Maa Uztaz St. Sinaro jo angku Ahmad Ridha sarat Rng Lapau nan Basamo, Wakatu kami ketek-ketek takana di ambo urang gadang mangecekkan hal-hal nan mambatakan pusaso. Salah satunyo indak buliah "mamasuakkan suatu ka dalam badan." Contoh nan dibarikan ka kami ka anak-anak ketek wakatu itu, indak buliah mancucuik jari atau mangulun-ngulun ibujari. Itu mambatakan puaso awak, kecek Rang Gaek-gaek tu.
Kini lah gaek di bulan puaso takana diambo sadang bajalan-jalan sabanta ko. Talingo ambo taraso gata, otomatis ambo masuakkan jari kaliangkiang ka dalam lubang talingo ambo. Sudah tu takajauik, eh, takana carito-carito Rang Gaek sisuak, apokoh iko bata puaso Awak? Sudah tu takana diambo kalau ambo baranang biasonyo lubang talingo ambo bapansa jo sumbek karet. Apokoh dek talingo bapansa ko bata pulo puaso awak? Baa kawonyo kalau urang mamakai hearing aid nan dipansakan ka dalam lubang talingonyo? Bata koh puasonyo? Apokoh panggunaan bahaso nan dipakai dek Urang Gaek-gaek tu marupokan tafsiran sacaro harfiah ka kami nan ketek-ketek, ataukoh sacaro kiasan ka urang-urang gadang? Apokoh nan dimukasuik nan mambatakan puaso tu sabananyo mamasuakkan suatu (misakanlah samacam dagiang atau urek paruik) ka dalam suatu lubang sasarannyo nan khusus nan cuma urang gadang sajo nan tahu lamaknyo (mambatakan puaso) sadangkan kami nan ketek-ketek alun mangarati? Salam, --MakNgah -- No virus found in this outgoing message. Checked by AVG Free Edition. Version: 7.1.407 / Virus Database: 268.12.9/457 - Release Date: 9/26/2006 -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================