soenggoe menjeselken hati kerna ada mahasiswa di akademij pemerenta
itoe jang mati dipoekoeli lagi. djoestroe ija mati di satoe sekola
jang loeloesannja kita bole arepken marika nanti djadi prijagoeng.
oentoeng sadja kita djoega bole arep kita poenja presiden teges
oentoek ambil satoe kepoetoesan jaitoe membekoeken itoe kampoes.
tapi lantaran itoe poela tadi pagi sekonjong-konjong banjak orang
jang dateng ke itoe akademij dengen maksoed oentoek maen ski di itoe
kampoes.
* * *
ada orang doedoek batja soerat kabar di stasion manggarai. laloe ija
berdiri seperti terkedjoet dan ija tjelingak-tjelingoek lihat
samping kanan dan lihat samping kirinja. soeda itoe ija mendongak ke
atas dan menengok ke belakang.
jang sebelanja djadi penasaran sama itoe orang teroes dia tegoer
itoe orang,
"boeng sepertinja ada sasoeatoe!?" katanja.
laloe orang itoe djawab,
"tida tahoe djoega,"djawabnja sambil ija gelengken
kepalanja,"tapi,
ada di toelis di soerat kabar satoe kedjadian loear biasa."
jang menegoer itoe mereboet orang poenja soerat kabar, laloe ia ada
batja, --kedjadian loear biasa demam berdara.-
* * *
toean presiden soeda teken satoe peratoeran jang sjahken commission
baroe boewat ditoegasi oeroes loempoer.
commission itoe ada anggota toejoe orang jang pasti aken poesing
toejoe keliling kerna ija poenja toegas bikin brenti loempoer kloear
dari peroet boemi.
tapi moengkin djoega ija aken poenja gadji dengen toedjoe nol. jadi
boeat apa ija poesing?
---djinawi
