Maa Angku Syafruddin Ujang (dari Mailing List Saudagar Minang), Ambo porowaikkan Postiang Angku di Saudagar Minang kasadoalahe ka Lapau (Rantaunet) untuak dimaklumi dan dipalegakan intinyo dek Rang Lapau. Sakadar angku maklumi, Lapau (Rantaunet) adolah mailing list Caro Awak nan tatuo dimuloi sajak akhia tahun 1992. Dari babarapo kawan-kawan nan mamuloi wakatu itu, kini anggotanyo lah sakitar 1500 urang dengan macam-macam topik nan bahubuanganjo Budaya dan Masyarakat Minangkabau sarato ereng-gendengnyo baiak di dalam masyarakat Minang sandiri atau masyarakat dan budaya lain di maa sajo nan ado hubuangnnyo jo kahidupan Urang Awak.
Untuak mancaliak postiang-postiang di Lapau buliah dituncik sajo di http://groups.yahoo.com/group/RantauNet/messages/ Salam, MakNgah #822 From: Syafruddin Ujang <[EMAIL PROTECTED]> Date: Tue Jul 11, 2006 12:50 pm Subject: DAMI, TSM dan Caliaklah Riau Kini [EMAIL PROTECTED] Send Email DAMI, TSM DAN CALIAKLAH RIAU KINI! Assalammualaikum Wr. Wbr! Para anggota milis RGM-GM nan Ambo hormati. Hampir sebulan nan lewek, ambo diundang dek Gubernur Riau Bapak HM Rusli Zainal untuk meliput presentasinyo di hadapan Wakil Presiden Bapak HM Jusuf Kalla di Istana Wapres di Medan Merdeka Selatan. Dek karano dalam tim Gubri itu ikut hadir Walikota Dumai Zulkifli AS, samulo ambo mangiro presentasi beliau tu cuma manyangkuik rancana Pemda Riau untuak manjadikan Dumai sebagai Kawasan Ekonomi Khusus Indonesia (KEKI) satingkek di bawah Free Trade Zone (FTZ). Sajak babarapo bulan belakangan, Gubri memang getol bana melakukan lobby ka sajumlah departemen terkait dan DPR soal Dumai ko. Maklum, Batam lah tagabuang jo Provinsi Kepri. Ruponyo, di baliak Dumai, Riau menggagas sentra ternak sapi. Dengan persediaan lahan seluas 7008.000 hektare, Pemda Riau ingin mengembangkan 1 juta taranak sapi. Polanyo, satu keluarga mamaliharo 10 ikua sapi. Untuk pengadaan sapi tu, Riau indak minta angok kalua badan. Kalau tak dapek bantuan khusus dari pusat, mereka sanggup jo pitih sorang malalui APBD-nyo. Yang nyo arok melalui presentasitu, adolah untuk mampaliekkan Riau serius dengan pembangunannyo nan tapola. Dengan pengembangan sentra ternak dan mambangun rumah potong berskala internasional di Dumai, Riau ingin mendapat fasilitas dari pemerintah pusat barupo pembangunan infrastruktur. Maklum, Riau lah siap tando tangan MoU jo Singapura dan Malaysia untuak memasok (ekspor) 5 ton dagiang sapi satiok hari ka negara jiran tu. Sempat lo ambo tamanuang dibueknyo. Yo lah cadiak bana Riau kini. Sudahlah kayo minyak, salah satu potensi Sumbar dalam pengembangan taranak ko lah nyo bae pulo. Mentang-mentang dakek di lintas tol perdagangan dunia (Selat Malaka). Ambo cuma bisa bagumam dalam ati. Tapi, itulah Riau kini. Mereka memang sudah punya visi yang jelas dan amat visioner; Terwujudnya Provinsi Riau Sebagai Pusat Perekonomian dan Kebudayaan Melayu dalam Lingkungan Masyarakat yang Agamis, Sejahtera Lahir dan Bathin, di Asia Tenggara Tahun 2020. Lah talalu lamo kami lalok. Kini kami ingin bangkit dengan potensi yang dimiliki tu, kato sang Gubernurnyo ka Ambo, satalah batamu jo Wapres. Liau manambahkan dalam bidang pendidikan, kami lah buliah bangga saketek. Dalam pelaksanaan UN tahun 2006, Riau barado di urutan katigo (3) satalah DKI dan Jawa Barat. Dalam babarapo kali olimpiade fisika nan diadokan di Pekanbaru dan di mancanegara, Alhamdulillah pulo lai ado taruih wakia Riau nan mandapek medali. Bidang lainnyo. Soal investasi, Riau memang jadi lirikan invostor dalam maupun lua nagari. Untuk PMDN Tahun 2005, Riau diurutan partamo menyusul Banten dan Jawa Barat. Sedang untuk PMA Riau barado di bawah Kaltim, tapi masih dalam 5 besar. Untuk mewujudkan visi 2020 tu, Riau manjalankan misinyo yang dikenal dengan program pemberantasan K2i (Kemiskinan, Kebodohan dan Infrastruktur). Kecek Bang Rusli Zainal, urang miskin dek karano bodoh, urang bodoh dek karano akses jalan ka pusat