Website: http://www.rantaunet.org ==========================================
Assalamualaikum w.w. Ananda Benni, Ringkasnyo sajo, adat Minangkabau salain indak mengembangkan kultur dan struktur di ateh tingkek nagari (=supra nagari) nan bisa mampasatukan saluruah Minangkabau, juo sacaro kalimbagoan indak manjambatani hubungan antaro ayah dan anak di dalam keluarga, nan baa juo dalam adat adolah balain suku dan indak ado hubungan sako dan pusako. Jadi sacaro normatif, indak ado 'keluarga' dalam adat Minangkabau. Di siko balain bana ajaran Islam dan hukum nasional jo 'ajaran' adat Minangkabau. Cubolah Ananda paratikan saluruah silsilah dan ranji manuruik adat: saluruah katurunan anak laki-laki -- nan menuruik Islam adolah batali nasab -- indak surang juo nan tacatat. Baa mako baitu ? Apo alasannyo ? Yo karano sako dan pusako. Dalam hal ko sacaro otomatis mereka adalah urang lain, 'outsider'. Masyaallah. Dalam buku ambo, ambo manunjukkan bahaso tatanan sarupo tu adolah tindak pidana manuruik Pasal 277 ayat (1) Kitab Undang-undang Hukum Pidana. Syukur alun ado nan cukuik 'gilo baso' mangadukan masalah ko ka Polisi. Artinyo, apo nan dikaluahkan bakapanjangan dek pak Darul, bahaso urang Minang bisa samo-samo bakarajo tapi indak bisa bakarajo samo, bukan sakadar kulikaik urang awak, tapi punyo akar kultural dan akar struktural nan labiah mandasar, nan paralu kito peloki sacara mandasar pulo, kalau kito indak ingin hal itu balanjuik. Soal adat nan salingka nagari: indak samo jo otonomi daerah nan kito anuik kini, karano otonomi daerah kini marupokan bagian dari NKRI nan labiah gadang. Adat salingka nagari kan indak, sahinggo nagari-nagari nan batatangga sajo, acok amaik indak bakaelokan. Padohal iko nan kito namokan :'egaliter'. Apo konsep egalitarian batua-batua indak mangenal struktur hirarkis ? Indak pulo. Dalam lareh Koto Piliang kan ado panghulu pucuak, nan statusnyo labiah tinggi dari panghulu nan lain. Lagi pulo kito kan mengenal pepatah: "Sadangkan kayu di rimbo lai batinggi barandah". Bakato pun kito diaja supayo mamparatikan kato mandaki, kato manurun, kato malereang, dan kato mandata. Indak bisa disapu rantau sajo doh, kan? Saparati Ananda baco dalam buku ambo itu, ambo mangadokan pabandiangan jo masyarakat matrilineal di Kerala (India), nan tanyato pinyakiknyo samo jo nan dialami dek Minangkabau sampai kini. Di Kerala dalam tahun 1933 masalah iko disalasaikan jo undang-undang negara. Mungkin Ananda batanyo, kalau baitu apo nan ambo sarankan ? Saparati nan ambo sampaikan dalam kesempatan lain: satukanlah Minangkabau itu, baik dalam sistem nilai maupun dalam struktur sosial. Rincian saran tu ado duo hal: 1) talitilah sacaro kritis kaidah dan struktur masyarakat adat Minangkabau ko, tarutamo dalam hubungannyo jo agamo Islam. Ma nan sasuai, lanjuikkan, ma nan alun sasuai, sasuaikan dulu. baru lanjuik. 2) adokanlah pabandiangan jo masyarakat hukum adat lain, baiak nan samo-samo matrilineal maupun -- sabagai pabandangan -- nan patrilineal, supayo kito jan bagaikan kato papatah 'katak di bawah tampuruang'. Ambo dukuang panuah kainginan Ananda untuak maadokan pangkajian obyektif taradok masyarakat Minangkabau kito tacinto iko. Iko nan indak bosan-bosannyo ambo tampilkan dalam wacana RantauNet salamo ko. Sekadar catatan akhir: 1) masalah nan ambo sinyalir di ateh nampaknyo labiah banyak marupokan masalah dunsanak kito di Ranah daripado masalah kito di Rantau; 2) kalaupun dipabiakan sajo, masalah nan ambo ajukan itu akan salasai surang, karano baa juo parubahan sosial indak bisa diambek sia juo. Adapun saran ambo dimukasuikkan kalau kito