Assalamu'alaykum w.w. lah hampia duo pakan indak singgah ka palanta, makono lah banyak barito nan masuak indak tabaco rasono baruntuang bana lamo iduk indak dikampuang maso saisuak karano kok dikampuang tantu lah sato pulo ka surau nan kurang baguno, lai bana mangaji api indak pulo salasai, kok pangajaran adat indak pulo ka dapek disinan, baitu pulo rancak rancak indak jadi cadiak pandai karano indak ado pulo tampaikno dikampuangtu, ka dicubo mangunyak ciek-ciek, iyo barek pulo tarasono, mako pado bakarunyuk bana kanang ka dibuekno , elok lah didangakan Densalo* Gadanglah aia nan kanduang aii.. di kalumbuak lah hanyuik biduak nan kanduang aii.. ka subarang sampan tasakek nan kanduang aii..ditapi sungai Oii.. maratok galah nan kanduang aii.. jo panjuluak oii nan taisak nan kanduang pinggalan panjang buah nan masak nankanduag dimakan tupai oii nak kok tahu nan kanduang ... jo manih tabu alah den kilang nan kanduang ... mangko dipiyuah disinan manih nan kanduang .. mako tarasao oii. sajak dahulu nan kanduang ... denai lah tahu buah dijuluak nan kanduang .. indak ka jatuah tagah dek hati nan kanduang .. yo kareh juo oii mamak cubo dangalah jan banyak bana bapikia duduak lah kanduang elok-elok nak bagurau parintang cameh tarago badan lai basuo iyooo nampak bungo kambang merah rangkuangan raso ka baraia dicubo-cubo nak ka manyasok dimalah hauih nan ka lapeh kiro lah dulu ramo-ramo aii badarak badarun-darun sinan manumbuak patuih tungga runtuah tabiang nan jo ngarai musibah paliang nan marusuah sakampuang urang lah maratok iyooo taisak tangih nan punyo kabun takana bungo tak bapaga bungo lah layua tiok tangkai kumbang nan ma lah ka dituduah sabablah banyak nan manyasok aiii rancak jalan pulau jawa jalannyo babelok-belok ado mandaki jo manurun bajalan oto ateh bawah jalan tol dibuek urang iyo nan kanduang dangakan melah bungo malati jan diharok jan takicuah deknyo harun bungo baracun mintak darah lah banyak kumbang nan tak pulang Koto to jalannyo gadang hari akaik raminyo balai rami dek anak mudo-mudo urang banyak tolonglah timbang kok ketek bana badan tupai sa rimbo baruak dikicuahnyo nan dikuok jalan mandaki pandakian tanahnyo lincia sawah gadang dibaruahnyo cadiak akanyo urang kini nyato gambar batang karambia nan dek baruak bapanjek juo alah sen tu, lah panek pulo kapalo taangguak-angguak, lain wakatu disalin baliak, maaf pulo kalau indak pado tampaikno Wassalamu'alaykum w.w. Bandaro Labiah *Densalo adolah Dendang Saluang Organ, nan kapatang ko baru angek-angek kaluar dari pariuak (kaset baru) nan dibaokkan dek Al Kawi, Eti Ambo jo Herma Koto Sari Alam. baliau-2 ko adolah nan taruh tampil di acara nan diadokan di Bogor, baik dalam siaran baitu pulo kalau ado pentas dan sampai kini masih tatap konsisten jo musik / seni tardisi
Send instant messages to your online friends http://uk.messenger.yahoo.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================