[R@ntau-Net] Pertemuan Warga RN di Lapangan Tenis RSPAU Halim tgl 06-06-2004

[Mulyadi]

Ass,wr,wb. Bundo dan Warga RN kasadonyo. Kalau dikecekkan kuciwa, iyo agak kuciwa ambo dek karano indak batamu jo Bundo nan sangaik ambo hormati. Tapi sungguahpun baitu, mungkin diacara dilapangan Tenis kapatang tu nan paliang bahagia adolah ambo. Ambo nan datang dari jauah, ditarimo dek Warga RN nan hadir di lapangan tenis tu. Spesial tarimo kasih ambo ka pakarek-an ambo Sutan Bandaro Labiah jo keluarga nan alah maantaan dan manjapuik ambo pulang pai ka lapangan Tenis dan ka Bandara sarato service nan terbaik nan alah dibarikan didangaunyo ka ambo. Ka Mamak Ustadz Zulharbi Salim, mohon maaf ambo indak bisa singgah di rumah Mamak di Jatijajar dek karano mangajaan wakatu. Kapado dunsanak Nafris di Tanjuang Enim nan indak sempat hadir, kami lai manarimo SMS dari Tuan, dan dunsanak2 nan indak hadir lainnyo, mudah2an akan hadir pado kesempatan barikuiknyo. Sekedar info, pado acara di Lapangan Tenis kapatang, ambo sempat main Tenis bapasangan jo Ronal malawan Pak Asmardi bapasangan jo (?) lupo ambo pasangan Pak Asmardi ko. Pasangan kami kalah 3 - 6. Sasudah itu kami membahas draft AD RN. Sabalunnyo dibahas dulu apokah perkumpulan kito ko babantuak Yayasan atau Paguyuban, diputuskan dek nan hadir untuak samantaro wakatu (direview salamo satahun) babantuak Paguyuban atau Organisasi Sosial Kemasyarakatan sajo dulu. Pembahasan Draft AD RN cukuik hidup, banyak masukkan dari Mamak Zulharbi, Mak Darul, Mak St.Lembang Alam jo Rang Mudo RN nan lainnyo. Semoga Dewis jo Lia capek maedit AD RN tu untuak disyahkan dan mambuek draft baru ART RN untuak kito bahas dikesempatan barikuiknyo. Ka Dewis ciek lai, tolong dibuek daftar hadir anggota nan hadir kapatang untuak arsip organisasi kito dan buekkan Notulennyo. Sabananyo banyak nan akan ambo sampaikan dipostingan ambo ko, tapi dek karajo alah mananti, kasawahlah dulu ambo cah.   Wassalam, M.St.Bangsawan ----- Original Message ----- From: [EMAIL PROTECTED] To: 'Komunitas MINANGKABAU (Urang Awak) Pertama di Internet (sejak 1993) ' Sent: Saturday, June 05, 2004 11:46 PM Subject: [EMAIL PROTECTED] Maaf tak bisa hadir Assalamu Alaikum W. W. Bundo mohon maaf tak bisa hadir dilapangan tennis karena ada acara keluarga dan ada pesta yang harus bundo hadiri. Salam ayah dan bundo untuk ananda Mulyadi dan semua yang hadir. Wassalam Bundo Nismah

____________________________________________________
Berhenti/mengganti konfigurasi keanggotaan anda, silahkan ke: 
http://groups.or.id/mailman/options/rantau-net
____________________________________________________