ingin ikuik merencanakan parubahan sosial nan alah, sadang, dan akan tajadi sacaro taruih manaruih itu. Wassalam, Saafroedin Bahar (70, Tanjung). --- proto_melayu <[EMAIL PROTECTED]> wrote: > Website: http://www.rantaunet.org > ========================================== > > Bapak Saaf yang terhormat.. > > manyalo saketek..satantang masyarakat nan manuruik > Bapak tapacah balah > iko..apo penjelasannyo Pak ? kalau masalah adat > salingka nagari..ambo > raso nagara indonesia pun alah maniru jo manerapkan > otonomi daerah di > lingkup terkecil pemerintahan. kok masalah harto > pusako mungkin > sepersekians ajo nan badarah2 bantuak nan Bapak > kecekan tuh > diantaronyo nan tajadi jo Kaum Ayah Bapak sarupo > tatulih di Buku nan > bapak tulih tuh.. > > masalah suku nan takotak kotak tuh ambbo raso tujuan > mancagah kawin > sasuku adolah untuak mencegah adonyo pengkotak > kotakan nan baujuang ka > chauvinisme dan rasa bangga berlebihan dalam suatu > suku. sehingga > dengan perkawinan antar suku itu tajalin sikap > egaliter bahwa anak > adolah suku ibunyo..dan besan adalah suku nan lain > pulo.. > > mohon dijalehkan pak bia ndak takesan penilaian > subjektif sajo..bia > kami nan mudo2ko bisa mancaliak persoalan secaro > objektif, dan syukur2 > ilmiah liwaik penelitian yang mumpuni indak satu duo > nagari sajo.. > > sekian Pak > > Wassalam > > Ben > > > --- In [EMAIL PROTECTED], Saafroedin BAHAR > <[EMAIL PROTECTED]> wrote: > > > > Website: http://www.rantaunet.org > > ========================================== > > > > Assalamualaikum w.w. pak Chaidir, > > > > Sambia manunggu tabantuaknyo baliak Center for > > Minangkabau Studies, sacaro pribadi ambo > manjadikan > > pangkajian masalah mendasar Minangkabau ko sabagai > > pusek paratian ambo. Jadi indak ganggam-ganggam > baro > > doh. > > > > Buku ambo "Masih Ada Harapan" (2002) kan hasil > dari > > renungan ambo salamo iduik dan kajian ambo sacaro > > intensif salamo duo tahun. > > > > Baitu juo wacana kito akhir-akhir ko tantang ABS > SBK, > > soal ranji/silsilah, Pagaruyuang, sato sakaki > dalam > > MPKAS/MAPPAS dan sebagainyo kan bagian dari > perhatian > > ambo sacaro balanjuik taradok kampuang kito nan > jauah > > di mato tu. > > > > Cuma saparati nan pak Chaidir sinyalir juo, tibo > ka > > baiyo bana basamo-samo mambahas Minangkabau jo > > dunsanak kito nan lain, baru timbua masalah. Capek > > atau lambek, nampak bahaso ado duo kubu dalam > > masyarakat Minangkabau ko, namokanlah Kubu A nan > ingin > > mamparsatukan Minangkabau dan Kubu B nan ingin > > Minangkabau tu tatap tapacah balah saparati salamo > ko. > > Ambo tamasuak Kubu A. Mungkin juo sabagian gadang > kito > > urang Rantau. > > > > Dalam keadaannyo salamo ko, Kubu B ko sabana kuaik > > dalam batahan, karano sistem nilai dan struktur > > masyarakat Minangkabau memang indak dirancang > untuak > > basatu dan bakarajo samo satu samo lain, tapi > justru > > untuk iduik bakotak-kotak. Bahkan urang nan batali > > darah, sanasab, dibagi dalam kotak-kotak nan indak > > bisa dijambatani. > > > > Apo ukuran kotak-kotak tu ? Harato pusako. Mau > indak > > mau ambo sampai ka kasimpulan, bahaso demi harato > > pusako -- nan indak pulo banyak dan mungkin alah > abih > > tagadai pulo tu -- bialah dibuang urang nan > sadarah. > > Singkeknyo, dalam masyarakat kito posisi harato > bando > > jauah labiah panting dari manusia. > > > > Jadi pak Chaidir, panjang jalan nan haruih > ditampuah > > sabalun Minangkabau tacinto ko batua-batua bisa > saciok > > bak ayam dan sadanciang bak basi. Banyak bengkalai > > konseptual nan paralu disalasaikan. > > > > Ambo