Assalamualaikum wr.wb Dunsanak Warga RN, dunsanak milis balerong IKM Pusri dan Warga Sulik Ayie dimano sajo barado,
Dengan alah salasainyo Pemilu Legislatif sarato perhitungan suaronyo tadi malam, kami dari anggota KPPS nan ado sebanyak 5 buah di dalam Komplek Pusri Palembang ingin malaporkan sangenek tentang Pemilu tsb ka dunsanak kasadonyo. Pencoblosan dilaksanakan tapek pukua 07.00 WIB, masiang2 TPS nan limo buah tu didatangi oleh warga komplek sebanyak +/- 1100 urang, jadi satiok TPS ado pemilih sebanyak labiah dari 200 urang. Pemilu nan kini jauh babedo jo Pemilu sabalun2 nyo, jauah labiah rumik dibanding Pemilu nan lalu2. Partai banyak sahambua ditambah daftar caleg nan batirik di kolom partainyo masiang2 mambuek karateh suaro manjadi sagadang duo kali koran Singgalang, bahkan untuak DPRD Prov. Sumsel karatehnyo terdiri dari duo lembar, yaitu : partai 1 s/d 12 dikarateh nan partamo dan partai 13 s/d 24 di karateh ciek lai, jadi sangaik rumik bana. Kami pernah juo manjadi anggota KPPS di tahun 1996 (di tahun 1999 kami indak sato) nan lalu indak sarumik ko bana. Kami baru bisa manyalasaikan perhitungan suaro pado pukua 21.30 dan disarahkan ka kalurahan tapek pukua 22.00 WIB. Iyo bana seso awak dibuek e. Samantang pun baitu, tapi kami pueh dapek melaksanakan tugeh nan dibebankan ka kami oleh Negara tu dengan sukses. Adopun urutan 5 besar partai nan diminati dek warga Komplek Pusri adolah sbb : 1. PKS, dengan perolehan suaro = 35,0 % 2. Partai Demokrat = 19,1 % 3. Golkar = 14,5 % 4. PAN = 11,8 % 5. PDIP = 7,0 % Sadangkan secaro Nasional dari informasi website KPU sabantako ambo caliak s/d pukua 23.00 malam ko, urutan 5 besarnyo adolah : 1. PDIP, dengan perolehan suaro = 19,45 % 2. Golkar = 15,17 % 3. Partai Demokrat = 13,35 % 4. PKS = 13,01 % 5. PKB = 10,38 % Sakian info dari ambo di Bumi Sriwijaya ko, semoga partai nan berbasis Islam dan Moral nan akan manang. Wassalam, M.St.Bangsawan (Sekretaris TPS-05 Komplek Pusri) ____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________