Assalamu'alaikum.w.w.
... maa nyo pak Chaidir jo mak Ngah atau Nyit Sungut dan pak Saaf sarato
sidang
palanta kasadonyo...
Apo nan jadi niek nan jadi mukasuik sarato tujuan... mungkin iyo ado
eloknyo
manuruik awak...
Tapi sarupo urang bacamin... kan indak rancak bacamin jo "camin ratak" do..
... ambo dek etongan mudo lai diantaro apak-apak ko ah... walaupun ambo lah
di etong gaek juo di palanta ko.. iyo agak sagan-sagan dan ragu-ragu ka
"manyolo"
ka "maminteh"... tapi akibatnyo cukuik fatal juo kok iko dibiakan...
saroman jo kaji urusan "ramal-meramal bintang"... lah mailia kaji sarupo itu
sahinggo perbuatan tu "seolah-olah" ndak baa se do...anggap se takok taki....
dek karano ambo sagan ka sagan juo mengecekkan itu "perbuatan zhalim"...
untuang ado diak Ahmad Ridha mangatangahkan "ubeknyo". Sabab kalau indak...
aaa... antahlah...ka jadi aaa kito...
Baitu juo soal nan iko...
Kok ka bacamin kito kecek ambo iyo "ndak rancak" jo camin "ratak" do.
Baa mangko "ratak" ambo sabuik...?...
Dek karano Tuhan Allah sendiri nan manyabuik ... bahaso apo sajo
caro-caronyo ... caro-caro ko disabuik "millah" nan kalua dari Yahudi ko
dilarang dek
Tuhan Allah manuruik-kan. Sabab lamo-lambek kito akan "maikua" ka millah
mereka
tu.
Aa kecek Tuhan Allah pulo...
"Walan tardha angkal Yahuudu walan nashaara, hatta tattabi'a millatahum"
(Suratul Baqarah ayat 120)
"Urang-urang Yahudi jo Nasrani tu indak ka sanang ka awak-awak ko doh,
sahinggo
kito ikuik jo "millah" mereka, jo caro-caro mereka, jo agamo mereka."
... berbagai caro akan mereka lakukan supayo awak maikua ka mereka ko...
... aaa... kan jaleh tu ?. Pernyataan Allah nan turun dari Lauhul Mahfudz ka
awak.
... ooo kalau kito katokan kito mamparambiak nan "elok-elok" sajo
..."positive
thinking" lah kecek rang kini...
...aiii... manga harus jo nan dilarang dek Tuhan Allah.
Ndak ado ko contoh nan buliah diambiak dari Islam ?.
Ooo mereka menguasai dunia kini ?... aiii Islam pernah menguasai dunia
sakian ratuih tahun lamonyo... (Baca : "Kebudayaan Islam dalam Perspektif
Sejarah" oleh Buya M. Natsir, dan "Agama Islam" oleh Prof. Dr. Hamka).
Baa sijarahnyo mako disabuik urang-urang tu dulu (Yahudi, dan Barat) adolah
urang-urang nan "pakak ka ampu kaki" dulu nyo ?. Sia nan maagiah
"pencerahan" ,
"penerangan" mengenai ke utamaan "Logika akal" ka mereka tu ?. Sia lo lai
kok
indak urang-urang Islam ?.
...Ooo... mereka menguasai "teknologi",....
....aiii... "teknologi" ko dari maa asaa nyo ?
Baa sijarah nyo mako mereka lah disabuik sakali lai "pakak ka ampu kaki" dek
karano sagalo sesuatu lah manjadi "the rule of thumb" atau etongan jari-jari
manuruik
Ensiklopedia Britannica ?. (Baca : " Kebudayaan Islam dalam Perspektif
Sejarah"
oleh Buya M. Natsir).
... Sia sabananyo nan maagiah sakali lai "pencerahan", "penerangan" teknologi
ka
mereka-mereka ko ?.
Itu makonyo acok ambo sabuik di palanta ko.
Kalau kito urang Islam,... kito harus bapikia sacaro Islam, bukan caro-caro
lain.
Baa bapikia sacaro Islam ko ?...
Kalau pandapek kito batantangan jo Al-Qur-an dan As-sunnah, mako pandapek
kito tu salah dan Al-Qur-an jo As-sunnah lah nan batua..
... baitu bapikia sacaro Islam.
Tuhan Allah ka di lawan dek awak ?... indak manga-managa ilimu kito jo Ilmu
Allah do.... aaa baitu...
