Vou empezar explicando como funciona o sistema gettext, que se usa nas textutils, fileutils, bash, gcc, etc...
No código fonte do programa tedes un directorio chamado po/, que contén os ficheiros de internacionalización do programa. Cada un deses ficheiros (extensión .po) correspóndese a un idioma: de.po, fr.po, es.po... Os nomes escóllense polo código ISO 631 (se non recordo mal), e o código do idioma galego é GL. Atoparedes nese directorio un ficheiro con extensión .pot; ese é o ficheiro mestre, cos textos en inglés (ou francés, ou neerlandes, ou o idioma orixinal do programa), que segue un formato parecido a este: # Isto é un comentario #. Isto era un comentario "especial" no código fonte do programa #: isto/e/o/nome/do/ficheiro/no/que/estaba/esta/cadea msgid "Esta é a cadea orixinal" msgstr "Esta é a cadea traducida" No ficheiro .pot, as sucesivas cadeas msgstr están baleiras; é o noso traballo enchelas ;-) Tamén, en www.iro.umontreal.ca/contrib/po/pot (creo) están os .pot de algúns programas GNU (da FSF). Imos supor que traducimo-lo hello (que xa está traducido, e podedes atopar en http://ceu.fi.udc.es/~jtarrio/gl-po). Para poder traduci-lo ficheiro, primeiro teredes que crea-lo .po; para iso mirade-las primeiras liñas do hello.pot (por exemplo, co comando "head ficheiro.pot") e mirade-la liña que comeza por Project-Id-Version:, por exemplo: "Project-Id-Version: hello 1.3.22\n" Renombrade ou copiade o ficheiro hello.pot a hello-1.3.22.gl.po (é dicir, paquete-versión.idioma.po) :-) Se a liña fora algo coma: "Project-Id-Version: bash 2.0\n" O ficheiro serÃa bash-2.0.gl.po Para traducir, a cousa é moi sinxela; cólledes o editor joe, ou o emacs, ou o vi, ou o xfte, ou o pico, a idea cóllese, ¿non? ;-) e enchedes cada msgstr cun texto que sexa a versión traducida do que aparece no msgid, que NON debedes modificar, porque serve para identificar cada cadea en inglés. Finalmente, cando o voso ficheiro .po esté rematado, hai que compilar un ficheiro de idioma binario (os ficheiros .mo que podedes atopar en /usr/share/locale/es/LC_MESSAGES). Para iso utilizade-la ferramenta 'msgfmt' /que podedes atopar no paquete 'gettext' da vosa distribución: $ msgfmt hello-1.3.22.gl.po Isto xera un ficheiro chamado 'messages' que inmediatamente copiaredes ao directorio /usr/share/locale/gl/LC_MESSAGES, co nome do paquete e coa extensión .mo, por exemplo: $ cp messages /usr/src/locale/gl/LC_MESSAGES/hello.mo Se o directorio non existe, creádeo :-) Para que o idioma que se empregue sexa a galega, só tedes que usa-lo comando: $ export DISPLAY=gl_ES Ben, ben... O QUE NUNCA DEBEDES FACER: - Traduci-lo es.po: queda fatal, provoca castelanismos e ademáis a traducción non é todo o boa que se quixera (ningunha o é, pero en fin...) - Usar sintaxe inglesa: 'file could not be opened' non se traduce por 'o ficheiro non puido ser aberto', senón por 'non se puido abri-lo ficheiro'. E, por suposto, non empreguedes castelanismos, formas compostas (non existen en galego: 'rompeu', non 'ha roto'), non empreguedes formas reintegracionistas (suponse que estamos traducindo ao galego normativo-Xunta :-)), e procurade usar formas enxebres (pero non hiperenxebrismos: empregar 'agás' está moi ben; empregar 'esceto' noooon)... -- TarrÃo Fidonet: 2:348/102.11 (Compostela) -- Para sair desta lista, manda un mail a gpul-traduccion-requ...@ceu.fi.udc.es poñendo "unsubscribe" na mesaxe