At 9:32 PM -0700 4/26/00, nas ghazal wrote: [Subject: Pondok dirantau] >Assalamualaikum WW. > > Nyiak Syamsir > > Ambo mohon maaf, lah talambek pulo manjawok tanyo inyiak nan lalu. >Sabalunno ambo manyampaikan salamaik ulang tahun kalahian inyiak ka 65 >tanggal 18 April 2000, semoga umua batambah panjang, rajaki malimpah ruah >dan anak cucu batambah rami. > > Manjawok tanyo inyiak nan lalu,disiko ambo jalehkan ,sabatuanyo >ambo sarumah jo dunsanak kito St R Panggulu alias Erdy Winata di komplek >perumahan karyawan PT Inalum,anyo lain kamar dan lain dapua. Lokasino dakek >kota madya Tebung Tinggi Sumut, >hanyo sajo rumah amboko masuak Kabupaten Asahan dan labiah dikenal jo >pabirik aluminium Kuala Tanjung. > > Baitulah dulu Nyiak, mudah-mudahan panjalehanko lai paralu untuak >nankatibo > > Wassalam,Tg Gadiang 27 april 2000. > N GZL At 7:05 AM -0700 4/24/00, husni ghazali wrote: >Sjamsir Sjarif <[EMAIL PROTECTED]> wrote: >At 1:59 AM -0700 4/18/00, nas ghazal wrote: >>Assalamualaikum WW. >> >> Adidunsanak nan duduak dipalantako, >> >> Salam jo ma'af Ambo sampaikan kapado adidunsanak nan duduak di >>palanta lapau kasadonyo,dek karano Ambo indak mancogok-cogok di palantako >>sajak 15 Februari lampau. .......... >> Wassalam >> Tanjung Gading 18 April 2000. >> Nasghazali. >> >Tarimo kasih Angku Nasghazali. Mudah-mudahan niaik angku Nas disampaikan >Allah Subhanahuataala. >Batanyo ambo saketek di maa garan Nagari Tanjuang Gadiang tu? >....... >Assalamualaikum W.W >Inyiak Yth. >Salamaiklah Nyiak ulang tahun ka 65. Umuah buliah tuo tapi samangaik Inyiak >masiah tinggi, energik kecek urang kini ,masih sanggup bainternet ria. Maaf >Nyiak amboko agak jauh saketek dari kampuang ,ambo kaladang ditampek urang >sadang parang-parangan tapeknyo di Lhokseumawe ,Aceh. >Ambo buka mailing ambo ruponyo ado cc mailing dari Kakak ambo di Tj Gading >dan jugo dari Inyiak . >Nyiak apo resepnyo mako Inyiak masih tetap energik, tolonglah diagiah resepnyo >kaambo. >Cukuik sampai disiko dulu Nyiak yo. >Wass >Husni Ghazali >Batupahat, Lhokseumawe. > Tarimo kasih ambo ka Angku Nasghazal manganai email dan latak nagari Tanjuang Gadiang tu. Baitu juo tarimo kasih banyak ka Angku Husni Ghazali jo emailnyo nan agak talambek ambo jawab karano manunggu email dari Angku Nasghazal (tampaknyo bakarekan angku baduo yo?). Manganai urang di Nagari Parang kini tu takana dek ambo Lhokseumawe nan aman wakatu ambo pai ka sinan tahun 1965. Lai ambo kuliliangi Acheh sasudah manguliliangi Pulau Nias, ka Acheh masuak jo kapa dari Pulau Nias ka Sabang, tabang jo kapa AURI ka Banda Aceh, manyusur pantai Barat ka LamNo, baliak ka Daerah Acheh Utara, belega taruih ka Lhokseumawe, baranang di Pantai Pasia Putiah nan landai di Lhokseumawe, naiak ka Takengon di Danau Lauik Tawa nan sajuak indah tu, baliak ka Takengon taruik ka Langsa, taruih ka Medan. Di Banda Acheh ambo lai sampaik diundang kanduri di Gubernuran wakatu tu Pak Nyak Adam Kamil dan Sekretarisnyo Pak Zakaria Sjamsuddin nan mangawani kami jo jeep baliau kama-kamanyo. Sempat pulo ambo manghadiri perkawinan Pak Sjamsurddin nan kini jadi Gubernur Acheh tu. Tahun 1989 sempat pulo ambo baliak manciliang-ciliang Pantai Aceh, balaia jo Kapa Cruise Ocean Pearl, malinteh dari Phuket (Thailand) malalui selat antaro Pulau Weh jo Banda Aceh, taruih lo ka Taluak Dalam di Nias, Taluak Bayua, Tanjuang Pariuak, Semarang, Padang Bae (Bali) baliak ka Singapaura. Batambah rindu ambo jo Acheh, manangih sadiah rasonyo hati maagaki Nasib Urang Acheh nan indak salasai dirunduang malang. Manganai resep iduik, iyo indak dapek ambo detailkan bana doh, karano hiduik awak kito lalui surang-surang. Kok tipak di ambo, mungkin salah satunyo ambo suko mancalialiak-caliak nagari urang nan jauah dari kampuang, Urang