Wassalamualaikum w.w. Dunsanak Anzori, Batua juo pandapek Dunsanak kito indak usah mintak macam-macam ka pangulu, kalau gala panghulu tu hanyo sakadar gala sajo, tanpa target. Hanyo kalau kito baco baitu banyaknyo papatah dan patitih tantang kawajiban dan larangan taradok pangulu, tamasuak tantang pangulu nan anam jinih nan haruih dihindari, rasonyo ado juo samancam 'target' untuk nan jadi pangulu. Apolagi kalau kito baco disertasi Dr Keebet von Benda-Beckmann nan alah ditarjamahkan ka bahaso Indonesia, GoyahnyaTangga Menuju Mufakat, nan manjalehkan banyaknyo silang sangketo nan tajadi tantang harato pusako sampai baujuang di pangadilan, dan samo sakali indak mambao sato induak-indak barundiang, rasonyo ado juo gunonyo maminta tangguang jawab kapado para panghulu, tautamo tantang harato pusako nan baliau-baliau kelola atau nan indak baliau kelola. Ambo dukuang pandapek Dunsanak bahaso "kalau anak kamanakan manilai pangulu tu indak babuek apo-apo, kan bisa mancari gantinyo jo kamanakan-kamanakan nan [lain?]". Wassalam, Saafroedin Bahar
----- Original Message ---- From: Anzori <[EMAIL PROTECTED]> To: Saafroedin BAHAR <[EMAIL PROTECTED]>; palanta@minang.rantaunet.org Sent: Monday, August 28, 2006 7:06:01 AM Subject: Re: [EMAIL PROTECTED] Gagal? jadi pangulu Re: Apo alun paralu kito manilai pangulu nan ado kini ? Assalamualaikum wr.wb. Ambo tagalitik mengomentari tantang "Gagal Jadi Pangulu". satahu ambo pangulu nan diangkek indak pernah diagiah target/sasaran akhir. Baa awak bisa manilai baso pangulul tu gagal, kalau pangulu tu sendiri indak punyo target apo-apo. Mereka diangkek kan dengan dasar keturunan bukan atas dasar target. Kalau mereka diangkek dengan dasar dan diangiah rewards kompensasi samacam gaji, barulah kito bisa manuntuik pangulu tu alah gagal, indak barasil. Tapi pangulu tu bukan jabatan formal, itu cuma jabatan sosial budaya anan targetnyo tagantuang kapado pangulu tu sendiri. Jadi ambo raso indak usah minta macam-macam ka pangulu tu. Karano itu cuma gala sosial budaya nan indak ado tuntutan apo-apo. Kalau anak kamanakan manilai pangulu tu indak babuek apo-apo, kan bisa mancari gantinyo jo kamanakan-kamanakan nan Saafroedin BAHAR <[EMAIL PROTECTED]> wrote: Wassalamualaikum w.w. Dunsanak Sutan Lembang Alam, Sabana taharu ambo mambaco jawek Dunsanak tantang adat Minang kini , tautamo bagi kito urang Rantau: "Kalau manuruik panilaian ambo nilai-nilai adaikko iyo ado nan bageser dan iko indak mungkin awak pungkiri. Sa 'mamak-mamak' no ambo, tantu indak kamungkin ambo mauruihan urusan kamanakan sabulek- bulekno lai do kini. Indak jamanno lai nan sarupo itu. Sabab kamanakan tu lai pulo ba bapak. Bapakno kolah nan labiah batangguang jawab". Artinyo, sadar atau indak sadar, parubahan zaman memang alah mambao banyak parubahan dalam caro iduik, sistem nilai, dan limbago nan malaksanakan nilai tu, tautamo bagi kito nan di Rantau, walaupun kito bausaho kareh mamaliharo nan elok-elok dari adat Minangkabau nan lamo, saparati mamaliharo raji dan mamaliharo hubuangan dalam kaum jo suku. Nan jaleh: 1) kito indak mungkin sapanuahnyo iduik dari pertanian dan jo harato pusako lai; 2) sairiang jo itu, alah sarik mamfungsikan buah paruik, kaum, suku, rumah gadang jo surau sarupo zaman saisuak; 3) kito alah labiah banyak iduik dalam kaluarga surang-surang, dimano urang sumando indak lai jadi 'abu di ateh tunggua', tapi alah jadi bapak nan labiah batangguang jawab dari mamak. Dikaikkan jo wacana ABS SBK nan bakambang dalam milis RGM GM jo milis RantauNet dalam bulan-bulan tarakhir ko, sabagai konsekuensinyo Adat nan Diadatkan, nan ditarimo dari Dt Parpatiah nan Sabatang jo Dt Katumanggungan, alah paralu bana dirumuskan baliak, tautamo untuak manampuang pakambangan-pakambangan nan baru ko. Buya Mas'oed Abidin, Ketua MUI Sumbar, sawakatu batamu jo nan mudo-mudo di TMII basamo jo Bp Amir MS dan ambo, manyarankan namo baru untuak sistem kakarabatan nan maagiah