Sato lo snek. Kalau satu istilah atau akronim/kependekan lah ditarimo dek penutur asli bahaso tu, indak ado masalah. Baitu juo kalau ado satu duo penutur asli mangusulkan istilah atau akronim/kependekan nan balain, indak masalah pulo tu doh. Tingga bara banyak penutur asli nan sasuai jo usul ko. Dalam dunia bahaso memang berlaku juo "hukum rimbo": nan kuaik iduik, nan lamah lenyap. Ambo mangarati alasan usul penggantian akronim SUMBAR, dek homophonous (samo bunyinyo) jo perkataan "sumbar" dalam BI co dalam kalimaik: "Ia sesumbar mengatakan bahwa itu tidak benar." Dek samo bunyi jo ejaannyo, urang awam mangecekan perkataan tu duo maknanyo. Dalam tiok bahaso di duya ko, fenomena "a word has a bundle of meanings" lah manjadi rumus ilimu linguistik sajak saisuak dan sampai kini indak bisa dibantah. Jadi, kalau kato "SUMBAR" punyo duo arti atau homophonous jo "sumbar" padia se lah, dek itu memang masuak dalam pola linguistik ko.
Nan kaduo. Pakaro ikua imel nan manjelo-jelo, sajak saisuak lah balah kibor ambo jo Bandaro manyurekan dan manyarukan ka sagalo adidunsanak jo anak kamanakan anggota RN ko. Tapi tatap sajo ado nan "kareheang", nan indak amuah manenggang anggota plat hitam, co ambo nan musti mambaia tiok datiak download imel jo pitih pansiun. Pasti kabanyakan nan "kareheang" ko nan pakai fasilitas internet kantua, dek inyo indak kalua pitih sarimih juo mandownload imel ko. Jadi indak taraso dek inyo baa sakiknyo mambaia internet jo pitih pribadi. Banyak anak kamanakan nan sikola di lua nagari dan dapek fasilitas kampus perai, sangaik aktif di RN ko, eee, kutiko lah tamaik dan tibo di kampuangnyo baliak "hilang ditelan bumi" , indak takao lai bainternet ria, lah taraso sangaik barek, walaupun sabagian mereka ko lah doktor nan bapenghasilan sapuluah kali lipek pansiun ambo. Iko bukti, bahaso maakses internet di nagari awak ko, kok dibaia surang, indak saenteang pakai barang kantua nan perai. Jadi hai adidunsanak jo anak kamanakan nan kini baruntuang dapek fasilitas perai, tenggang juolah apak-apak, inyiak-inyiak, mamak-mamak nan pakai internet plat hitam ko. A bana bareknyo manakan "shift+control+end+del", saat mareply, indak makan waktu barang duo datiak bagai doh. mak Sati (67 thn) Tabiang, Padang. ----- Original Message ----- From: "Darul Makmur" <[EMAIL PROTECTED]> To: "Komunitas MINANGKABAU (Urang Awak) Pertama di Internet (sejak 1993)" <[EMAIL PROTECTED]> Sent: Sunday, June 13, 2004 7:29 AM Subject: [EMAIL PROTECTED] Ikua majelo-jelo - Seminar Budaya Minangkabau > Assalamulaikum WW > > Patamu: > > Ado saketek kapendekan nan sering mengganjal dek duo arati nan bakonotasi > negatif yaitu SUMBAR nan bararti ganda. ____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________