Waalaikum Salam Wr Wb mamak Z Chaniago. Alam takambang jadikan guru, baitu kato rang saisuak. Uni mangecek indak sumbarang mangecek sen pulo doh, tantu ado nan malatar balakangino. Iyo baraja dari pangalaman sandiri maupun pangalaman urang lain. Baa kok rayon nan jadi masalah? alah mamak jawek pulo.., tapaso icak-icak jadi urang Bukit Tinggi kalau naknio sikola di Bukit Tinggi. Kasihan kan kecil2 di ajarin bohong?. Nan paliang ibo ati tantu dunsanak kami nan tingga di Jambu Aia. Ado sikola nan dakek rumah babobot pulo, tapi indak bisa sikola kasinan karano indak rang BKT. Oh ya, harus jadi nan terbaik dulu di daerah dan bisa mangalahkan nilai anak2 BKT supayo bisa masuak ka SMA di BKT (mantun info nan uni danga). Syaraik nan sarupo iko tantu indak bara pulo nan bisa mamanuahi doh. Hmmm antahlah antah lai rang kampuang uni Sungai Tanang nan sikola ka BKT antah indak, ndak taulo uni doh. Dijaman uni SD, murid teladan tingkek SD se Agam babarapo kali baturuik turik barasal dari SD Sungai Tanang, ( tapi bukan uni ). Uni dulu di SMP cuman di SMP Banuhampu Padang Lua. Tapi kami bakompetisi jo kawan-kawan nan dari SD lain di Banuhampu. Waktu itu..tamatan SMP Banuhampu lumayanlah... bisa sikola ka SMA N BKT. Kalau uni agak khawatir jo sia anak Banuhampu nan sikolano talatak di Sungai Tanang bakompetisi ? nan partamo nan uni tau SMPN cuman ado ciek di Banuhampu noh yaitu SMP Standar. Arok dari SMP di kacamatan lain, ado pulo SMA no di sinan.. Nan kaduo uni sangaik tau baa barekno bakompetisi di ITB dan di UI untuak anak derah nan biaso kuliah di IKIP harap maklum karano uni pernah jadi mahasiswa ITB tapi tajilapak. Dan uni juo pernah tataiah tatiah jadi mahasiswa UI. Proses baraja maaja di ITB dan UI sangaik babedo jo katiko uni kuliah di IKIP. Wakatu di IKIP iyo balaku saroman nan mamak inginkan Rasono ndak ado DO doh, paliangan talambek salasai dari nan lain. Dosenno elok elok. Di UI dan ITB ? UI masih ramah katimbang ITB. Alah uni caritoan pulo pangalaman uni jadi dosen walaupun cuman di daerah Bengkulu. Nan paminatno tantu labiah banyak urang Bengkulu juo. Bara banalah kompetisino du dibandiang ITB ? Ndak tamakan di mamak nampakno doh. Sanak reza alah maagiahkan contoh pulo, baa ano tapaso karajo kareh katiko di SMAN I Padang supayo indak katinggalan dari kawan-kawan, pada hal mungkin sajo (pasti) katiko di daerah sanak reza juara di sekolah sabalun pindah ka Padang. Antah masih juara antah indak katiko di Padang, cuamn sanak reza nan tau. Baa kok kareh bana hati mamak mambahas tantang pandidikan nan kayakno bukan bidang mamak? Cuboanlah teori-teori nan mamak sampaikan du dih., tarutamo ka anak SMAN Banuhampu nan talatak di Sungai Tanang. Samo mancaliak nah awak hasio no. Mumpung sikola dun masih baru. Udah dulu yoh badebat, toh bagi mamak indak ado juo pangaruahno doh kan ? Wass Hanifah Damanhuri
--------------------------------- How low will we go? Check out Yahoo! Messengers low PC-to-Phone call rates. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================