Assalaamu'alaikum wa rahmatullaahi wa barakaatuhu, Ambo ndak mangomentari 'pesong'no do nyiak. Tapi mangko lo nyiak. Bahaso ko iyo barubah, baevolusi taruih. Kan alah inyiak buktian du, kini di kampuang digalak-anno wak diurang katiko awak manyabuik manyega abuak, atau manjongkeh abuak. Di urang kini basikek rambuik urang.
Pulang kapatangko, katiko kami sadang mancaliak arak-arak katam kaji (nan sakali limo sarantak di nagari awak), sasudah lalu rombongan Sitapuang, nak baranjak ambo ka rumah dulu sabanta. Ado nan manganaan, banyak lai go nan ka lalu, jano. Kecek ambo, drum band no kan lai tadanga no du, bialah ka labuah lo ambo baliak kudu, jano ambo. Tagalak urang mandangaan 'kudu' ko, sabab indak dipakai urang amek lai. Di urang kini baganti jo 'beko'. Pakaro 'paja-paja' nan babahaso Betawi di radio amatirko, baitu lo tadanga di ambo di radio amatir Kiktenggi. Tapi baa lo kamaindakanno, nan jadi rujuak-an, nan ditontonno tiok ari di TV-TV swasta kan iyo bahaso sarupo itu. Saroman itu juo nan tadanga di Banduang, indak kasadoan radio swasta babahaso Sunda, dan nan indak umumno iyo babahaso Betawi. Gajalo manyanangi bahaso nan bukan bahaso sandiriko agak umum tampak diambo, manyemba sia sajo, sajak dari golongan ateh sampai bawah. Di kantua ado manajer nan mangecek jo mampagunoan bahaso inggirih sampai 40% dari kato-katono, muskipun kato-kato nan disabuikno tu ado bahaso Indonesiano. Katambah curito, di kapatabang katiko ka pulang kapatangko, dimuko ambo duduak sakaluarga mudo urang awak nan rasono tingga di Sumatera Baraik. Anak-anak mareka nan baumua 4 - 5 taun babahaso Indonesia jo aksen sarato intonasi nan tagalak paruik ambo mandangaan, dek batarjamahan luruih-luruih bahaso awak. 'Duduklah kamu baik-baik lagi, kapalterbang sudah mau terbang ni, terjatuh kamu nanti, duduk tegak juga.' Begitu katanya. Bahaso ko sakali lai, iyo kabarubah sin taruih nampakno, ka dipangaan. Wassalamu'alaikum, Lembang Alam --- Sjamsir Sjarif <[EMAIL PROTECTED]> wrote: > Ondeeh, Angku Ch N Latief Dt Bandaro, iyo tabasuik > lo galak Nyiak Sunguik, > kalua panaruahan lamo Angku, lah lamo bana ambo > indak mandanga istilah > "pesong" ko. Mungkin nan pesong ko lah kanai pasuang > lo ndak? > -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