perekonomian indak ado. Karano tu, pembangunan infrastruktur menjadi prioritas utamo bari Riau untuk mambangkik jati dirinyo di maso mandatang. Kini di berbagai wilayah Riau, sedang dikembangkan dan ditingkatkan sarana jalan baik dalam bentuk jalan negara, jalan provinsi dan jalan kabupaten. Kalau mambangun jalan, nyo ndak manunggu suatu daerah itu barisi urang dulu. Asa strategis, akan tetap dikembangkan. Beda jo di kampuang ambo, di Bungo Tanjuang, Koto Bangko, Sungai Garinggiang, Padang Pariaman, Sumatra Barat. Lah sajak tahun 1963 masyarakaik mambangun jalan selebar 5 meter dengan panjang cuma ampek kilo. Tapi, lah sajak tahun 1986 kami maminta bantuan ka tigo urang bupati (Ajo Anas Malik, Ajo Nasrun, Ajo Elok dan duo gubernur (Pak Hasan dan Ajo Elok lo baliak) supayo diagiah karekel sajo. Alhamdulillah, sampai hariko, kalau ambo pulang kampuang, tapaso jalan kaki juo sampanjang 2,5 kilo lai. Tu kabaa juo lai, di kampuang ambo indak ado urang nan bapangkek. Kumbali ka Riau, dalam skala besar, kini sadang dirancangnyo pembangunan jalan tol Pekanbaru-Dumai, higthway Button-Pekanbaru, dan jalan menuju Pelabuhan Kualo Enok. Dumai, Button dan Kualo Enok adolah tigo pelabuhan Samudra yang kini sadang dikambangkan provinsi tetangga awak tu untuk mambuka akses ka Selat Malaka. Khusus Pelabuhan Dumai, juo sedang nyo kembangkan jadi Pelabuhan Roro karano Malaka juo lah siap untuk mambangun pelabuhan Roro tu. Kato Gubri, paliang lambek awal 2008, lah bisa rang awak nan di Malaysia pulan mambao oto surang. Hebat kan? ***** Sudahlah, Riau memang sadang banyak pitih. DBH Migas kini 30-70. Sabanyak 30 persen untuk pusat, 70 persen untuk daerah. Jadi, indak salah kalau Riau tampil dengan APBD 3,7 triliun dan sejumlah kota dan kabupatennyo dengan APBD yang juo terbilang triliunan. Suatu katiko, saat awak manggaregak di baliak bukik untuk mambali saham Cemex di Semen Padang, ambo pernah mengusulkan supayo Sumbar manggandeng Riau mambali saham Semen Padang. Tapi awak balagak kayo pulo. Sudahlah sanak.....! Tujuah tahun nan lapeh, ambo masiah ingek ado kawan ambo di Padang, namonyo Akmal Darwis, nan satiok minggu mamotong tigo sampai limo ikua sapi untuk di anta ka Caltex, Riau. Tahun 2002 nan lapeh, ambo sempat pulo ikut acara presentasi Pak Gubernur Sumbar jo pengusaha perantau Minang di Hotel Bidakarsa, Pancoran, Jakarta, tentang pengembangan usaha ternak sapi di Sumbar melalui program investasi perantau Minang. Urang awak nan bapitih manyimpan pitih di bank nagari, lalu oleh pemerintah daerah diprogram untuk pengembangan ternak sapi melalui petani peternak di kampuang-kampuang. Pemda menjamin penyalurannyo secara profesional dan transparan. Katiko tu lai banyak pengusaha nan sato manunjuakkan tangan. Namun baa realisasinyo ambo indak lo tahu sampai kini doh. Namun manuruik ambo, program tu labiah strategis dan praktis dari pado mangumpuakan saribu rupiah Minang. Keberadaan kepeang awak terjamin di Bank Nagari, lalu, setelah disalurkan, awak dapek untuang pulo. Pokoknyo, awak balabo rang kampuang tatolong pulo. Nah, kini, peluang pengembangan sentra peternakan tu nyo rabuik dek Riau. Ndak tangguang-tangguang, nyo canangkan untuk 1 juta ekor dalam tahun 2006 ko. Dalam waktu dakek, sumando awak Pak Jusuf Kalla akan bakunjuang ka Riau mancaliak persiapan Dumai dan rencana menjadikan Riau sebagai sentra peternakan tu. Dengan program yang nyo kambangkan kini, ambo manakok-nakok isi kapalo Pak Gubernur Riau itu. Rang di luar Riau tu (Minang, Batak, Jawa dan lain-lainnyo tu nan salamoko banyak manguasoi Rau) tanyato ndak lo cadiak-cadiak bana doh, tapi Rang Riau se nan dulunyoa andia. Semangat bahwa SDM Riau sesungguhnya pintar-pintar tu lah nan kini nyo motivasi dan nyo bangkikkan dek Rusli Zainal, sehinggo rang Riau kini makin mengenal jati dirinyo. Dek ameh memang sagalo kameh, dek pitih sagalo manjadi. Kalau Riau kini ngotot handak manjadi tuan rumah PON 2012 dengan