Tolong dibaca aturan di footer dibawah --------------------------------------
Alaikumsalam sanaks., Himbauan kanda Saaf ini sangat baik untuk dihayati oleh kita semua, terutama sanak kita pemegang kebijakan di ranah, baik pemerintah maupun para pengusaha. Himbauan ini adalah suatu bentuk kepedulian seorang DR. Saafroedin Bahar mewakili kepedulian perantau Minang diselingkar bumi yang kecintaanya kepada tanahair / Minangkabau tak pernah lekang dek panas dan tak akan lapuk dek hujan. Kanda Saaf, bagaimana caranya agar himbauan ini juga terbaca oleh sanak kito diranah. Sebab saya kok yakin sanak awak tu indak aktif di palantako. Apakah bisa dibuat menjadi himbauan resmi dari komunitas Rantaunet, untuk kemudian dipublikasikan dikoran Sumbar, dan juga ditujukan kepada BA1 dan semua instansi terkait. Wassalam dutamardin Saafroedin BAHAR <[EMAIL PROTECTED]> wrote: Tolong dibaca aturan di footer dibawah -------------------------------------- Assalamualaikum w.w. para dunsanak sa palanta, Mungkin indak banyak para dunsanak nan mamparatikan, tapi sacaro indak sangajo kampuang kito Sumatera Barat kini sadang mamasuki babak baru dalam pembangunan daerah, nan jiko diurus elok-elok bisa manjadi awal kabangkitan Minangkabau sacaro bakalanjutan di maso datang, dan manyangkuik kasatuan urang awak di Ranah dan di Rantau. Baa mako ambo katokan indak sangajo ? Karano mulonyo hanyo kongkow-kongkow dari mereka nan gilo ka kareta api, dek dikompori taruih dek pak Chaidir Nien Latief Dt Bandaro, mantan petinggi PT KAI. Sasudah rapek di kantua ambo di Komnas HAM tabantuaklah Masyarakat Peduli Kereta Api Sumatera Barat (MPKAS). Eh sudah tu manggalindiang taruih, makin lamo makin capek, karano dapek Wakia Katua jo Sekjen nan sabana-bana gilo, yaitu Dunsanak Ir Kurnia Chalik dan Yulnofrins Napilus, nan siang malam pikirannyo kereta api sajo. Dan nan paliang penting, pak Gub kito Gamawan Fauzi mancaliak prakarsa ko sabagai paluang untuk mamajukan pariwisata sabagai produk andalan Sumbar nan punyo alam nan sabana indah. Ambo yo satuju jo banyak panilaian urang bahaso nagari kito tu sabana rancak. [Indak urang awak sajo nan mangatokannyo, bahkan dunsanak-dunsanak kito dari Jawa bakalabiahan pulo mamuji, sampai ambo juo tacangang-cangang dibueknyo]. Sasudah tu datang dukungan dari dima-dima, tamasuak dari PT KAI sandiri. Memang, kalau dipikia-pikia, karano batu baro alah abih dan industri gadang hanyo PT Semen Padang sajo, mako hanyo wisata nan bisa mandongkrak ekonomi urang kampuang kito. Infrastruktur kan alah ado dan hebat, yaitu BIM di Katapiang, jo jembatan Kelok Sambilan di perbatasan jo Riau. Industri makanan kariang sarupo karupuak sanjai alah lamo ado. Sadangkan alam kito sabana santiang, dan bisa tagilo-gilo kito mancaliaknyo [iko kalau indak dibantai dek angku-angku cukong illegal logging, bisa habih tandeh kaindahan kampuang kito tu nantik !]. Barangkali kito sadonyo satuju bahaso kito paralu bana mamacu ekonomi Sumatera Barat, tautamo karano pangangguran di kalangan anak-anak mudo kito sabana banyak, baiak di nagari maupun di kota-kota. Pak Gub bakali-kali manegaskan bahaso dari tigo urang Ranah, surang miskin. Sakadar contoh pribadi, tigo adiak ambo kini manganggur, kasihan mancaliak nasib anak-anaknyo. Bara dapek alah ambo cubo mambantu, tapi kabaralah tabantu, karano ambo alah pansiun. Jan lupo bahaso kalau anak-anak sawakatu ketek kurang gizi iko banyak bana di nagari awak mako utaknyo indak kambang, dan ka jadi urang ongok salamo iduiknyo. Nah, tanyato kini ado paluang gadang untuak maubahnyo, yaitu mendayagunokan dukungan dari para Perantau kito sandiri, baiak di mancanegara maupun di propinsi-propinsi lain di Indonesia, nan pasti sacaro berkala taragak ka kampuang halaman. Dari Perantau di lua nagari, kito alah dapek kapastian bahaso Adinda Ajoduta nan bamukim di USA, langkok jo urang samando nan sabagian bule ingin pulang kampuang, jo pesawat charteran, tahun muko, 