuang batindak, mako kito haruih barundiang dahulu bakapanjangan indak baranti, mambicarokan nan itu-itu juo indak sudah-sudahnyo ? Mungkin ambo salah, tapi nampaknyo karano di urang Batak, masalah-masalah nan mandasar sarupo ABS SBK di awak alah salasai, baitu juo soal struktur kakarabatan antaro adat jo ugamo nampaknyo alah sajalan indak ado parsoalan lai. Baa di awak ? Yo iko bana nan alun salasai, sajak saisuak sampai kini. Tapaso juo ambo mausuang-usuang namo Syeh Achmad Chatib al Minangkabauwi jo Buya Hamka, nan paratamo kali maangkek masalah inkonsistensi jo inkoherensi duo sumber warisan budaya Minangkabau iko. Karano itu, abih wakatu mambahas topik ABS SBK nan alah kito nyatokan sabagai 'identitas Minang' itu, namun susah bana untuak dijaniahkan. Sacaro pribadi ambo masih baminaik untuk mandorong ditaruihkannyo usaho manjaniahkan dan manuntaskan integrasi nilai dan penataan limbago ABS SBK iko. Sudah barang tantu karajo iko paralu ditangani dek tokoh-tokoh urang awak nan sakaligus mamahami adat Minangkabau dan ugamo Islam, dan sacaro pribadi memang baminaik untuak manyatukannyo manjadi satu sistem nilai nan tapadu. Ambo parnah mengenal surang tokoh nan ambo kagumi dalam hal iko, yaitu almarhum Angku H Idrus Hakimy Dt Radjo Panghulu, sawakatu ambo aktif di LKAAM Sumbar antarao tahun 1966-1972 dahulu. Mantan Wali Nagari Supayang, Batusangka, nan parnah baraja di Canduang ko sabana mahir mancari padanan ajaran Islam dalam adat, atau pepatah-petitih adat jo ajaran ugamo Islam. Buku-buku baliau banyak ditabikkan di Bandung. Masalahnyo kini: sia tokoh urang awak kini nan mampunyoi kamampuan jo sumangaik sarupo -- atau labiah baiak dari -- jo almarhum Angku H Idrus Hakimy Dt Radjo Panghulu iko ? Sakadar tambahan, ambo mancaliak gajala bahaso dunsanak kito urang Riau alah mulai manggarik. Dalam duo tahun iko, ambo bulak baliak ka Riau dalam rangko karajo ambo di Komnas HAM, dan nampak bana bahaso urang Riau iko indak sakadar wacana ka wacana. Ambo maraso sanang bisa mambantu sagalo saketek supayo urang Riau iko bisa maju taruih. Wassalam, Saafroedin Bahar (69th) henriap <[EMAIL PROTECTED]> wrote: BAA MAKO URANG BATAK MAJU DAN URANG AWAK MUNDUR? Assalamu'alaikum ww. Adi dunsanak kasadonyo...ijinkan ambo buka suaro sagetek.. Mungkin iko hanyo pemikiran pribadi sajo. manuruik ambo ba'a mangkonyo urang batak labiah maju jo urang awak.karano mereka tu karajo, batindak, ligat.nan di awak acok bana ambo caliak sibuk mamuka wacana, wacana, wacana, buek proposal, adokan panalitian, adokan studi banding, buek karangko.sudah tu ndak do lai, Acok bana di awak ko cuma maajukan rencana sajo, nan kahasilnyo beko , beko pulo dipikia kan. Dari sadamikian banyak wacana nan alah pernah dibuek dek urang awak nan babakeh bana alun ado lai. Manuruik ambo , baiak itu Pamarintah daerah, Niniak mamak , cadiak pandai, iyo bakarajo..jan cuma mangecek..adokan suatu tindakan nyato, jan pulo awak beko takajuik jo urang Pakan kalau inyo akan labiah maju dari Sumbar, dek karano ado langkah nyato anak putra daerah nan baprestasi akan di beasiswa kan kalua nagari. Anak putra daerah nan baprestasi akan di utamokan di tarimo karajo di daerah inyo. Diawak ba'a , mungkin sifatnyo skala ketek baru, mungkin beasiswa dari alumni atau perusahaan swasta na baarokkan. tapi antahlah, iko cuma pandapek pribadi wassalam henri --------------------------------- Want to be your own boss? Learn how on Yahoo! Small Business. __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================