Tolong dibaca aturan di footer dibawah --------------------------------------
Assalamu'alaykum w.w. takalo maso dahulu, maso sabalun hari nangko baralek gadang suku Malayu iyo managakkan gala pusako disinan bamulo carito nan ko tasuo bana pituah minang gadang buayo di muaro gadang garundang di kubangan takana pituah urang tuo nan pintak biaso buliah balaku juo nan di kandak maaf jo rilah ambo pinto ka Mak I.C. Datuak Malako Nan Putiah kok carito ambo nan salah latak niat dari rantau nan dipasang iyo manjalang ranah Baso nak mahadiri alek gadang tipak suku malayu nan di Baso hari satu patang hari manjalang hari malam akaik barangkek dagang dari jao tacapai juo nan di hati sampai juo nan di niaik tibo juo badan buruak ko di Baso rumah gadang surambi papek salajang kudo balari jadi tuah nan di ranah Minang dek di rumah gadang sadang rapek samo panghulu dalam nagari mancari picak nan salayang mancaliak ka nan sudah ba tuah ka nan manang jan tasuo jo nan salah latakkan dibiliak surang-surang kok baitu kecek ambo karano tasuo di malam nantun nan ditampi mangko diindang diliek kapado tamu nan tibo, nan surang ka rumah buliah lai balun nan surang bajapuik jo siriah pinang nan bajapuik jo siriah pinang iyo nan datang surang panghulu babaok naik langsuang ka rumah gadang ciek lai tamu nan samo datang, di halaman duduak dahulu sungguahpun baliau pejabat di padang itu nan basuluah mato ari, bagalanggang mato rang banyak iyo indak bacampua nan sapuah jo usali jan sampai jadi bagalemak peyak diulua namuahno panjang dipunta nan no singkek barito indak ka di papanjang jan sampai tasabuk di nan sasek Wassalamu'alaykum w.w. Bandaro Labiah -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email, DITOLAK atau DIMODERASI oleh system, jika: 1. Email ukuran besar dari >100KB. 2. Email dengan attachment. 3. Email dikirim untuk banyak penerima. ================================================