2008, sabanyak 300 perantau. Iko tantu marupokan galombang paratamo, nan bisa baulang tiok tahun. Gagasan iko sadang ditaruihkan untuak maajak para perantau kito di Perancis dan Australia untuk juo pulang basamo, langkok jo urang sumando dan anak cucu baliau-baliau. Hanyo paralu ambo sampaikan parmintaan baliau-baliau, jan sampai jaran pulang karano parlakuan nan indak sandereh. Para perantau domestik kan tiok bulan puaso dan satiok musim liburan bahondoh pondoh pulang, dan biasonyo jalan macet di Lembah Anai, baiak dek dunsanak nan datang jo oto surang maupun nan pulang jo pesawat. Kaduo potensi ko salamo ko alun tagarap sacaro baiak, padohal dapek dimanfaatkan bukan sajo untuak mandorong pembangunan ekonomi dan mangurangi pengangguran, tapi juo untuak memperkenalkan, mamaliharo, sarato mangambangkan adat jo budaya Minangkabau ka urang Rantau, nan manuruik pak Chaidir kini jumlahnyo labiah banyak dari urang Ranah. Ambo satuju, karano sabagian gadang ambo badunsanak juo alah bamukim di Rantau. Nan labiah penting, indak banyak di antaro nan di Rantau ko nan tahu baa bana adat dan budaya Minangkabau tu sarato baa bana indahnyo alam Minangkabau. Salain tu, Sumatera Barat mampunyi asset sejarah nan dapek kito manfaatkan sabagai daya tarik. Sakurang-kurangno ado duo nan takana dek ambo. Paratamo, sejarah Parang Paderi 1803-1837, nan baujuang jo Piagam Bukik Marapalam nan manjadi asa pepatah Adat Basandi Syarak, Syarak Basandi Kitabullah. Ado babarapo buku nan mancaritokan sejarah Perang Paderi ko, yaitu karangan Mohammad Radjab (?), Ir Mangaraja Onggang Parlindungan, dan Buya Hamka. Kaduo, sejarah Pemerintah Darurat Republik Indonesia (PDRI) nan alah diakui Pemerintah jo Keputusan Presiden Nomor 28 Tahun 2006 Tentang Hari Bela Negara. Alah banyak buku nan ditulih soal PDRI ko, tamasuak nan paliang langkok dikarang den Drs Amrin Imran, Dr JR Chaniago, dan Dr Saleh D. Djamhari. Dalam pandangan ambo, di tiok nagari nan basajarah dalam kaduo peristiwa ko, dibuek museum jo tugu ketek-ketek, disadiokan suvenir nan murah meriah, disadiokan pulo pemandu wisata nan bapakaian zaman saisuak, pasti sero ! Kini alah ado garak tapadu, antaro pencinta kareta api (mak Itam), Pemerintah Daerah, PT KAI, sarato dunsanak nan punyo hotel jo biro parjalanan, untuak mampasiapkan wisata urang Rantau langkok jo urang sumando jo anak cucunyo. Ambo raso, iko indak akan sakali lacuik. Kalau kesan paratmo ko yahud jaleh akan babaliak, tapi kalau kesan paratamo ko malah mambuek kesal, rasonyo yo agak payah mameloki. Karano tu izinkan ambo mangusulkan supayo terobosan ko dimanfaatkan sabaiak-baiaknyo, jo maagiahkan palayanan nan sabaiak-sabaiaknyo ka dunsanak kito nan ka pulang kampuang tu. Indak usah bakalabiahan, baliau-baliau juo indak amuah, tapi nan wajar dan profesional sajo. Mano tahu terobosan ko memang bisa mandorong perekonomian rakyat di kampuang kito tu. Paralu dikaji sajak kini, apo kakurangan jo kalabiahan palayanan salamo ko. Nan kurang mari kito peloki, nan alah elok, kito partahankan. Sabagai motivasi, ambo takana semboyan Restoran Padang di Cipanas dakek Puncak, nan dilatakkan di pintu kalua, nan isinyo kito-kiro: Jika Anda puas, sampaikan kepada orang lain, namun jika Anda tidak puas, tolong sampaikan kepada kami.. Sakianlah apo nan takano dek ambo. Talabiah takurang mohon maaf. Wassalam, Saafroedin Bahar (70th) __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email, DITOLAK atau DIMODERASI oleh system, jika: 1. Email ukuran besar dari >100KB. 2. Email dengan attachment. 3. Email dikirim untuk banyak penerima. ================================================ Sukseskan Pulang Basamo 2008 visit: www.west-sumatra.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email, DITOLAK atau DIMODERASI oleh system, jika: 1. Email ukuran besar dari >100KB. 2. Email dengan attachment. 3. Email dikirim untuk banyak penerima. ================================================