biaya (perkiraan) Rp1 triliun, bukan samato dek karano Riau sadang banyak kepeang. Sang gubernur-nyo berargumen bahwa setelah PON, Riau akan mandapet-an sarana dan prasarana yang nilainya jauh lebih besar dari anggaran PON itu sendiri. Akan ado gedung olahraga berstandar internasional, akan ado pembangunan jalan baru dan sabagainyo. Rasional dan visioner, memang. Tahun 1999, ambo sempat ikut seminar tentang potensi Minang nan diadokan dek Alumni Fakultas Teknik Unand di Jakarta. Dari babarapo pambicaro (Pak AR Suhud, Pak Hasyim Djalal, Fasli Jalal, Dewi Fortuna Anwar dll, sepakat mangatokan Minang tu indak miskin bana doh. Masih ado potensi nan bisa diolah. Kecek Pak Hasyim (urang Bukittinggi nan ahli hukum laut dan mantan Dubes RI di Washington), awak punyo potensi laut, tapi salamoko awak mancaliak ka gunuang Marapi jo Singgalang se. Bapungguangan se lauik laweh tu. Malah, dalam wawancara soal kasus Ambalat satahun nan lapeh, Pak Hasyim maliekkan ka ambo sebuah peta nan dibuek dek urang Amerika. Kacek Pak Hasyim, baru inyo nan mamiliki petatu di Indonesia. Isinyo, Alhamduillah, sapanjang pantai barat Sumbar tu, tanyato ado cadangan minyak bumi. Ambo tanyo ka Pak Hasyim, Baa dek aniang-aniang sae apak. Ko, kan ado potensi Sumbar? Jawek liau; Yo, ko kan perlu pendalaman dan keseriusan. Tapi panek basorak se ambo. Beko di kecek-an urang pulo rang gaek nyinyia. Baitu kato baliau. Kekurangan Riau kini adolah indak tasadio obyek wisata yang baik. Tapi, dek inyo dakek ka Malaysia, lah banyak Rang Riau balibur ka sinan dibandiang ka Padang. Nyo ka Malaysia dan Singapura sambiak maliek anak-anaknyo nan kini banyak sikola di negera tetangga awak tu. Nah, apo lain nan bisa awak kampuang (ambiak) dari potensi yang dimiliki Riau tu. Kok rumah sakik dan pusat pelayanan kesehatan, di sampiang mereka labiah dakek ka Malaka dan Penang yang terkenal murah, Riau pun kini makin mengembangkan rumah sakiknyo. Pariwisata? Yo, mungkin. Tapi, katiko ambo masih SD dibao dek ranggaek ka Ngarai Sianok jo Maninjau, lah 43 tahun lo umua ambo kini, kondisinyo masih sarupo itu juo. Indak ado suguhan lain nan awak dapek. Kok rami bana Bukittinggi wakatu ri rayo, ambo liek hanyo ramai dek rang awak pulang kampuang sambia mambao oto pribadinyo, dan meledaklah Bukittinggi tu. Mestinyo, di sampiang awak benahi obyek wisatatu, para pengusaha travel & tour di Padang harus berafiliasi dengan travel di Malaysia, untuk mambelokkan wisatawan Timteng nan kini menjamur di Malaysia tu ka Ranah Minang. (Sejak peristiwa September yang meruntuhkan Menara Kembar di AS, urang Timteng selalu dicurigai, akhirnyo mereka menyimpan pitih di bank-bank Malaysia dan Thailand, sekaligus berlibur di situ). Pertanyaan ambo, lai koh DAMI dan temu Saudagar Minang bisa mambari jawaban dari banyak soal nan kini diadok-i kampuang awak tu?. Kecek Gubernur awak, Pak Gamawan Fauzi, katiko bapidato di hadapan rang Minang Jawa Barat di Banduang babarapo waktu lalu, Rang Minang jan sampai dicimeehkan kan juo dek sumando awak nan Wapres tu; Kecek liau (Wapres): Rang Minang kini makin cadiak-cadiak. Lah duo langkah nyo di muko Cino. Mukasuik Pak JK, kalau saudara awak dari keturunan Cino mambangun Ruko di suatu kota, rang Minang duo (2) langkah di muko ruko tu, manjadi pedagang kaki limo. Dari ragam persoalan awak kini, memang paralu digagas pulang basamo dalam pamikiran dan tindakan. Tapi yo ndak sakadar basorak se doh sanak. Sakitu dulu sakadar maangek-angek-an saluang. Yo agak panjang, sapanjang tali baruak rang Piaman bana, he...he...... Tapi uweh-uweh lapeh. Kok ado nan maraso tasinguang ka naiak, talantuang ka turun, maafkan lah ambo nan tukang carito ko. Wassalam. Syafruddin AL Sutan Mudo (43 tahun 4 hari) -- No virus found in this outgoing message. Checked by AVG Anti-Virus. Version: 7.1.394 / Virus Database: 268.9.10/384 - Release Date: 7/10/2006 -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================