..... alaaah... jo maaf ko aa ka apak-apak .ko. aaa... ambo iyo mudo
dibandiangan jo apak-apak...alun lo patuik rasonyo lai do...
Banyak carito-carito, sejarah-sejarah, pandangan-pandangan, angapan-
anggapan, filsafat-filsafat ataupun ilmu-ilmu nan ado dalam Islam. Hanyo kito
nan
kurang namuah mambaco dan mamahami nyo. Dan kadang-kadang "enggan"
mangamukokan, dek karano taraso "kuno" atau "out of date", padahal itulah nan
sabananyo dan paralu untuak urang Minang..
..aaa... baitu...
Kalau kito indak juo namuah do... aiii... bahati-hati jo lanjutan ayat tu...
masih dalam ayat 120 tu juo...
"Qul inna Hudallaahi Huwal Hudaa, wa lainit taba'ta aHwaa aHum ba'dal
ladziii
jaa-aka minal 'ilmi, maa laka minallaaHi miw waliyyiw wa laa nashiirin"
"Kecekkanlah bahaso sungguah-sungguah pitunjuak Allah ko lah nan sabana-
bananyo pitunjuak, dan sungguah pulo kalau kalian ikuik kemauan mereka tu,
sasudah datang pengetahuan ko ka kalian, mako Allah indak jadi pelindung
kalian lai, dan indak pulo penolong kalian lai".
.... aaa... kan.. barek...
kok kito kareh juo mangecekkan... ahh positif thinking se lah .
.. aiii...lai takao Tuhan Allah indak namuah jadi pelindung kito lai ?...
Indak namuah jadi penolong kito lai ?...
..aaa.. kan..?..
Alaah... ambo jo maaf ko aaa... sakali lai..ka apak-apak nan arih
bijaksano...
di soal iko ko ambo iyo serius... sabab dek alah tatulih di Qur-an nan Yahudi
ko
iyo musuah sampai ari kiamaik.
Itu mangkonyo Nabi saw. malarang maniru-niru urang Yahudi, walaupun hanyo
manggantuangan padang di ateh batang kayu katiko istirahat parang.
Sabab ado para sahabat nan mancaliak katiko istirahat parang urang- urang
Yahudi ko bagolek di bawah batang kayu.. aaa... nyo gantuangkan padang nyo
di ateh batang kayu tu.... Dilarang dek Rasulullah... jan kalian ikuik-ikuik
pulo
caro-caro mereka tu.
... Kok dek awak aa na lah... manggantuangan padang di dahan batang kayu ?...
Sabab dek ayat tu, mako Rasulullah malarang sado urusan nan maniru-niru
urang Yahudi.
"Cukua lah sunguik dan panjangkan jangguik, jaan kalian maniru-niru urang
Yahudi
pulo",.. kecek salah sebuah Hadits,... baa matan hadits ko aa tanyo ka dik
Ahmad
Ridha.
... aaa naa lah soal sunguik jo jangguik ko kecek kito pulo... tapi....
... aaa... baitu...
... aaiii lah panjang pulo... sakali kali mohon maaf ambo....
kareh bana indak pulo doh... tapi iyo baitulah nan sabananyo...
Wassalam.w.w.
St. Sinaro
chaidir latief <[EMAIL PROTECTED]> wrote:
angku syamsir yang baik
amat naif kalau kito manyanhjung Yahudi Tapi apo nan baik dari suapopun paralu
kita ambil kearifannyo Baa kok urang Yahudi bisa menguasai dunia Baa kok uranng
Minang nan mempunyai kemampuan kwa kemampuan bukan kwa sifat jelek Itu nan ambo
mukasuik Tidak mau maambik nan baik adalah suatu yang tidak baik
Berpikir selalu positif Maaf yo angku Syamsir
Sjamsir Sjarif wrote:
Maa Angku Ch N Latief Dt Bandaro,
Samantaro sabalik dunia urang sadang mangutuak kekejaman Israel
nan mangaluakan gigi atrositi (kekejaman dan kekejian)nyo untuak
hegomoni kini ko, apokoh indak terlalu arif kito maotakan atau
mintak-mintak manyanjuang-nyanjuang hegomoni Yahudi di Lapau ko?
Jo maoh ambo sampaikan mamang Angku Datuak juo,
Kurang arih badan cilako,
talampau arih badan binaso ...
Salam,
-- Sjamsir Sjarif
... dikarek...
__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
