Waalaikumsalam w.w. Ananda Hanifah, Ambo satuju jo pandapek Ananda, bahaso indak musti padusi nan sikolah tinggi sulik jodoh. Bukti nyato alah Ananda barikan. Cuma nan manarik paratian ambo adolah saran Ananda supayo jan dicari laki-laki nan pendidikannyo mesti satingkek jo pandidikan padusi itu sandiri, nan penting adolah nan agamonyo baiak dan inyo sayang ka awak. Batua sakali. Posting Ananda jo jawab ambo ko akan ambo agiah cc ka anak ambo tu, walau inyo indak pandai bana lai bahaso awak, tapi kan bisa ditakok-takoknyo apo mukasuiknyo. Tapi ado juo bukti lain nan bisa kito patimbangkan, Di Singapur -- misanyo -- dek karano padusi alah samo tinggi sikolanyo jo laki-laki, ado gejala bahaso atau lupo kawin, atau alah sarik dapek jodoh, sahinggo untuak mampartahankan jumlah populasi kabanyo Pamarentah Singapur manyadiokan samacam insentif untuak padusi untuak kawin. Baa juo, tarimo kasih ateh saran Ananda. Wassalam, Saafroedin Bahar
----- Original Message ---- From: hanifah daman <[EMAIL PROTECTED]> To: Saafroedin BAHAR <[EMAIL PROTECTED]>; palanta@minang.rantaunet.org Sent: Friday, August 18, 2006 10:29:07 AM Subject: Re: [EMAIL PROTECTED] Forum Perjodohan >>> Ass Wr Wb bapak Saafroedin Bahar dan ajo duta yth Ado konco ambo urang awak juo. Beliau eksekutif puncak disebuah perusahaan besar di Jakarta , minta bantuan ambo untuak mencarikan jodoh bagi putrinyo seorang dokter gigi usia 29 tahun, yang telah praktek di Jakarta . (Ajo duta) Ambo sandiri juo ado anak gadih, potongan lumayan, alah tamat sikola, jadi attorney di Caltex, punyo rumah, punyo oto, gajinyo gadang, tapi pamiliah bana, sahinggo adiaknyo tapaso mintak izin daulu untuak kawin. Tahun muko inyo ingin sikola pulo dulu ka Amerika, disikolakan Caltex. Kan galinggaman ambo dibueknyo. (Pak Saaf) Tapurangah hanifah mambaco tulisan bapak saaf dan ajo duta di ateh. Alangkah maha adilnya Allah SWT. Diagiah kesenangan, kelebihan dan kemudahan disuatu sisi, tapi dapek kasulitan disisi nan lain, sahinggo masiang-masiang urang mandapek cobaan nan mungkin babedo jo kadar babedo satu dengan yang lainno. 5) samakin tinggi sikolah anak gadih kito, samakin sulik pulo inyo dapek jodoh, apolagi sakironyo inyo talalu pamiliah bana; (Pak Saaf) Pak Saaf Hanifah indak satuju jo pandapek bapak nan bawarna biru, tapi satuju jo nan bawarna merah. Hanifah badunsanak barampek padusi, sikola tinggi kasadono, Alhamdulillah lai basuo jo pasangan masiang-masiang tapi pandidikan pasangan umumno dibawah kami. Pasangan nan paliang antik adolah uni nan tuo, ano spesialis penyakit dalam, suamino guru bahasa Indonesia di SMA. Mereka manikah tahun 1979, katiko itu uni alah baumua 28 tahun tapi alun spesialis. (abih wakatu dek kuliah di FDOK UNAND). Kawan-kawan uni dikampuang alah bi manikah katiko baumua 15 tahun. Wakatu uni alun manikah, mama acok maagiahkan contoh kakami tantang pasangan yang antik-antik nan mama tau. Dokter nan tingga di sinan manikah jo sopirno. Si anu manikah jo si anu nan levelno labiah bawah. Tujuan mama barangkali supayo kami indak mancaliak laki-laki nan levelno labiah tinggi dari kami, karano mama manyadari juo salain bapandidikan indak ado kalabihan kami dari urang lain doh. Kato mama dan papa nan pantiang ibadahno bagus, dan sayang kakami.. Kawan hanifah dosen fisika (master fisika dari UGM), akhirno mamutuskan manikah jo mahasiswano nan alah jadi guru di SMA, nan baumua 9 tahun labiah mudo, katiko itu kawan dun alah baumua 35 tahun. Kini mereka alah punyo anak ciek dan akur-akur sajo. Padusi pamiliah, umumno dek karano bisa mamiliah, apoli talalu yakin ka diri sendiri nan mampunyoi banyak kalabiahan. Tuntutan kaluarga dan lingkungan juo mampangaruahi manga anak padusi pamiliah bana. Bisa ndak urang selevel bapak dan kawan ajo duta punyo mantu dari rakyaik badarai??? Untuak nan pamiliah karano mainginkan calon suami mirip jo papano (nan sayang apak cendrung nyari nan kayak bapak pulo), paralu papano turun maagiahkan pangaratian bahwa indak ado urang nan bana-bana samo doh. Hanifah tamasuak nan duluno pengen punyo suami sa pintar dan sapanyayang papa, hanifahpun melihat seorang pria nan punyo ciri-ciri sarupo nan hanifah mau. Lalu papa turun maagiahkan pangaratian. Terakhir papa marekomendasi si uda untuak jadi suami hanifah, kato papa untuak padusi labiah elok dicintai daripado mancintai . Alhamdulillah papa lai indak salah marekomendasi doh. Karano hidup, mati, jodoh dan rasaki, Allah nan manantukan, salain bausao mambuka diri ka umum, pabanyak badoa ka Allah, mudah-mudahan dimudahkan basuo jo jodoh. Itu sen dari hanifah, talabiah takurang mohon maaf Wass Hanifah Damanhuri Want to be your own boss? Learn how on Yahoo! Small Business. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
