----- Original Message -----
Sent: Monday, May 01, 2000 11:40 AM
Subject: RE: [Rantau-Net] GAJI ANGGOTA
DPRD SUMBAR Rp. 10 juta labiah
Ambo
indak berkeberatan kalau gaji anggota DPRD itu gadang (sarupo nan Dunsanak
Dedi sampaikan itu), asalkan anggota dewan tu lai urang profesional, punya
kompetensi untuak menjadi mitra tandiang pamarintah dalam meningkatkan
kesejahteraan urang banyak di ranah Minang.
Baa lo ka dapek
anggota DPRD nan profesional. Nan mamiliah urangnyo kan partai. Untuak
mamiliah ko faktor profesionalisme mungki nan paliang pincik dalam urutan
kriteria. Nan partamo, fungsionaris partai dulu, apo itu katua, sekretaris,
dsb. Nan kaduo lai bajaso ka partai. Nan katigo, lai siriang sajalan jo
katua.
Bayangan pulolah,
sakitu banyaknyo partai nan baru tasumbua dan urang-urangnyo juo baru
tasumbua. Bilo lo ado mareka punyo pangalaman dalam urusan pamarentahan ko.
Dek satu duo hal, partai mareka manang, dan duduaklah si bujang jolong bakarih
ko. Sabagian pangangguran, sabagian ustadz nan salamoko bakatubah dari surau
ka surau, sabagian pareman pasa, sabagian ....,
sabagoian.....
mS
