Assalamualaikum w.w. para dunsanak sapalanta,
Rasonyo indak banyak kito nan di Rantau mandanga adonyo Keppres Nomor 28
Tahun 2006 nan mangakui tanggal 19 Desember yaitu tanggal tabantuaknyo
Pemerintah Darurat Republik Indonesia (PDRI) di Bukittinggi -- sebagai Hari
Bela Negara. Susunan personalia PDRI tu dilangkoki tanggal 22 Desember di
Halaban. Sahubungan jo itu, tanggal 22 dan 23 Januari nan lalu diadokan
syukuran di Gedung Negara Istana Bung Hatta di Bukittinggi.
Ambo kabatulan hadir dalam acara syukuran tanggal 22 dan 23 Januari nan lalu
di Bukittinggi. Bukan main, sabana taharu kito mandanga panjalasan dunsanak
Thamrin Manan,SH; Kolonel Pur Djamaris Yunus, Gubernur Gamawan Fauzi, Menko
Polhukam Widodo A.S. Menhan Yuwono Soedarsono (tatulih). Indak kurang taharunyo
kito mancaliak paduan suara anak-anak sikola jo tarian perjuangan. Bukan main.
Khusus untuak kito nan alun tahu, izinkan ambo manjalehkan sacaro singkek apo
pentingnyo PDRI itu. Singkeknyo, kalau indak adolah PDRI, sacaro hukum indak ka
ado pulo RI saat itu, karano Presiden Soekarno jo Wakia Presiden Mohammad Hatta
basarato babarapo menteri ditangkok Balando tanggal 19 Desember 1948 di
Yogyakarta sawakatu malancarkan Agresi Militer Kaduo.
Tapi karano kasigapan babarapo tokoh Pemerintah nan dibao Bung Hatta bulan
November 1948 ka Bukittinggi khususnyo Kolonel Hidayat, Mr Syafruddin
Prawiranegara, dan Mr Tengku Muhammad Hassan -- baliau-baliau mamutuihkan
mambantuak PDRI, walau parintah khusus untuak itu indak baliau-baliau tarimo.
Baitulah, salamo kurang labiah tujuah bulan, antaro 19 Desember 1948 13 Juli
1949 PDRI iko mamimpin perjuangan malawan Balando. Panglima Besar Soedirman dan
seluruh perwakilan RI di lua nagari tunduak ka PDRI iko. PDRI itu sandiri
sacaro fisik didukuang dan dilinduangi dek saluruh rakyat di Sumatera Barat,
Riau, dan Jambi. Indak bakalabiahan jiko kito katokan, bahaso PDRI ko sabana
manjadi kabanggaan urang awak di tigo provinsi itu. Sampai kini.
Alah lumayan banyak buku nan ditulih urang tantang PDRI ko, antaro lain dek
Dr Mestika Zed, Ismail Hasan SH, dan Drs Amrin Imran, Dr JR Chaniago dan Dr
Saleh D. Djamhari. Ambo anjurkan kito nan baminat dan bangga ka sumbangan
urang awak ka perjuangan bangso kito -- mambaco buku-buku iko. Kalau ado nan
baminat, buku nan dikarang dek dunsanak Drs Amrin Imran dkk bisa dipasan ka Ibu
Warni Darwis, Wk Sekjen Gebu Minang, Tilp 021 8565349 (K), 021 8561603 (R), HP
08128220321, 081806493588. Taba bukunyo 316 halaman, Haragonyo Rp. 60.000 (=
USD 7,- sajo!) tantu ditambah ongkos kirim.
Wassalam,
Saafroedin Bahar
---------------------------------
Sucker-punch spam with award-winning protection.
Try the free Yahoo! Mail Beta.
Sukseskan Pulang Basamo se Dunia, Juni 2008.
-----------------------------------------------------------------
Website: http://www.rantaunet.org
============================================================
UNTUK SELALU DIPERHATIKAN:
- Hapus footer dan bagian yang tidak perlu, jika melakukan reply.
- Email dengan attachment, tidak dianjurkan.
- Posting email, DITOLAK atau DIMODERASI oleh system, jika:
1. Email ukuran besar dari >500KB.
2. Email dikirim untuk banyak penerima.
--------------------------------------------------------------
* Berhenti (unsubscribe), berhenti sementara (nomail) dan konfigurasi
keanggotaan, silahkan ke: http://rantaunet.org/palanta-setting
* Membaca dan Posting email lewat web, bisa melalui mirror mailing list di:
http://groups.yahoo.com/group/RantauNet/messages
http://groups.google.com/group/RantauNet?gvc=2
dengan mendaftarkan juga email anda disini dan kedua mirror diatas.
============================================================
