Dek "tarayu" jo parmintaan tolong Laila, bakulilianglah ambo mancari
kaset Ratok mak Enggi ko. Dapek di BLOK-M, di RMP "Bungo Setangkai",
dibawah "Matahari".
Parasaian dalam gurindam
" Ratok mak Enggi"
Keluhan Lelaki Minang Diambang Sore
oleh Balerong Group - JKT
Pimp Yus DT Perpatih
Produksi Sinar Padang
Mbo puta kaset baulang-ulang ( baru kaset nmr 1 sajo).
Disitu mungkin sabagian gadang awak-awak akan tau baa jalur kahidupan
laki-laki Minang .................... daulu.
- Maso Kudo pacu
- Maso Jawi pambajak
- Mas- Kuciang Tuo
Dimaa fungsi bapak - mamak - bermasyarakat.
Baa parang dingin antaro sumando - minantu dirumah gadang.
Baa nasib laki-laki bilolah tuo.
Juo ado manganai carito pangalaman marantau - baminantu dari mak Enggi,
carito zaman ulando, PRRI, gestapu, dapek antaran dari rang Sunda.
Banyak sekali petatah petitih, mamang - gurindam dengan ucapan -
ungkapan nan lamak didanga dan untuak palajaran.
Saketek takajuk - heran dan sadiah, mandanga no
Bagi nan interest jo budayo Minang, kaset ko paralu didanga.
Ambo kuduang - kuduang isi kaset ntun.
InsyaAllah dimaa ado kesempatan, akan mbo posting penggalan-
penggalan ratok mak Enggi ko.
o Bukanlah sarok-sarok sajo
Sarok kok ado silaronyo
Sapukan taruih kailaman
Bukan ratok maratok sajo
Isuak kok lai kagunonyo
Ambiak katelong ka pidoman
.............
Mangko iduik sarupo jo rasian
Raso kapatang jadi umbuik
Sabanta nangko jadi daun
Kini lah nyato mangarisiak
Mananti gugua anyo lai
.................
Salerong dibadan diri ambo
Dimaso-maso bak kini, dimusim samusim nangko
sadiang tagak diambang patang, patang bajawek sanjo ari
Awan di barat merah sago
Mantari maantang turun, ilang di salo-salo bukik
Sicicia rimbo basautan, ayam baransua pulang kandang
Bintang nan tampak-tampak ijok
Batingkah bunyi gua tabuah, tabuah mugarik dari surau
Mako dibateh siang jo malamko diujuang sapadan hayat
Tabayang tubuah dalam camin
Badarun darah ka jantuang
Dicaliak-caliak dipandangi
Badan rangkik komalah lasua
Uban lah batabua
Angok ditingkah-tingkah kubua
Urang palak awak bajamua
Jangek nan tagang makin kandua
Pandangan taraso kabua
Pitih habih taragak timbua
Sinan maragang pintu kubua
.................
o Sawah laweh panjang bakelok
Dibajak jo bantiang putiah
Diluang tatagak juo
Kasiah urang maso lai maso elok
Sayang urang lai di nan ka buliah
......................
Tangguangkanlah dek sutan manjadi urang laki-laki
.......................
Bagi nan dilua jabotabek nan sangaik baminaik akan mbo bantu
pai mambalikan 2 kaset tsb. Tapi wakatuno io indak bisa capek.
Ambo tingga di Bogor, ka Blok - M barencana dulu.
Wass
mak Ban ( 53thn)
salamaik wik'en
~~~~~~~~~~~~~~~~~
Laila Fajri wrote:
>
> Assalamu alaikum wr wb.
>
>
> Bundo,Mamak˛,Uda˛,Uni˛ dan sanak yang barado dipalanta Rn .....
> Laila sadang mancari kaset ratok mak enggi.yang dulunyo kaset ko
> produksi dari Balerong Group jakarta.Yang isinyo tantang nasib lelaki
> minang diambang senja.sarat dengan makna dan falsafah minang.Kaset ko
> dulunyo kalo Laila ndak salah waktu Laila masih kelas 3 sd.Dulu Bundo
> Laila suko menterjemahkannyo untuak Laila.
> Tapi karna kami pindah˛ rumah kaset tu hilang.
> Adakah yang bisa membantu maagiah info tantang kaset yang laila
> maksud?
> Disamping itu Laila mohon koreksi atas bahasa minang Laila.Maklum
> Laila baru belajar sejak habis lebaran.Sekian dulu.
> terimakasih atas atensinya
>
>
>
>
> Wassalam
> Laila Fajri
____________________________________________________
Berhenti/mengganti konfigurasi keanggotaan anda, silahkan ke:
http://groups.or.id/mailman/options/rantau-net
____________________________________________________
