Tolong dibaca aturan di footer dibawah --------------------------------------
Assalaamu'alaikum wa rahmatullaahi wa barakaatuhu Alhamdulillah jo tarimokasih ateh pamikiran dunsanak Tanjuang Heri ko. Mangko curitono. Bakurban, mamotong hewan kurban adolah satu parintah, satu anjuran Allah, 'fashalli lirabbika wan har' (mako shalatlah untuak rabb angkau, dan bakorbanlah). Iko nan kami cubo mamahami, nan biasono diimani dek urang-urang nan bakurban. Jadi indak mungkin ditukai jo pitih sajo disidakahkan. Urang-urang mandapek kantong barisi dagiang kurban dari duo tigo surau atau musajik? Mungkin sajo dan bialah, mudah-mudahan di hari rayo kurban ko iyo bana pulo mareka bahari rayo mamakan dagiang. Duo tahun nan lapeh, katiko tajadi tsunami di Aceh nan badakek-an jo wakatu ka hari rayo Qurban pulo, ado pamikiran salah surang jamaah di musajik kami, baa no kok tahun kini indak usah awak balian ka hewan kurban pitih 'kurban' jamaah tu tapi awak kiriman untuak masyarakaik nan kanai musibah di Aceh. Mako manjawablah banyak jamaah nan lain, bahaso manolong urang nan kanai musibah di Aceh adolah ciek pintu ibadah, bakurban adolah pintu ibadah nan lain. Jadi kaduo-duono awak tampuah. Dan itu pulo nan kami karajoan katiko itu. Katambahno sajo, nan alah kami kalola agak mirip jo nan dunsanak contohan di parancih tu adolah manyisih-an sabagian dari zakat maal nan kami tarimo tiok taun untuak di masuak-an ka baitul maal musajik nan buliah dipinjam tanpa bungo sarato dicicil mambayiano dek mareka nan mamaraluanno (padagang bakul sayur). Jadi zakat maal indak kasadoanno langsuang kami bagian ka para mustahiq atau nan berhak manarimo tapi doh. Mudah-mudahan bamanfaat. Wassalamu'alaikum, Lembang Alam --- Tanjuang Heri <[EMAIL PROTECTED]> wrote: > Tolong dibaca aturan di footer dibawah > -------------------------------------- > > Mak MDS, urang palanta sadonyo, > > Salamaik Hari Rayo Haji, jo sakalian salamaik > tahun baru, semoga di tahun 2007 ko kito bisa > mahilangan kemiskinan di kampuang kito. > > Ambo batanyo ka urang palanta sadonyo, dek karano > ado nan taganja di hati soal Qurban ko he. Tarutamo > satalah mambaco postingan Mak MDS ko. Baa co itu? > Disiko Mak MDS manyabuikan jumlah peserta qurban > labiah banyak dari tahun sabalunnyo jo jumlah hewan > nan dipotongpun baitu. Tapikia dek ambo nan awam ko, > bararti urang nan patuik mandapek daging qurban tu > makin banyak. Kalau ambo asosiasikan panarimo daging > qurban jo taraf kehidupan nan kurang, bararti tiok > tahun urang miskin di Ina atau di kampuang makin > batambah. Apo iyo co itu? Ambo harapkan indak co itu > doh. Kok jumlah peserta qurban kok nan batambah > barati kemakmuran nan ado, karano inyo sanggup > baqurban. Sisi ka duo ikolah nan ambo rencanakan ka > dibahas. > > Carito soal qurban ko di kampuang, hampia samo, > panguruih musajik jo panitia qurban babangga hati > kalau mancaliak jumlah hewan nan kadidabiah ko > batambah banyak dari tahun ka tahun. Tapi ambo makin > sadiah dek nyo. Salain dari alasan nan di ateh tadi > ( makin banyaknyo nan miskin), ciek lai, banyak pulo > dagiang ko nan sia sia se jadinyo. Tiok panarimo > kupon daging qurban mandapek saplastik daging dari > satu surau, dari surau nan lain inyo dapek pulo. > Kadang inyo dapek dari 3 surau. Kalau dikalian se > saplastik tu isinyo sakilo, jadi dapeknyo sakitar > sakilo jo tigo kilo. Kok dek nan panarimo kupon tadi > dimasak daging tu, paling ndak inyo harus mangaluaan > pitih ka pambali langkok langkoknyo paliang saketek > antaro 10 ribu jo 20 ribu untuk sakilo daging, > dikalian jo 2 atau 3 kilo daging. Apo mungkin nan > pitieh sabanyak tu dipagunoan untuk hal nan lain, > misalnyo pambaiea uang sakola anaknyo.? > > Ambo batanyo ka nan pandai dalam soal ko tantang > ide nan ka ambo kamukokan : Co iko: Kok misalnya iyo > lai buliah, pitieh peserta qurban nan dikiro > balabiah untuk pambali jawi atau kambiang nan ka > didabiah untuk sabatas jumlah panarimo kupon, apo > lai munkin dipakai untuk : a). pambali langkok > langkok ka pamasak dagaing tadi bagi keluarga nan > pantas mandapek dagiang tadi tu? b). Kok lai masih > balabiah juo, apo mungkin pitih qurban tadi tu bisa > dijadikan dana abadi untuk sikola anak keluarga > miskin di sekitar musajik. Dengan demikian dana tadi > tu bisa dipakai untuk kak nan paralu. Ambo sacarô > pribadi indak satuju kalau pitih se nan ka diagiahan > ka ybs. Tapi misalnyo dibalian langkok langkok. > Atau dibaiean langsung ka uang sikola anak nan > basangkutan. Atau untuak kaparaluan nan lain. Kalau > diagiah se pitieh ka nan pantas mandapeknyo, ambo > raso indak ado gunonyo. Karano bara se lah banyak e > pitieh nan ka diagiahan, pastilah indak ka cukuik. > Dan hasilnyo pasti jauh panggang > dari api. Caliek se contoh dana panolong BBM na > sekitar 300 ribu sabulan. Banyak nan bagaduru pai > maambiek pitieh tu untuak ka dibalanjoan ka nan > indak paralu. Ciek lai, musajik atau surau alah > patuik dijadikan pusat ekonomi atau menggerakan sisi > ekonomi sesuai jo keadaan dilingkuangannyo. Contoh > se ambo sabuik an ciek, di Eropa ( Perancis, Belanda > atau Belg ia antara lain, banyak lingkungan gereja > nan mampunyoi bisnis dalam hal pabrik keju, pabrik > bir, pabrik anggur, dll). Seharusnyo musajik di awak > bisa mancantoh ka nan elok ko. Baa kiro kiro sanak? > > Sakitu se > > Heri(43+) St. Lembang Alam __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email, DITOLAK atau DIMODERASI oleh system, jika: 1. Email ukuran besar dari >100KB. 2. Email dengan attachment. 3. Email dikirim untuk banyak penerima. ================================================
