At 10:13 AM +0700 3/17/15, Adyan wrote:
>Bismillahirrahmanirrahim,
>
>
>Tantang rajo Minang ko ado pulo nan takilan-kilan di hati ko mah: Apo
>kiro-kiro sukunyo rajo Minang di Pagaruyuang dulu? Kan manuruik koto adaik,
>
>
> luhak bapanghulu, rantau barajo..
>
>
>Wass.
>Adyan
Maa Angku Adyan sarato Rang Lapau nan Basamo,
Apo nan takilan-kilan di hati Angku,
manggarik-garik pulo di pangana Nyiak Sunguik.
Walaupun tanyo Angku sabarih ketek,
mungkin di siko ado Tambo nan takulipek.
Mungkin ado Carito nan Tasuruak,
nan takalimbun di dalam Amban Puruak.
Kok kito pauleh-ulehkan email nan sabanta ko,
Kaba nan sadang kito palegakan:
Muloi dari ado Rang Pagaruyuang nan Indak Basuku,
nan dikatangahkan dek Angku Edrianto,
asa baliau nan dari Pagaruyuang,
sureknyo nan datang dari Pulau Batam.
Kaduo jo Induak Sambah nan dikatangahkan,
iyo dek Angku Pakieh Sutan,
dijawek Sambah jo Tanyo dek Nyiak Sunguik,
disambuik baliak dek Angku Pakieh Sutan,
dibumbun pulo dek Angku Lembang Alam.
Manuruik Carito nan kito danga,
dalam email nan bakaik-kaik ko,
aso nan dari Angku Edrianto,
kaduo jo Kaba dari Angku Lembang Alam,
lah dapek rasonyo kito rabo-rabo,
panjawek tanyo Angku Adyan nan sabantako.
Tampak tabayang taraso dikiro-kiro,
dari katarangan nan kito tarimo cako,
nan bahaso Rajo-rajo Pagaruyuang di Minang ko,
Indak Basuku malah kironyo.
Kok salah Nyiak Sunguik manyimpuakannyo,
tolong luruihkan dek Rang Lapau nan Basamo,
maaf diminta ka baliau nan basamo,
anak cucu Rajo-rajo di Pagaruyuang,
sarato sagalo Panghulu kito,
nan Gadang Basa Batuah,
nan taseba di Luhak nan Tigo,
di dalam Ranah Alam Minangkabau ko.
Manganai tanyo Angku Adyan nan kaduo,
maambiak kato "manuruik koto adaik,
luhak bapanghulu, rantau barajo.."
iyo manjadi tanyo pulo dek Inyiak Sunguik,
manganai duduaknyo Luhak jo Rantau ko.
Tanyo nan datang dari dalam hati
baa duduaknyo Pagaruyang ko,
sitatuihnyo kato Rang Kini,
apokoh di Luhak atau di Rantau,
kok di Luhak baa mangkonyo ado ba Rajo?
Limbak nan dari pado itu,
kito silau pulo Kaba Rajo-rajo,
manganai Rajo nan Tigo Selo.
Nan samo kito danga dari Jauah:
Rajo Alam di Pagaruyuang,
Rajo Adat di Lintau Buo,
Rajo Ibadaik di Sumpu Kuduih.
Kini kito danga Kaba dari Pagaruyuang,
nan dikatangahkan Angku Angku Edrianto,
anak cucu Urang nan Indak Basuku,
takaba pulo Rajo nan Tigo Selo:
">Desa Gudam ----> dulu tampek Rajo Alam
>Desa Kampaung tangah ---> Rajo Adat
>Desa Kampaung Tangah ---> Rajo Ibadat."
Kito baliakkan tanyo ka Rang Lapau,
nan adang adok di Palanta ko,
ataupun ka Baliau nan Gadang Basa Batuah,
nan jauah dari jangkauan kito dari Lapau ko,
sarato Cadiak Pandai di Ranah Minang,
ataupun nan taserak di Bumi Allah ko.
Tanyo jo kaji nan paralu kito liek,
kok mungkin dicari di Tambo nan takulipek,
ataupun dari Carito nan Tasuruak,
nan takalimbun di dalam Amban Puruak.
