Maa Mak Sati sarato Rang Lapau nan Basamo,
Sakadar basicapek, ambo pai jo pulang, hanyo surang indak jo Rang Rumah doh.
Iko garih gadang pajalanan ambo. Jalan ambo maminteh dari rantau di Riak
nan Badabua Santa Cruz, California, jalan Highway 17 ka San Jose, CA.
Dari San Jose - New York (American Airlines), dari New York ka Cairo (Egypt
Air). Limo hari di AlQahirah ko mancaliak-caliak paninggalan Rajo Piraun.
Dari Cairo ka Jeddah (Egypt Air) pakai Ihram di Hotel di Cairo dan sudah tu
bapasang niaik baliak di ateh kapatabang wakatu malintehi Mikat. Talbiyah
manyarah diri kapado Allah. Dari Jeddah ka Makah baoto bis (AC) kiro-kiro
50 miles (kiro-kiro Padang - Padangpanjang?).
Di Makah langsuang masuak hotel sabalah Musajik Haram dan taruih Tawaf
malakukan upacara Umrah. Malam ka tigo jo nan ka ampek sempat pulo ambo
malakukan Umrah untuak Ayah jo Mak nan alah dahulu dari kito. Caronyo
pukua sambilan malam pai ka Mikat dakek Makah. Pakai Ihram di sinan,
sumbayang, baniaik Umrah dan barangkek baliak ka Masjid Haram malakukan
Tawaf (tujuah kali kuliliang Ka'bah mandoa sagalonyo) jo Sa'i (bolak baliak
7 kali dari Safa jo Marwah, mandoa sagalonyo).
Sudah tu baliak ka Jedah, tabang ka Madinah. Limo hari si sinan baibadaik
banyak di Musajik Nabawi. Hotelnyo sabalah Musajik Nabawi.
Dari Madinah baliak ka arah Makah manuju Mina. Pakai Ihram di Mikat Abyer
Ali. Pajalanan bis Madinah - Makah samalam suntuak, jaraknyo kiro-kiro 400
miles (kiro-koro Padang - Medan?). Jalan-jalan rancak. Oto ba AC.
Di Mina kami camping (kampiang) pakai AC (limo hari kacuali sahari duo
malam pai ka Arafat jo Muzdalifa. Di Mina pulo kami malakukan Jumarat,
maumban karekel ka tigo tunggak setan, tujuah kali ceiek-ceiak sambia
mambaco Allahu Akbar. Mancukua rambuik.
Ka Makah malam hari kami lakukan Tawaf dan Sai (untuak Hajji) sudah tu
baliak lalok ka Mina. Hari terakhir barangkek baliak ka Makah untuak
malakukan Tawaf Salamat Jalan, langsunang salasai, indak ado bisnis lai,
indak buliah babalanjo atau bajua bali lai, misti barangkek langsuang
maninggakan Makkah. Kami barangkek ka Jeddah untuak siap tabang baliak ka
rantau jauah. Dari Jeddah sampai-sampai ka Saanta Kuruih Inyiak Sunguik iyo
tapaso kohor-koh9or karano salamo ko iyo tampaknyo lai di tahan-tahan
(sihaik sajo). Tapi ruponyo lah lapeh klepnyo indak terkaha lagi mangka
kohor-kohorlah badannya Inyit Sungut tu....
Sakitulah dulu...
Salam,
Inyiak Sunguik
At 4:02 AM +0700 4/6/00, Sjamsir Alam wrote:
>Nyiak Haji,
>Angek ati mandanga Inyiak saparinduan lah salamaik baliak pulang ka rumah
>dari Makah. Kok cuma sakadar kohor-kohor sen, itu kan lah aia mandi urang
>iduik tiok ari.
>Kami nantian curito jo kodak Inyiak di parjalanan nan ka jadi palajaran bulo
>dek kami nan alun diizinkan Allah pai ka sinan.
>
>mS
>
>----- Original Message -----
>From: Sjamsir Sjarif <[EMAIL PROTECTED]>
>To: Bandaro <[EMAIL PROTECTED]>; Boes Roestam, etc...
>Sent: Wednesday, April 05, 2000 11:45 AM
>Subject: Baliak dari Makah, Re: Baliak kalapau ( Re: Fw: Masih alun
>bisakalapau)
>
>
>> Assalamu'alaikum warahmatullahi wabarakatuh,
>>
>> Alhamdulillah salasailah tugas perjalanan ambo manunaikan Ibadah Hajji
>> dalam tqhu 2000 ko (1420 Hijrah). Saroman Angku Boes, ambo pun
>kohor-kohor
>> pulo sampai kini. Ambo talipon adiak ambo Rivai Sjarif di Bukittinggi nan
>> pai hajji tahu 1992, keceknyo, "nan indak kanai kohor di Sioan tu cuma
>Unto
>> nyo Da". Jadi tapurangah pulo ambo mandanga, tapanca pulo kohor di talipon
>> long distant tu ... .......
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