insya Allah akan taruih mamparatikan, > menalaah, > > mengkaji, dan sesekali manulih apo nan ambo > pikiakan. > > > > Ambo sanang sekali jiko pusat pengkajian > Minangkabau > > yang digagas pak Gubernur itu bisa tagak dalam > wakatu > > nan indak talalu lamo. Sapanjang nan dapek ambo > bantu, > > insya Allah ambo dukuang. > > > > Untuk samantaro ko, tanago ambo kerahkan untuk > > mendukung tabantuaknyo Sekretariat Nasional > Masyarakat > > Hukum Adat nan bapusek di Pekanbaru, Riau. > > > > Wassalam, > > Saafroedin Bahar (70, Tanjunng) > > > > > > > > --- chaidir latief <[EMAIL PROTECTED]> wrote: > > > > > Website: http://www.rantaunet.org > > > ========================================== > > > > > > > pak saf yang baik > > > > > > Apo yang sedang menjadi pemikiran pak saf tidak > > > mungkin seperti memegtang bara panas Apakah itu > > > masalah Pagaruyung apakah masakah ABSSBK dll > Harus > > > ado nan sungguh sungguah menangani berketerusan > > > berkelanjutan melalui kajian dan penelitian > > > Ke LKAAM tidak banyak yang dapat kita harapkan > Ambo > > > usahokan pulo memghidupkan kembali Center for > > > Minangkabau Studies ( alah ambobicarakan pulo dg > > > Prof Muchyar Naim ) Tapi sampai kini indak ado > > > kelajutannyo Terakhir ambo bicarokan dengan > Rektor > > > UNAND Menurut beliau akan membicarakan dengan > > > Prof Prof Syahmunir Kalau pakSaf ke Padang > tolonglah > > > temui beliau > > > Kalau UNAND bisa kan disinan banyak Prof gan > > > pakarnyo Nanti bisa ambo kerahkan UMMY dengan > para > > > datuak datuak di Solok > > > Chaidir N Latief > > > > > > > > > ----- Original Message ---- > > > From: Saafroedin BAHAR <[EMAIL PROTECTED]> > > > To: Membangun Minangkabau nan Bergengsi > > > <[EMAIL PROTECTED]> > > > Sent: Monday, March 5, 2007 3:34:41 AM > > > Subject: Re: [EMAIL PROTECTED] Mari kita selesaikan > > > bengkalai konseptual Minangkabau ini. > > > > > > > > > Website: http://www.rantaunet.org > > > ========================================== > > > > > > Assalamualaikum w.w. Dunsanak Azmi Dt Bagindo, > > > > > > Tarimo kasih ateh sambutan Dunsanak taradok usul > > > ambo > > > untuak manjaniahkan posisi kerajaan Pagaruyuang > ko > > > dalam sejarah dan kebudayaan Minangkabau. Ambo > yakin > > > masalah ko paralu kito salasaikan supayo jan > kito > > > taruih manaruih sampai basikap manduo. > > > > > > Lambek laun taraso bahaso salain masalah > kerajaan > > > Pagaruyuang ko ado masalah-masalah konseptual > > > mandasar > > > Minangkabau nan alun tuntas dijaniahkan, dan > salamo > === message truncated === ____________________________________________________________________________________ Don't get soaked. Take a quick peak at the forecast with the Yahoo! Search weather shortcut. http://tools.search.yahoo.com/shortcuts/#loc_weather Sukseskan Pulang Basamo se Dunia, Juni 2008. ============================================================ UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Email dengan attachment tidak dianjurkan, sebaiknya melalui jalur pribadi. - Posting email, DITOLAK atau DIMODERASI oleh system, jika: 1. Email ukuran besar dari >300KB. 2. Email dikirim untuk banyak penerima. -------------------------------------------------------------- * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-config * Membaca dan Posting email lewat web, bisa melalui mirror mailing list di: http://groups.yahoo.com/group/RantauNet/messages http://groups.google.com/group/RantauNet?gvc=2 dengan mendaftarkan juga email anda disini dan kedua mirror diatas. ============================================================