Salam,
Nyiak Sunguik
>
>From: [EMAIL PROTECTED]
>To: [EMAIL PROTECTED]
>Date: Fri, 4 Aug 2000 10:25:08 +0800
>MIME-Version: 1.0
>Subject: RE: [Rantau-Net] Indak Basuku ??
>Precedence: bulk
>Sender: [EMAIL PROTECTED]
>Reply-To: [EMAIL PROTECTED]
>
>Assalamualikum WW,
>Memang hanyo saketek urang nan tahu kalau ado daerah tatantu di pagaruyung
>yang indak ba suku.
>bahkan urang pagaruyuang ado yang indak tahu.Tapi kami tatap punyo datuak.
>Aneh kan??
>
>Gambaran ,
>Untuak saat kini ko ado 7 Desa di Pagaruyuang,
>3 diantaronyo adolah,
>Desa Gudam ----> dulu tampek Rajo Alam
>Desa Kampaung tangah ---> Rajo Adat
>Desa Kampaung Tangah ---> Rajo Ibadat.
>
>Dari carito uang tuo-tuo,urang yang asli dari daerah itu indak ado sukunyo.
>tapi ampek desa yang lain ado sukunyo (selayaknya urang minang).
>Dulu memang ado urang pagaruyuang mambuak Skipsi masalah iko (tapi waktu
>itu ambo masih ketek).
>Sabatuahnyo ambo alah mancari info iko,tapi jawabnyo beda beda....
>
>Untuak itu marilah kito samo samo mancari tahu (biasonyo urang lua labiah
>tahu)
>
>-------------------------------------------------------------------------------
>----------
>Batam... kini semakin maju dan juo semakin sembraut.
>-------------------------------------------------------------------------------
>----------
>
>
>thanks / terima kasih
>Regards,
>Erianto - Engineering Sample
>*++62-770-612103 Ext.312
>Fax++62-770-612858
>*[EMAIL PROTECTED]
>
>> ----------
>> From: Z Chaniago[SMTP:[EMAIL PROTECTED]]
>> Reply To: [EMAIL PROTECTED]
>> Sent: Friday, August 04, 2000 8:39 AM
>> To: [EMAIL PROTECTED]
>> Subject: [Rantau-Net] Indak Basuku ??
>>
>> Assalamualaikum, ww
>>
>> Ciek lai anggota baru...., salamaik datang...bacaritolah gak sapaisok baa
>> bana Batam itu kini sanak ?
>>
>> Ado ciek lain nan ka ambo tanyokan , apoko iyo Urang pagaruyuang indak
>> basuku ?? atau apo nan mambedokan hirarki-nyo dari nan biaso..
>> Ambo heran sajo dek dalam Adat Minangkabau justru ibukota Alam Minagkabau
>> itu di Pagaruyuang....
>>
>> Bisa jadi bahan Skripsi kali iko ?
>>
>> Wassalam
>> Z Chaniago
>>
>> >
>> > > ---dipotong untuk dikirim kembali ke
>> >[EMAIL PROTECTED]
>> > >
>> > > KETERANGAN PESERTA
>> > > ---------------------------
>> > >
>> > > Nama : Erianto
>> > > Lahir Tahun :1972
>> > > Alamat sekarang : Batam
>> > > Pekerjaan :Swasta
>> > >
>> > > Suku :(katonyo urang pagaruyung indak ado
>> >suku
>> >terutama dari Desa Gudam,Kampuang tangah,
>> > Balai Janggo)
>> > > Nagari Asal :Pagaruyung
>> > > Gala Adat/Gelar (kalau ada) :
>> > >
>> > > Bersedia mematuhi tata tertib RantauNet
>>
Mailing List RantauNet http://lapau.rantaunet.web.id
Database keanggotaan RantauNet:
http://www.egroups.com/database/rantaunet?method=addRecord&tbl=1
=================================================
Mendaftar atau berhenti menerima dari RantauNet Mailing List, kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
[email_anda] = isikan alamat email anda tanpa tanda kurung
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
-------------------------------------------------------------------------------------------------
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================