Assalamu'alaikum wr.wb.,
Alhamdulillah, kasudahanno tabukak juo pintu Palanta ko. Sakali lai Alhamdulillah. Iko pintu ambo nan baru babuek kapatang, di pintu nan lamo sampai kini walaupun mamak-maka, dunsanak-dunsanak mangecekan alah tadanga pakiak ambo, namun diambo sandiri alun juo tadanga lai doh, di accout stlembang_alam tuh. Tapi bialah. Kamari kini alah bisa lalu.
Sajak tibo baliak di rumah ari Kamih tanggal 12 Feb nan lapeh, langsuang ambo janguai pintu Lapau, tapi, tu mah takunci untuak ambo kasadono.
Alhamdulillah sakali lai, iyo taragak sangaik pulo ambo nak maota, mandangai ota sasudah absent labiah tigo pakan.
Kapatang ado sms dari Bandaro, mausua mambukak dompet untuak korban gampo Padang Panjang, alah disupakati pulo dek angku Patiah. Mudah-mudahan alah jadi babukak dompet tu. Kok dapek nan rancak agak basugiro awak saketek manolong, katiko dunsanak-dunsanak awak di kampuang sadang marasoan sakik bana kiniko.
Kok alah ado nomor account dompet tu angku Patiah, kan alah buliah pulo awak samo-samo maisino.
Itu sajo daulu.
Kok disampai-an Allah ambo karang carito pakaro pajalanan haji, tapi bialah dulu agak sajamang, nak lapeh rangkik-rangkik dulu.
Wassalamu'alaikum wr.wb.
Lembang Alam
Muhammad Dafiq Saib <[EMAIL PROTECTED]> wrote:
Muhammad Dafiq Saib <[EMAIL PROTECTED]> wrote:
[EMAIL PROTECTED] wrote:
Do you Yahoo!?
Yahoo! Mail SpamGuard - Read only the mail you want.
____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________
