Re: [RantauNet] Syariat Islam di Minangkabau ....?

[Khairi Yusuf]

"RINALVI" <[EMAIL PROTECTED]> manulih ： >Assalamualaikum wr wb Wa'alaikum salam.w.w. >... walaupun uda mangatokan ndak banyak yang ikuik mambicarokannyo ....ambo >bapandapek itu tingga manunggu waktu ajo da ..... > Nan lai, lai juo, tapi iyo sabana dingin tekong tu. Dek urang awak nan Islam ko dinyo sumbayang puaso mangaji zakat haji bazikir basunaik. Kok ado nan indak bassunaik, sakampuang urang tau... "Eh..eh.., inyo alun basunaik lai do tu..." Tapi kok nagari nan indak ikuik hukum Islam ndak baa se doh. Antah aa lah kajawek kito nantik kok ditanyo dalam kubua "Maa imaamuka....?" Aa ka dijawek ?, Al adat basandi sarak ?... Ka dijawek Al Qur'ani imami... indak bisa,　sabab indak bapakai. Qur'an di kito talataknyo di ateh lamari buruak nan lapuak lah dimakan dek rayok. Lah lapuak dek indak bacaliak-i. Lai ado juo nan mambaco, tapi lamak dendang nyo se nan tadanga. A aratinyo ndak jaleh, dek indak pernah nio tahu. Dan nan paliang barek bana urang awak ko jarang nan maraso badoso. >Satalah e-mail uda ambo baco ....tanyato lai ado nan mandukuang untuak di >berlakukannyo syariat islam di Ranah Minang nan samo - samo awak cintoi >basamo ......walau masih ado karaguan di hati masing - masing ...apo lai ka >mampu ..? Apolai ka siap ...urang awak jo syariat islam ko ...? Iko iyo agak lain tadanga dek ambo. Batanyo pulo kito soal siap jo indak. Nan urang ko nan dipacik... kan iyo kecek. Kato daulu kato batapati kato kudian kato bacari. Kok iyo mangaku urang Islam, tantu lah bajanji tiok ari, paliang indak 5 ukatu basabuik janji tu, 9 kali sahari kito bajanji, "Ambo bajanji, ambo basaksi, Saya naik saksi, I declare, bahaso indak ado Tuhan kecuali Allah". Aratinyo, Indak ado Penguasa di jagad raya ko kecuali Allah, indak ado hukum penguasa nan patuik dituruik kecuali hukum Allah. Dan ambo redha taradok hukum Allah ateh manusia ko. Jo janji sarupo iko 9 kali dibaco tiok ari, lai konsisten kito namonyo tu dek sampai batanyo pulo siap atau indak jo hukum Allah ko ?. Tibo di urang laki-laki tu haa.., lai jantan juo awak namonyo lai tu kok lah basabuik janji sudah batanyo juo lai siap atau indak jo hukum Islam ?. Sabab nan urang kilaki ko, Aso hilang duo tabilang. Dima latak indak siap ?. >Manuruik ambo keraguan itu ado di dado satiok urang ..tamasuak ambo sandiri >nan notabene layia di jaman orde baru ....nan saumua-umua di cokok-i jo >idealisme pancasila .......ambo lah hapal pancasila sajak klas 1 sd dan lah >mangarati 36 tolok ukur klas 6 SD ...dan ikuik bamacam - macam panataran P4 >......he he ...itulah salah satu bantuak gencarnyo pendidikan moral >pancasila di jaman orde baru ....dulu . Sampai - sampai sabagian kawan ambo >bapandapek lobiah rancak Pancasila dari Islam ....nah kalau sampai baitu >khan lah susah .......nah hasil dari pandidikan pancasila itulah nan mambuek >sabagian besar awak maraso ragu untuak menegakkan syariat islam dimano sajo >.....di nagori ko ... >Kalau awak samo - samo bapikia jauh kamuko ......dan pancasila lah mabuktian >pemerintahan nyo salamo 32 tahun dan hasilnyo dapek awak nikmati kiniko >...dan lah maliek sampai dimaa...keberhasilan dan kebobrokannya ......kenapa >awak ndak mambari kesempatan kapado ideologi lain nan lah manjadi darah >dagiang di nagari awak ko yaitu ISLAM .... Ooo... di nan iko ko iyo hancai kabirau. Lobiah rancak pulo Pancasila dari Islam. Iyo