Estou a corrixir os erros coñecidos do corrector de galego en Hunspell que elaborara Mar Castro Pereiro para Mancomún entre 2006 e 2007. De momento xa corrixín os erros dos que eu mesmo informara na Forxa, e estou agora mesmo solucionando os erros que atopei nesta páxina: http://wiki.mancomun.org/index.php/Conversa:Corrector_ortográfico_para_OpenOffice.org
O paso difícil realmente fora conseguir pasar o orixinal de Mancomún a UTF-8, cousa que non conseguira a primeira vez que intentara pórme a corrixir o corrector. Desta vez tampouco o conseguira ao principio, pero parece que xa o teño funcionando perfectamente. Dos erros da wiki de Mancomún, que estou corrixindo en orde, xa están corrixidos ata o da forma verbal pretérito 1P dos verbos coma recuar (recuei) e continuar (continuei). Estaba pensando que ao mellor podiamos crear un proxecto en Trasno para o desenvolvemento deste corrector, dada a súa importancia non só á hora de escribir en galego simplemente senón tamén á hora de traducir programas. Enténdase por proxecto que se poidan recoller tickets sobre erros no corrector e que estea aloxado nos servidores de Trasno (sftp?). Máis nada, sigo a ver se dou corrixido todo o tema dos verbos polo menos para esta tarde. Un saúdo!
signature.asc
Description: This is a digitally signed message part.
_______________________________________________ Proxecto mailing list Proxecto@trasno.net http://listas.trasno.net/listinfo/proxecto