Sanak Ismet, ambo satuju jo nan disampaikan sanak Z dibawah ko. Ambo yakin kalau dunsanak apa bana jo hadist bahaso" kebersihan adolah sabagian dari iman." Apokah ka awak baco baco sajo dimuluik awak atau awak praktekkan hadis tu, sadang urang dikampuang Adrisman ,atau kampuang Jeruk manis nyo Indra atau nagari kangguru bisa manata tampeknyo barasiah dan teratur.
Sanak Ismet ,ambo baru pulang dari kampuang hari Rabaa kapatangko. Diateh taxi ka Bukiktinggi, sopir taxi baciloteh antaro lain inyo baucap bantuakko" kini anak sikola alah jadi pelacur dek ibuk", ambo jawab" masok iyo". "Kalau ibu indak picayo salidiki sandiri dek ibuk, bahkan anak SMP katonyo". Taruih tarang ambo tapurangah deknyo, ambo lah mandanga dulu, ambo kiro cuma mahasiswa ( indak bararti kalau mahasiswa ambo satuju ). Apokah halko biaso biaso sajo manuruik sanak? Di Bukik banyak pulo lai macamnyo nan ambo danga.
Di airport kabalaiak ka Jkt ko ambo bali 3 surek kaba, Singgalang, Padang ekspres dan Posmetro Padang . Tantu alah sampai disiko ambo sigi satu persatu korantu. Tibo mambaco Posmetro Padang halaman 6, iyo tabulalak incek mato ambo, samo tabulalaknyo ambo tahun 75 katiko mancaliak reklame macam tu di koran nagari kangguru. Kalau dulu maklum urang kampuang kakota metropolitan, tapi kalau kini iyo indak picayo ambo doh rasonyo halko ado dinagari awak ko dimano punyo" adaik basandi syarak, syarak basandi kitabullah". Pelacuran ruponyo alah resmi dinagari awakko. Kalau lah direklamean macam tu, baa manuruik sanak dipalantako, apolagi gambarnyo nan sangaik vulgar.. Apokah iko biaso sajo?. Ambo andok an koran tu sabab ambo indak namuah anak ambo mancaliaknyo.
Ambo salalu bacarito Minang nan hebat ka inyo, tanyato ambo alah mambohongi inyo.
Manuruik ambo satiok urang Minang nan masih sumbayang 5 kalai sahari musti manganggap persoalanko serius, marupokan persoalan basamo . Apokah urang nan maanggap dirinyo pamimpin atau diangkek jadi pamimpin baiak ulamo maupun birokrasi di nagari awak indak maamikiakan ko. Ambo iyo indak tega kampuang awak macamko.
Dunsanak Sarkis Sami , kok ditanyo malaikat nanti apo jawab awak.
Wassalam Isna H
Chaniago wrote:
Assalamu'alaikum WW
Mr Ismet, ... ambo ndak akan menanggapi satantang jo kato 'over acting' nan sanak utarakan kepada 'kami'.......... tetapi mungkin sanak tidak melihat ada masalah di kampuang awak.... dan kebetulan 'kami' melihat hal tsb dan merasa perlu mempermasalahkan itu.....
Dan juo bukan karano sadonyo di kampuang itu buruak dan rang di rantau itu rancak sadonyo.....namun nan paralu adolah kok ado nan buruak di awak antah di rantau atau di kampuang samo-samo kito pa rancak..... gampang aja kok..... soal iduik biaso-biaso mungkin standar yang sanak pakai lain jo standar ambo lah sakurangnyo....(kok bukan 'kami').....dan juo karena sanak alun 'mengalami'....
Kalau 'mengalami'...tau rasa lo....
Z Chaniago - Palai Rinuak -http://photos.yahoo.com/bada_masiak/
====================================================================== Alam Takambang Jadi Guru ======================================================================
From: "M. Ismet Ismail" <[EMAIL PROTECTED]>
Assalamu'alaikum WW
Antahlah Isna dan Capt jo Z Chan jaan talampau kiro (over acting) manganggap
urang yang tingga di Sumbar kiniko buruak sado alahe (seolah-olah awak se
yang di rantau ko elok-elok).
Manuruik ambo kahidupan di Sumbar itu biaso-biaso sajo bak kecek urang
normal-noraml sae. Buktinyo kehidupan di Sumbar masih berjalan sarupo biasa,
tidak hancur sarupo yang dikiro oleh sanak-sanak sado alahe.
Apo-apo yang ditulih oleh Isna tentang kekurangan yang ia lihat katiko
pulang ka Sumbar, sadonyo tajadi jugo dima tampek awak marantau kiniko. Jaan
mancaliak yang buruak-buruak sajo tidak etis awak namonyo itu do. Suatu
karakteristik kahidupan itu pasti ado pasangan, yang baik jo yang buruak,
yang hitam jo yang putiah, yang rajin jo yang maleh, yang luruih jo yang
maliang. Itulah yang dinamaokan hidup di dunia ko.
Wassalam
MII
_________________________________________________________________
Get reliable access on MSN 9 Dial-up. 3 months for the price of 1! (Limited-time offer) http://join.msn.com/?page=dept/dialup&pgmarket=en-us&ST=1/go/onm00200361ave/direct/01/
____________________________________________________
Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net
____________________________________________________
____________________________________________________
Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net
____________________________________________________
