Walau agak ta-icia, ambo cubo pulo mangatangahi subject diateh.
Kalau komentar nan lah ado umumnyo mengenai perhatian dan tanggung jawab secara umum, bisa juo kito bincang tentang keterlibatan secara fisik untuk kegiatan rumah tangga sehari-hari. Tarutamo nan bisa dicategorikan current-practice. Nan jaleh peran laki-laki sabagai apak paja, dirantau jo dikampuang untuak soal iko iyo agak balain. Bagi ambo sandiri kok dikampuang iyo tapaso manuruik alua jo patuik. Dari pado jadi pabincangan pulo dek rang kampuang, ambo agak mambatehi diri. Samo jo nan lah jadi kebiasaan dikampuang, keterlibatan awak untuak urusan rumah tangga sangat terbatas. Karano kebanyakan itu lah merupakan kapling rang padusi. Tapi bagi keluarga batih kito dirantau, rasonyo harus ado kerja sama. Saling mengisi. Indak salamonyo seluruh tanggung jawab dirumah bisa dilapehkan ka pembantu. Apolai kalau istri punyo kegiatan pulo dilua rumah dan pembantu sadang indak ado pulo. Tantu apak paja indak bisa balapeh tangan sajo. Tapi.....nan jaleh peran apak paja ko jan sampai dimanfaatkan pulo dek induak bareh. Sabab ado juo induak bareh mancaliak apak pajanyo rajin dirumah, sabana dipakudonyo. Sebaliknyo ado pulo apak paja nan mambiakan dan aniang sajo, padahal induak barehnyo lah marasai dek banyak karajo dirumah. Untuak batasannyo, kalau nampak banyak nan harus disalasaikan urang rumah , elok sato awak sa kaki. Dari pado anak pulo nan jadi taniayo beko. Tapi jan sampai dek karano urang rumah ingin berleha-leha, awak pulo nan ta cido. Jadi posisinyo adolah... antaro jan dianggap kejam atau indak mau tau jo bareknyo karajo dirumah....dan...jan sampai dikecekan urang lah tamakan cirik barandang... Sahinggo mambebek sajo dirumah tu jadinyo. Banyak urang nan sadiah maliek induak-induak marasai dirumah samantaro apak-apak indak mau tau......tapi labiah banyak nan sadiah kalau apak-apak lah co kabau di cucuak iduangnyo dek karano basitungkin dirumah samantaro nyonya besar lagi shopping atau arisan. Kondisi ko umumnyo tajadi bilo anak-anak masih ketek. Kalau inyo lah remaja biasonyo inyo akan membantu kegiatan dirumah sebatas kemampuannyo dan indak memganggu tugas utamanyo dalam menuntut ilmu.-- -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================