Boas. Son Enrique Estévez, máis coñecido por Keko.
Son un dos fundadores de Ousli e ata fai uns meses o secretario de dita Asociación (nestes momentos son un simple colaborador de dita asociación). Agora estou de coordinador da Oficina de Software Libre da USC e veño de unirme a lista de trasno para colaborar con todos. A maior parte dos que estades aquí xa me coñecedes pero hai outros que non, por eso me presento así, tan formalmente, jeje. De entrada, como xa vos comentou Fran, pomos o proxecto NetBeans baixo o paraugas de asociación Trasno. En principio, se ninguén ten inconvinte e non se presentan voluntarios, terei que asumir eu a coordinación do mesmo xunto con Fran (no tempo que lle quede libre). A ver se deixamos preparadas as páxinas do wiki canto antes, e quitamos toda a ferralla que hai e explicamos como se pode colaborar co proxecto de forma fácil, que a día de hoxe non o é). A maiores tamén estou levando a tradución do VirtualBox, OmegaT (que a teño que actualizar, enviala e tan pronto poida porme coa Web, xa que emprego dito programa para a tradución, cuestión de gustos) e fixen a primeira tradución do T-cos project (que tamén teño que actualizar e revisar o antes posíbel, porque Mario é un bo amigo). O outro proxecto interesante é centralizar o tema da tradución das Creative Commons (xa que a xente case non emprega as cc en galego e ten as ligazóns a de castelán), xa que teño contacto directo co que leva o tema en España e revisar dita tradución e ter todos os ficheiros de man para se as actualizan ou sacan unha nova licenza, que o traballo sexa mínimo. O máis dificil xa se fixo. Estou aquí para botar unha man. Saúdos.