[Rantau-Net] Bundo Kanduang vs Emansipasi Perempuan

[Dedi N.]

Assalamu'alaikum wr.wb.   Tadi siang wakatu pulang makan siang, diangkot ambo tasenggeng dek judul SK Serambi Indonesia "Giliran Sari Yok Koeswoyo Cerai". Ambo baco isino nan mangecekan baraso kiniko sadang musim gugat cerai dikalangan artis. Salain Desy jo si Sari ado nan lain si Iis Dahlia dan Monica Oemardi. Dan wakatu ambo pulang kantua, sabia ganti baju jo baju tenis ambo iseng-iseng pasang 'ngupiang" acara kasukoan rang rumah C&R di RCTI. Nan mambuek ambo tapurangah adolah komentar dari kalangan laki-laki (kaum ambo) baraso rupono kalau kaum bundo kanduang (BK) ko kalau lah mandiri dan barani inyo sabana sangaik manakuikkan laki-laki juo. Keceknyo, sabagai nan tajadi jo laki-laki, kalau indak suko lai bisa "mancaraikan". Dan nan labiah manyadiahkan adolah bisa-bisa dimaso nan kadatang BK akan malamar laki-laki untuak kadijadikan laki:):).   Dari sketsa diateh (kalau buliah diumpamokan), bisa di ambiak panambah-nambah bahan pisang rajo: Kajadian diateh adolah suatu hasil positif dari emansipasi perempuan, (hipotesa). Kalau di minangkabau, kajadian diateh bisa ditolerir adaik atau tidak, (tanyo). Kalau dalam agamo awak baa, (tanyo). Salam, dn