Assalamu'alaykum w.w. Nyia Sunguk ! sarato sidang Palanta !! Dek namono palanta, tantu buliah sato pulo manyolo saketek, Dikaji pakaro "Dalang" caro awak, takana pulo diambo wakatu saisuak, kalau ka pai "mamalang" (mamapeh baluk disawah jo "palang" = banang nilon bapilin agak tigo atau ampek, sudah tu baagiak mato papeh diujuangno atau pakai basi ketek nan alah baasah jo bakluakkan), ambo pai ka parak mamangkua tanah diparak tu / mancari caciang, untuak ka dijakan umpan baluk, Caciang nan diambiak hanyo Caciang "gilo", nan manggalinjang taruhsen kalau lah kalua dari tanah, karano caciang nan gilo tu nan katuju dek baluk, kalau caciang "dalang", nan haniang sen no wakatu kalua dari tanah, iyo indak tapakai doh. indak dicatuhno di baluk kalau kito honyokkan. Jadi iyo agak babedo saketek antaro "dalang" jo "gilo", Kalau nan dalang, iyo hamia sarupo jo pandia, indak pandai/tahu manga-manga, kalau nan gilo iyo lai banyak nan dipabuekkno, tapi nan dipabuekno tu indak sasuai nan diharokkan urang basamo Taingek pulo wakatu ketek, 1.: "jan ang pagarahkan sianu tu ndak, ano urang gilo tu, beko ang dikajano jo ladiang" 2. urang "dalang" tu nan ka ang iyokan, lah jaleh ano pandia" mungkin itu nan dapek tasabuk diambo Wassalamu'alaykum w.w Bandaro Labiah . Sjamsir Sjarif <[EMAIL PROTECTED]> wrote: Kalau di Jawa jo Sunda tu Wayang tu kan pakai "Dalang". Tapi dalam Wayang Padang ko agak licik juo Urang Padang ko manggunokan istilah yo? Indak disabuikkan istilah "Dalang" doh, tapi dikatokan Wisran Hadi sebagai "sutradara".
Baa mangko baitu? Sadar atau tidak, Wisran Hadi mungkin takuik ka dinamokan "Dalang" karano dalam Caro Awak "Dalang" tu aratinyo "Urang Gilo" kan? ... :) Salam, --Nyit Sungut Send instant messages to your online friends http://uk.messenger.yahoo.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================