Assalamu'alaykum w.w. Sidang palanta RN, ketek indak ambo sabuik namo, kok gadang indak ambo imbaukan gala bukan ka maungkik carito lamo, atau mancukia kan nan sudah, tapi dek karano pangan indak sakali tibo, pikiran indak sakali datang, mako dicubo baliak manyampaikan nan takana di hati takilan dimato adopun nan manjadi buah rundiangan nan katangah diambo kini ko, iyolah "aia gadang dari ilia" adopun nan ambo mukasukkan "aia gadang dari ilia" ko adolah sesuatu nan ka marubah, marusak apo nan alah kito anut salamoko, nan datangno dari dalam / lingkuang awak sandiri, buka dari lua lingkuangan awak ka contoh nan ambo ambiak adolah, Debaik antaro Gubernur Sumbar jo Siti ...(aktifis perempuan) disalah satu stasiun Tivi nan alah samo wak katahui. Disiko ambo mancaliak, kalau nan mancikaraui tu bukanlah dari pihak lain (non muslim), tapi adolah dari dalam lingkuangan awak juo (samo-samo muslim = mancaliak dari pakaianno), mungkin nan sarupo iko sangajo diosong oleh urang atau kelompok tertentu untuak ma adu awak samo awak, samantaro awak indak maraso kalau awak lah diadu dek urang lain, iko baru masalah satantangan perda (syari'ah islam) Sarupo itu pulo kalau kito mancaliak kapado adat istiadat / budaya Minangkabau, nan ambo camehkan iyo "aia gadang dari ilia" juo, aratino, nan disorong-sorongkan ka muko oleh kalompok atau pihak lain adolah urang awak juo, guno mancapai tujuan dari pihak lain nantun, yaitu marubah jo marusak adat istiadat / budaya Minangkabau, sadangkan awak indak maraso sabanano nan awak alah di paadu-adu dek urang lain samo kito katahui basamo, pihak tertentu dengan mangunokan potensi keuangan / pitih nan balabiah akan taruh manggoyang jo marusak tatanan sosial nan balaku di Minangkabau. ibaraik ayam sikua duo talino, kalau Minangkabau lah rusak, mako nan ka kanai iyo Minangkabau itu sandiri dan Islam tabiiiiiiikkk... jikok salah jo jangga wassalamu'alaykum w.w. Bandaro Labiah
Send instant messages to your online friends http://uk.messenger.yahoo.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================