Wa 'alaikumussalam wr.wb.
Bundo dan sanak kasadonyo, kalau iyo alah samo
visi dan misi awak nan di Rantau Net ko, ambo sarankan ditulis dalam draft
AD/ART. Apobilo awak alah sapakek jo bunyi visi dan misi tu , ambo yakin awak
akan basatu dalam maujuikannyo dalam sumangek kekeluargaan, kebersamaan, gotong
royong dan keikhlasan bakorban untuak kampuang.
Ambo sapandapek bana jo bundo bahaso visi
itu barisi impian, angan-angan, cito-cito nan tantu barisi idealisme kito
sabagai urang Minang nan baciri khas
jo ABS-SBK, menonjol kuek agamo Islamnyo dan kuek pulo adat istiadat
atau budayanyo. Awak bamimpi untuak mambaliakkan daerah awak sarupo dulu nan
banyak malahirkan tokoh-tokoh kaliber nasional dan internasional. Tantu awak
harus manyasuaikan jo perkembangan zaman, jadi bajiwa idealisme nan sakaligus
pragmatisme. Apo iyo bisa baitu?
Wallahualam.
Wassalam ambo, Asmardi Arbi.
|
____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________