Allegra Nus dovrain Teis agüd. Nus eschan a la tschercha da persunas chi's partecipeschan a la pilotaziun dals items grammaticals e lexicals dal nouv certificat rumantsch. Ultimamaing ha RTR rapportà da quel proget<https://www.rtr.ch/audio/actualitad/il-certificat-rumantsch-analog-ad-autras-linguas?partId=12326104#autoplay>. Nus vessan grond plaschair, scha Tü füssast da la partida.
Ün pêr infuormaziuns davart il proget: * La Scoul'otra da pedagogia dal Grischun (SAP)<https://phgr.ch/rm/?language=rm-CH> ha surgni da la regenza dal chantun Grischun l'incumbenza da sviluppar ün certificat rumantsch pels livels C1/C2 (ils duos livels ils plü ots tenor il Rom europeic cumünaivel da referenza per linguas<https://www.europaeischer-referenzrahmen.de/>). * Cun agüd dal certificat rumantsch dessan persunas chi han ün livel linguistic ot avair la pussibiltà da laschar attestar quella cumpetenza. * Il test per pudair laschar certifichar las cumpetenzas da rumantsch vegn manà tras in collavuraziun cun l'Institut für Bildungsevaluation<https://www.ibe.uzh.ch/de.html>, ün institut associà da l'Università da Turich. * Il certificat final consista da differentas parts. Üna da quellas parts as basa sün cumpetenzas grammaticalas e lexicalas. Per quella part han linguistas da la SAP sviluppà differentas lezchas (items). * Per pudair analisar sistematicamaing la qualità, la validità ed il livel linguistic dals items valladers sto üna tscherta quantità da persunas avair respus a las dumondas grammaticalas e lexicalas (items) dal certificat. * Actualmaing pilotaina la prüma part dal certificat (cumpetenzas grammaticalas e lexicalas) in ün seguond pass vegnan eir sviluppadas e pilotadas lezchas chi masüran otras cumpetenzas, sco per exaimpel l'incletta da leger. Che avantags hast tü? * Tü hast la schanza da guadagnar ün bon da 100 CHF. I vain trat la sort per eruir las persunas chi guadognan ün bon. * Culla partecipaziun al proget sustegnast Tü nossa lavur e promouvast il rumantsch. * Plü tard poust Tü lura masürar e certifichar Tias aignas cumpetenzas rumantschas. Chi as po partecipar al pilot e co poust tü t'annunzchar? * Partecipar as pon tuot:tas chi san bain vallader (livel da lingua materna). * Tü stoust avair temp ca. 1.5 uras tanter ils 1. da mai ed ils 31 da mai 2023 (Tü stoust indichar che di cha Tü fast il pilot, l'urari da quel di po gnir tschernü libramaing). * Scha Tü at lessast partecipar schi scriva fin als 30 d'avrigl 2023 ün mail ad [email protected]<mailto:[email protected]> cullas seguaintas infuormaziuns: * Il di dal pilot (tanter ils 1. da mai ed ils 31 da mai 2023), il pilot düra ca. 1.5 uras. * Las seguaintas infuormaziuns: prenom, nom, data da naschentscha, schlatta. Co funcziuna il pilot? * Davo cha Tü t'hast annunzchà/annunzchada tramettain nus ün pêr dis avant il pilot las infuormaziuns davart il decuors dal pilot ed il login. * Il pilot vain fat online. Tü stoust avair ün PC, ün laptop o ün iPad cun tastatura e cun access a l'internet. Il sistem, cul qual ils pilots vegnan realistats, es simpel e fich intuitiv. * Il pilot consista da duas parts, minchüna düra ca. 45 minuts. Las duos parts pon gnir fattas üna davo tschella o minchüna per sai. * A la fin da la seguonda part daja amo ün pêr dumondas a reguard Tia situaziun linguistica. * Attenziun: Scha Tü at partecipeschast, esa fich important cha Tü nu douvrast ingüns mezs d'agüd (p.ex. internet, dicziunaris). I va be per valütar il certificat e per chattar oura quant pretensiusas cha las dumondas sun. La prestaziun persunala nu vain valütada. Schi's douvra mezs d'agüd vegnan ils resultats falsifichats. Per ulteriuras dumondas staina jent a disposiziun. Nus ans allegrain sün Ti'annunzcha! amiaivels salids - cordiali saluti - freundliche Grüsse __ Alina Müller Wissenschaftliche Mitarbeiterin I [email protected]<mailto:[email protected]> 081 354 03 19 Pädagogische Hochschule Graubünden Scola auta da pedagogia dal Grischun Alta scuola pedagogica dei Grigioni Scalärastrasse 17, 7000 Chur +41 81 354 03 02, www.phgr.ch<http://www.phgr.ch>
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
