Assalamu'alaikum wr. wb.
Manyo kasado dunsanak nan di lapau. Ditangah-tangah bakucatak diskusi nan
sabana menarik satatantang sambah, mandaki gunuang, Rizal Ramli dll, ambo
mohon wukatu sabanta untuak manyampaikan sambah (eh... sorry). Nan mukasuiak
ambo nan sabananyo adolah karano mukasuik dalam wukatu duo atau tigo hari
kamuko iko ambo kamamohon diri (unsubscribe) dari palanta lapau. Harapan
ambo mudah-mudahan indak untuak salamonyo, kalanjutannyo sangaik tagantuang
jo bendi dan rumpuik nan ka disabik juo ha..ha..
Adopun nan karajo pangajian ambo di Ottawa, Canada alhamdulillah barakaik
do'a sado urang lapau juo iyo lah sampai katujuan nan dimukasuik. Bak kecek
urang juo, kok balayia lah sampai ka pulau, kok baranang lah sampai
katapian. Karano itu, tibo masonyo untuak baliak ka tanah aia, ka ranah
minang nan tacinto untuk manakuni profesi jo karajo lamo dan kok lai
kamanjago tunggak tuo baliak. Sanyampang kok lai ado kesempatan dunsanak
untuak mangontak, alamat ambo di Padang: Afriva Khaidir Dt. Parmato Alam
Jl. Beringin Ujung No. 25 RT 02/II
Kel. Belanti Timur, Padang 25135
Telp. 62-751-51249
Cell. 0811663323
Ucapan mohon diri ko tautamo ban ka urang-urang gaek ambo jo
dunsanak-dunsanak dilua mulai dari benua Amerika, Inyiak Sunguik di Santa
Cruz, Pak Boes di Toronto, Ni Ben di Chicago, ni Rita di Wyoming dll. Baitu
pulo da Gindo di Inggirih, pak Abrar, ni Des di Oz, Ustad Khairi dan sado
kare'an di Japang sampai ka dunsanak-dunsanak di kontinen lain. Taruih
tarang sajo, bagarah, badiskusi dan takadang badebat di lapau ko sabana
manjadi hiburan dan pencerahan bagi ambo sebagai putra Minang nan barado
jauah dari kampuang.
Namun samantang pun baitu, namonyo awak bagaua tantu ado garah dan kato-kato
nan mungkin indak sasuai jo alua jo patuik (mudah-mudahan indak ado). Pado
kasampatan ko, kok sakironyo ado nan tasingguang ka naiak, talantuang ka
turun izinkanlah ambo untuak maminta ma'af ka bakeh sado warga lapau. Untuak
nan di ranah bundo, tautamo mak Sati jo Ivan di Padang sampai ka kang Sutan
di BT, mungkin iko kesempatan kito untuak batamu muko dan malanjuikkan
hubungan badunsanak sacaro non-virtual, insyaallah.
Sakian dulu, Wabillahi taufik wal hidayah
wassalamualaikum warahmatullai wa barakatuh
Parmato Alam
________________________________________________________________________
Get Your Private, Free E-mail from MSN Hotmail at http://www.hotmail.com
Mailing List RantauNet http://lapau.rantaunet.web.id
Database keanggotaan RantauNet:
http://www.egroups.com/database/rantaunet?method=addRecord&tbl=1
=================================================
Mendaftar atau berhenti menerima dari RantauNet Mailing List, kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
[email_anda] = isikan alamat email anda tanpa tanda kurung
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
-------------------------------------------------------------------------------------------------
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================