Assalamu'alaikum Wr. Wb. Hari Jumaik lalu sabalun puaso, dalam perjalanan ka Banduang manyilau anak2 nan kuliah di sinan, ambo lewat toll Bekasi - Banduang. Mampir ma isi bensin di rest area KM 57 nan baru salasai. Agak tapurangah juo mancaliak fasilitas rest area ko, Pom Bensin no ado di duo tampaik. Nan ciek khusus untuak truk2 jo bus gadang dan ciek lai untuak oto2 ketek. Ado bara buah restoran, mini market. Namo restoran Sederhana lai pulo tapampang. Nan paliang indah nampak di ujuang ado musajik nan sangaik kamek nampak di ambo. Namo no Mesjid At-Taubah. Dek karano lah dakek mugarik, rancak awak di siko sholat kecek ka urang rumah. Di area musajik ko ado WC no sabana gadang, tampaik ba uluak no sadang elok pulo rancak no bantuak di Makkah pakai tampaik duduak, pindah ka musajik baru nampak pulo rancak jo gadang no musajik ko. Raso no agak saribu urang untuak sholat lai muek. Picayo indak picayo awak di pasawangan bantuak iko urang mambuek musajik gadang nan khusus untuak rest area jalan toll ko. Dari papan pengumuman tabaco nan jadi khotib Jum'at tadi siang adolah Arifin Ilham. Minggu sabalun no A'a Gym. Dari bara buah rest area di jalan toll (Jagorawi, Merak jo Cikampek) raso no iko nan paliang rancak. Salamaik singgah dan sholat di Mesjid At-Taubah.
Wassalam Tan Ameh -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================