tampek nan labiah sentral untuak bapak ko sabagai 'sistem matrilineal plus'. Ambo satuju sakali jo saran Buya Masoed Abidin itu, bukan sajo karano saran baliau itu nan labiah sasuai jo kanyataan dan sasuai pulo jo UU No 1 Tahun 1974 Tantang Perkawinan, juo karano labiah sasuai jo ajaran Islam nan kito junjuang tinggi. Ambo sabana gata mandanga masih adonyo buku-buku adat Minang nan sampai kini masih maajakan bahaso urang sumando adolah sakadar 'abu di ateh tunggua'. Kalau itu juo nan diajakan, mako bukan sajo kito maajakan nan indak ado lai dalam kanyataan, tapi juo nan balawanan jo undang-undang sarato jo ajaran Islam. Soalnyo kini: limbago apo nan haruih dan bawenang maambiak prakarsa mampaharui 'ajaran' Adat nan Diadatkan dari kaduo datuak legislator kito urang Minang tu? LKAAM jo MUI ? DPRD Sumbar ? Gebu Minang? Sakali lai ambo ucapkan tarimo kasih ateh jawaban Dunsanak. Wassalam, Saafroedin Bahar ----- Original Message ---- From: Muhammad Dafiq Saib To: Saafroedin BAHAR ; palanta@minang.rantaunet.org Sent: Sunday, August 27, 2006 9:41:42 PM Subject: Re: [EMAIL PROTECTED] Gagal? jadi pangulu Re: Apo alun paralu kito manilai pangulu nan ado kini ? Assalamu'alaikum wa rahmatullaahi wa brakaatuhu Baitu juo nan nampak di ambo, mak. Bahaso kampuang di ranah Minang, paliang kurang bagi kaum famili ambo, hanyolah ka jadi sakadar tampek bakunjuang malapehan taragak sakali-sakali sajo. Ka tampek datang sakali-sakali katiko ado wakatu. Katando inyiak muyang awak barasa dari sinan. Nan ka tingga manatap disinan iyo indak ado / alun ado tampak nan basumangaik do. Kampuang cukuiklah untuak dijalang sakali-sakali sajo, kalau ado saraki ado wakatu. Namun Alhamdulillah, kakarabatan di rantau kami cubo juo mamaliaro. Di ulang-ulang juo taruih ranji. Bahaso awakko badunsanak. Bahaso sasamo dunsanak awak paralu babagi raso juo. Tibo di nan elok himbau mahimbaukan, tibo di nan buruak hambau mahambaukan. Alhamdulillah pulo dalam hal itu lai tatap ado kabasamoan tu. Walaupun ciek jo duo ado juo nan acuah tak acuah sajo. Katandono awak banyak. Kalau manuruik panilaian ambo nilai-nilai adaikko iyo ado nan bageser dan iko indak mungkin awak pungkiri. Sa 'mamak-mamak' no ambo, tantu indak kamungkin ambo mauruihan urusan kamanakan sabulek-bulekno lai do kini. Indak jamanno lai nan sarupo itu. Sabab kamanakan tu lai pulo ba bapak. Bapakno kolah nan labiah batangguang jawab. Namun ambo tatap sato duduak di dalam parundiangan saparaluno. Katiko dunsanak padusi maimbaukan bahaso awakno ka baminantu, antah nan di kampuang antah nan di Pakan Baru, iyo ambo paraluan tibo sadapek-dapekno. Jadi mungkin jo bantuak sarupo itulah barangkali kakarabatan dalam adaik Minangkabau nan masih tingga kini, muski itupun indak pulo ado jaminan ka bakataruihan sarupo itu. Paliang indak nilai ka dakek-an awak jo dunsanak padusi dalam sakaum paralu juo dipaliaro. Wassalamu'alaikum, Lembang Alam --- Saafroedin BAHAR wrote: > Waalaikumsalam w.w. Dunsanak Sutan Lembang Alam, > > Tarimo kasih ateh panjalasan Dunsanak. Jaleh sakali. > Cuma ciek lai nan tapikie dek ambo -- nan alah > Dunsanak singguang juo -- yaitu : kama arah dan baa > bantuaknyo masyarakat nagari kito nan badasar hukum > adat di maso datang, tamasuak soal harato tuo nan > indak banyak bana lai nan mamparatikan ? Apo > pangaruah kanyataan labiah banyaknyo kito nan di > Rantau dari nan di Ranah, apolagi nampaknyo sagalo > parantau mamiliah manjadi parantau Cino, indak ka > pulang lai ? St. Lembang Alam __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem ========================================================= Zorion_Anas se,mm,ckm,cidd,cf http://minangmaimbau.blogspot.com http://zorionanas.blogspot.com [EMAIL PROTECTED], [EMAIL PROTECTED], [EMAIL PROTECTED], [EMAIL PROTECTED] Cel. No. : 0816.85.79.39 Want to be your own boss? Learn how on Yahoo! Small Business. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================