sontiang tu mah. Tapi kabaa janyo awak. Dan indak pulo bisa dipiciangkan mato doh. Nugari kito tu lah marasai. Sajak abad ka 13 Islam masuak ka Indonesia, alun adoh nan sampai bisa di martabatkan Al Qur'an dalam negara lai doh. Dek karano ulama-ulama dulu terlalu bahati-hati. Bakompromi-kompromikan antaro Hukum Islam jo kebiasaan rakyat nan ado (Baco Walisongo jo Tuanku Imam Bonjol). Tujuan mereka sabananyo elok juo, yakni mambiasokan rakyat jo Islam ko dulu, dan alun paralu ditagakkan hukum lai doh. Tapi ruponyo talonsong. Generasi baganti-ganti, nan alah paham hukum Islam lah gaek sudah tu mati. Nan mudo matah alun mangara- ti. Tibo pulo kewajiban mandidik mereka. Kasudahannyo indak jadi-jadi kaji tu doh. Indak pernah nan sampai nagari ko manjadi nagari Islam doh. Dulu katiko sabalun kemerdekaan, lai juo kareh suaro urang managakkan hukum Islam ko, dek karano nan manjadi pionir kemerdekaan adolah urang-urang Islam. Sabab ba prinsip kalau Merdeka Indonesia berarti urang Islam merdeka. Tapi katiko tu, dek karano kanai tekanan dari lua, dan takuik pulo bapacah balah, nan Soekarno ko tapaso bajanji bahaso akan menegakkan negara Islam sasudah merdeka. Cuma janji tu tabateh di bibia sajo. Lah sudah merdeka inyo lah manjadi pemimpin besar revolusi, presiden seumur hidup sampai ka konsep nasakom. Nan negara Islam ko antah lah dima kabanyo, untuang lai tatulih saketek di piagam Jakarta. Urang nan menggulingkannyo bantuak itu pulo. Nan batagakkan P4. Iyo bana santiang gauangnyo sampai-sampai guru-guru agamo di skolah-skolah amuah pulo tapangaruah bahaso, kalau baagamo agamo Islam, tapi kalau banegara, ba Pancasila. Dan indak surang juo nan tau bahaso sabananyo negarako alah di buek menjadi negara sekuler. Al-hasil 32 tahun memerintah, hasilnyo sarupo nan kito liek kini. Samo jo Nabi saw. nan mambao risalah 23 tahun, tapi hasilnyo babandiang tabaliak sarupo tabaliaknyo latak angko tu. Moral bangsa Indoensia iyo bana rusak. Kiniko, alah tibo pulo jaman reformasi kecek urang,　nan gauang tagakkan hukum Islam tu baliak indak juo adoh. Antah ka bilo negara ko ka barubah dari Sekuler ambo indak tau. Baitu juo dikito,... Dari sejarah tuanku Imam bonjol sampai ka bukik Marapalam sampai ka adaik basandi sarak sarak basandi kitabullah, nan hukum Islam sabananyo tu alun juo tagak lai. Tapi kudianlah kito caritokan. ambo tunggu komentar sanak jo urang palanta kasadonyo. >Baa pandapek dunsanak kasadoanyo .....? > >Wassalamualaikum wr wb > >/rinalvi Wassalam Khairi Yusuf Mailing List RantauNet http://lapau.rantaunet.web.id Database keanggotaan RantauNet: http://www.egroups.com/database/rantaunet?method=addRecord&tbl=1 ================================================= Mendaftar atau berhenti menerima dari RantauNet Mailing List, kirimkan email Ke / To: [EMAIL PROTECTED] Isi email / Messages, ketik pada baris/kolom pertama: - mendaftar: subscribe rantau-net [email_anda] - berhenti: unsubscribe rantau-net [email_anda] [email_anda] = isikan alamat email anda tanpa tanda kurung ================================================= WEB-EMAIL GRATIS ... @rantaunet.web.id ---> http://mail.rantaunet.web.id ------------------------------------------------------------------------------------------------- WebPage RantauNet http://www.rantaunet.web.id dan Mailing List RantauNet adalah servis dari EEBNET http://eebnet.com, Airland Groups, USA =================================================