Assalamu'alaikum WW Sakileh ambo mancubo mangatangahkan ilustrasi tantang anggota DPRD, dan iko bukannyo hasil penelitian tapi hanyo dari hasia pangliatan urang awam sahari-hari. Dulu sabalun ado apo nan dikecekkan urang reformasi, kabaradoan anggota DPRD khususnyo di Sumbar nan ambo tau, iyo indak sadonyo nan manyalurkan aspirasi rakyaik do , dan rasonyo kini sasudah reformasi hal itu juo alun taatesi. Diliek dari segi keanggotaannyo, dulu dari partai nan mayoritas banyak anggota-anggota DPRD nan sabananyo di DPRD-kan , dalam arati dek karir-nyo alah "mentok" caro urang Jao dan dan daripado indak dapek kurisi dan peranan lai di kantua pemerintahan labiah elo di DPRD-kan sajo.... sahinggo baliau-baliau itu banyak nan lalok sajo karajo-nyo, baitu pulo nan dari ABRi (TNI)daripado alah perwira indak ado ba pasukan jo kurisi parintang wakatu sabalun pensiun masuak se lah dulu ka DPRD. Dan daulu ado juo nan masuak DPRD hanyo karano prestise sajo. Namun samantang pun baitu baliau-baliau itu alah punyo gaji dan pandapatan sandiri dari karajo nan alah di kapik-nyo sabalunnyo. Kok kini sasudah reformasi, indak ado bana nan mayoritas lai, namun caro pandang anggota manga baliau jadi anggota DPRD lain pulo.... Nampak dek ambo banyak anggota nan mam-pakayu-api-kan jadi anggota DPRD untuak mancari pitih (secara humanisme ambo raso wajar) , iko alah taliek pado barito nan mangecekkan "anggota DPRD maminta kanaikan honor sampai baratuik persen" ... Tapi walaupun baitu sampai kini ambo laun maliek apo nan direformasi, salain tiok pamiliahan kapalo daerah indak ado nan mulus....ado iso politik pitih, ado isu kepartaian dll. Jadi kesimpulan ambo dari nan taliek sampai kini alun ado nan fenomenal dari reformasi itu lai.... Wassalam Z Chaniago - Palai Rinuak >From: "Dedi Nofersi" <[EMAIL PROTECTED]> >Assalamu'alaikum wr.wb. > >Mancubo mancermati fenomena demokrasi reformasi kiniko, ambo nan tamasuak >awam, iyo tanena-nena di buek no. Kalau ndak salah reformasi tu kecek >mahasiswa adolah kamangurangi kalau buliah dikecek-an kato lain dari >mahilangkan KKN (kurok kurok nagara) ko, tapi kanyataannyo makin >manjadi-jadi, malahan mungkin lah sampai manjadi Kanker Kanker Negara jo >versi milleniumnyo. > >Mungkin Mamak jo dunsanak ambo nan ado dilapau ko bisa mauleh curito ko, >apo >nan sabanano nan dikahandak-i dek bangso ko, sia nan salah sabana no. >Apokoh >kito tamasuak nan salah juo dalam mamiliah wakia nan maongkang-ongkang di >DPR/D tu. > >Kajadian di Solok, dan sabalunno di Piaman, Padang, Bukittinggi (mungkin) >bisa kito ambiak sabagai topik bahan ciloteh. Mungkin hasia ciloteh awak tu >nantik bisa bulo kito buek-an resume no, nan nantinyo kito kirimkan ka nan >bakurenah untuak tun. > >Salam, >dn ______________________________________________________ Get Your Private, Free Email at http://www.hotmail.com ================================================= WEB-EMAIL GRATIS ... @rantaunet.web.id ---> http://mail.rantaunet.web.id ================================================= Subscribe - Mendaftar RantauNet Mailing List, kirimkan email Ke / To: [EMAIL PROTECTED] Isi email / Messages: subscribe rantau-net email_anda Unsubscribe - Berhenti menerima RantauNet Mailing List, kirimkan email Ke / To: [EMAIL PROTECTED] Isi emai / Messages: unsubscribe rantau-net email_anda ================================================= WebPage RantauNet http://rantaunet.web.id dan Mailing List RantauNet adalah servis dari EEBNET http://eebnet.com, Airland Groups, USA =================================================