>From: Erwin Moechtar <[EMAIL PROTECTED]>
>To: "Rantau-Net (E-mail)" <[EMAIL PROTECTED]>
>Date: Mon, 23 Oct 2000 09:57:28 +0700
>Subject: [RantauNet] Lubang Japang di Ngarai Sianok
>AS. W.W.
>
>Urang Lapau ...!
>Batanyo saketek, kapatang ambo manarangkan Ngarai Sianok ka kamanakan,
>Cuma pas manarangkan Lubang Japang, ambo ndak jaleh bana, mungkin Dunsanak
di Lapau tahu tantang Informasi Lubang Japang ko, bara meter sampai ka
dalam, tambuih nyo dima ...?
>
>Mohon informasinyo ....
>Tarimo kasih sabalumnyo
>
>Wass..
>EM
Maa Angku Erwin,
Ambo alun panah masuak bana jauah-jauah ka dalam Lubang Mancik Japang tu.
Tapi ado babarapo pintu nan lah ambo caliak.
1. Pintu nan tampaka dari jalan ka Sianok, kalau awak manurun Ngarai
sabalah kida awak. Pintu tu tagayuik sajo saroman jandela Ngarai, indak
bisa awak masuak dengan mudah dari sinan doh. Antah apo mukasuiknyo jandela
tu, apokoh salah desain tasumbua di sinan, atau memang sangajo untuk
manciliang-ciliang dari dalam atau untuak mamasang mariam diari sinan
untuak manembah musuah nan datang.
2. Pintu nan di dakek Bulakang Balok. Kalau awak dari arah SMP-1 lamo di
Bulakang Gareja bajalan awak kapuun saketek. Di sinan dahulu lai dipasang
lampu untuka mancaliak-caliak ka dalam. Tapi indak sampoai jauah doh ambo
mancaliaknyo. Aapokoh pintu ko kini tabukak untuak turih, ambo kurang jaleh.
3. Ciek lai kok ado pintu nan tabukak untuak umum kini ko apokoh ado ciek
lai pintu di lereng Panorama nan dahulu banamo "Taman Pelipur Lara" tu.
4. Ciek lai rasonyo ado Lubang di bawah Kabun Bungo (kabun Binantang)
sabalah ka ilia antaro Simpoang Tembok jo Pasa Kabau sisuak. Lubang tu
rasonyo indak panah ditampuah urang banyak.
5. Rasonyo ado lai pintu di Padang Puun dan barangkali ado ciek lai antaro
Padang Puun jo Gaduik (Pacu Kudo). Daerah tu pantiang wakatu Japang. Di
daerah tu, ambo indak pasti bana karano tasuruak dan talarang maso Japang
dan sasudah mardeka tu, adolah pusek tampek masnnsiu dan alat-alat parang
Japang. Di sinan pulo mareka acok maadokan latihan parang-parangan. Daerah
tu disabuik panduduak Bukittinggi "Pabidikan" mungkin karano disinan tampek
shooting rancge dan sagalao aktivitas latihan parang.
5. Iko mungkin pintu nan pantiang. Apokoh pintu nan ciek ko ado hubuangnyo
jo lubang-lubang nan lain atau sakadar palinduangan sajo ambo indak tahu.
Tapi amb picayo ado hubuangnnyo untuka main mancik-mancikan di bawah
Bukittinggi tu. Dahulu ado gaduang Tuanku Mandua atau Tuan Luak di
Bukittinggi tu. Wakatu Japang mungkin itu manjadi markas penting. Di lantai
gaduang tu atau di bulakang sabalah kamaudiaknyo ado lubang bajanang turun
manujuu lubang mancik tu. Ambo alah panah masuah ka sinan daulu. Wakatu tu
lai diagiah lampu. Tapi ambo indak pulo dapek jauah-jauah doh ka dalam.
Sasudah mardeka (jolong-jolong Mardeka (1945-47) Gaduang tu banamo Istana
Wakia Paresiden atau Istana Pak Hatta. Namo Istana Wakia Paresiden tu tatap
dipakai saampai maso bagolak (1958). Sadudah Bukittinggi diduduaki Tantara
Sukarono (Tantara Pusek) Pak Hatta indak jadi Wakia Paresiden lai, Ranah
Minang hancua lulua diinjak-injak Urang Pusek. Awak diadu samo awak, bunuah
mambunuak, bakauah darah, bagulimang aia mato, basia baka, sampoai Moral
Urang Minang jatuah sampai kini. Gaduang Istana Wakia Paresiden tu dituka
namonyo jo Gaduang Tri Arga. Kini antah apo namonyo ambo indak tahu. Tapi
di bulakang sabalah kapuun gaduang tu tahun 1993 ambo caliak ado kasiak
taonggok, kabano Urang Pusek mandirikan Hotel di sinan. Kabano bantuak
hotel tu indak bakatantuan doh indak sasuai jo lingkuangan Bukittinggi doh.
Ambo alun panah mancaliak Bukittinggi sasudah tahun 1993 tu lai. Ambo danga
namonyo Novotel namo rantaian hotel internasional. Tapi kabanyo pitinyo nan
punyo anak bakeh Paresiden Suharto pulo. Di ambo iyo kurang jaleh tu.
Salam,
Mak Ngah
Mailing List RantauNet http://lapau.rantaunet.web.id
Database keanggotaan RantauNet:
http://www.egroups.com/database/rantaunet?method=addRecord&tbl=1
=================================================
Mendaftar atau berhenti menerima dari RantauNet Mailing List, kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
[email_anda] = isikan alamat email anda tanpa tanda kurung
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
-------------------------------------------------------------------------------------------------
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================