Pajalan, atau Rang Tualang lah namonyo. Jauah baajalan banyak dilieh, lamo iduik banyak dirasai. Itu ambo lakukan dalam manjalankan ibadaik mamanuhi parentah Allah, bajalan lah Angkau di Muko Bumi ko, ingeklah salalu namoTuhanmu. Kama bajalan atau apo nan ambo karajokan taruih dimuloi jo Bismillah. Kok jampang talupo wakatu mamuiloinyo dibaco Bismillahhirrahmanirahiim, awwaluu wa akhiruhu (Dengan Namo Allah ambo mulai dan akhiri). Kalau ambo sasek di jalan, di hutan atau di rimbo gadang, atau di jalan kahidupan ambo babaliak ka Pangka Kaji "Ihdinassiraathal Mustaqiim". Kok ambo salasai mangarajokan sasuatu dikana mambaco Alhamdulillah, basyukur pado Ilahi. Tapi ambo pikia-pikia sabanta ko kabiasaoan ambo nan marayokan Harijadi sajak 20 tahun nan terakhir, ambo baranang panjang (dengan laps nan sabanyak umua ambo). Jadi tiok tahun batambah satu lap lai. Satu lap tu duo kali (pulang baliak kolam ranang nan panjangnyo 25 yards, jadi 50 yards). Pagi cako sabagai Hadiah Ulang Tahun ka diri ambo nan ka 65 ambo baranang non-stop 65 laps (3250 yards kiro-kiro 3 km) nan mamakan waktu 97 minik. Iyo bana lapeh urak-urak ambo dan basyukur pado Ilahi jo doa mudah-mudahan tahun datang dapek pulo batambah satu lap lai dan sataruihnyo untuak maso datang sampai ambo dipanggianyuo baliak ka Kampuang Akhirat. Tiok lap tu ambo manganang baliak apo nan tajadi ateh diri ambo sapanjang hiduik. Ambo bayangkan sajak dari Lap-1 wakatu ambo lahia sampi baumua satahun jaguang, Lap-2 umua duo tahun, 3,4, dst sampai 65. Jadi satu macam review hiduik, mangana jatidiri, mangana Ilahi Rabbi. Jadi salah satu resep ambo barangkali baranang ko. Dulu wakatu ambo pulang ka kampuang lai sempat baranang di Batang Tabik (Payokumbuah) tiok pagi barulang dari Biaro. Lai pulo ambo sempat mangunjuangi tampek mandi di Sungai Janniah (di hilia Baso), Tampek Mandi Ateh Ngarai, Mato Aira di Aia Angek (dakek Kotobaru Bateh), Lubuak Mato Kuciang (Padang Panjang). Ciek lai, ambo indak maisok (atau marokok kecek Rang Kini). Dalam hiduik ambo panah ambo maisok duo tahun lamonyo (1955-57) wakatu tu ambo jadi Guru ST-2 di Jalan Lambau Bukittingi. Karano wakatu tu ambo mudo matah, Guru-guru lain maisok, anak-anak murikpun banyak nan labiah gadang-gadang dari ambo, marekapun maisok juo. Tapi sajak Parang Sudaro (PRRI) ambo lah baranti maisok dek wakatu tu ambo lah muloi jadi Urang Pajalan, Rang Tualang, marancak Rimbo Gadang, naik Bukik, turun Lurah, sapanjang Bukik Barisan, ditintiang Ombak jo Badai Angin Barat Pulau Sumatera, dll. Sakitulah dahulu sakadar palapeh tanyo nan pokok-pokok sajo. Beko kok panjang amek pulo carito resep ko. Salam, Mak Ngah X____________________________ Sjamsir Sjarif Indonesian Translator and Cultural Consultant Tel. (831)-426-1333 Fax (831)-426-8907 Email: [EMAIL PROTECTED] Web Page: http://www.usindo.net/hambo ************************************************************ LAPAU RantauNet di http://lapau.rantaunet.web.id Isi Database ke anggotaan RantauNet: http://www.egroups.com/database/rantaunet?method=addRecord&tbl=1 ================================================= WEB-EMAIL GRATIS ... @rantaunet.web.id ---> http://mail.rantaunet.web.id ================================================= Subscribe - Mendaftar RantauNet Mailing List, kirimkan email Ke / To: [EMAIL PROTECTED] Isi email / Messages: subscribe rantau-net email_anda Unsubscribe - Berhenti menerima RantauNet Mailing List, kirimkan email Ke / To: [EMAIL PROTECTED] Isi emai / Messages: unsubscribe rantau-net email_anda ================================================= WebPage RantauNet http://www.rantaunet.web.id dan Mailing List RantauNet adalah servis dari EEBNET http://eebnet.com, Airland Groups, USA =================================================
