----- Original Message -----
From: Bandaro <[EMAIL PROTECTED]>
To: <[EMAIL PROTECTED]>
Cc: Erdy Winata <[EMAIL PROTECTED]>; Erizal Syamsir <[EMAIL PROTECTED]>
Sent: Thursday, November 16, 2000 5:23 AM
Subject: Re: [RantauNet] Sambah ka makan
>
> Kapado dunsanak di balerong RN, ma'af tapaso posting sakaliko
> indak dikuduang karano akan marupokan kasatuan pasambahan.
>
>
> Bandaro, Bogor
> ~~~~~~~~~~~~~~~
>
> > ----- Original Message -----
> > From: Bandaro <[EMAIL PROTECTED]>
> > Subject: [RantauNet] Sambah ka makan
> >
> > >
> > > mak St Sati, sambah dipuhunkan kapado mamak
> > > St Maradjo, sambah dipuhunkan kpd st
> > > St Parpatiah, sambah ..............
> > > St Katik Batuah, sambah ......
> > > St Rmh Panjang, sambah ........
> > >
> > > SIPANGKALAN ( St Bandaro, Banuampu)
> > > Manyambahkan sambahlah hambo ka pangulu nan gadang basa
> > > batuah tampat ambo mamuhunkan sambah. Mamuhunkan salamlah
> > > hambo kapado tuanku nan duo tigo parsilaan, sarato sialek
> > > nan satampuah lalu pulang sabondong suruik, tampat hambo
> > > mamuhunkan salam.
> > > Tidak tahatap tabilang gala, akan mahatap dan pambilang,
> > > kok nak sambah lah dimuliakan jo sambah.
> > > Bukanlah hambo malampau jo malinteh, kok disilang nan
> > > bapangka karajo nan bapokok, niniak mamak pangatuo Simabua,
> > > sado nan mangadalikan pakarjaan, kok pai lah jo mupakaik
> > > tingga lah jo rundingan, lah dilapeh jo hati nan suci jo
> > > muko nan janiah, lai dari hambo tabiknyo pasambahan,
> > > sambah tibo kapado :
> > > - Pakieh Sutan ( " Rantaunet", Bekasi)
> > > - EW St Rajo Pangulu ( "Banuanet", Asahan)
> > >
> > > Adopun parsambahan dipuhunkan kapado Pakieh St / St Rajo
> > > Pangulu ; alek disaru nan lah datang nan dipanggia alah
> > > tibo, janjang tatagak lah ditingkek, bandua tatagun lah
> > > batapiak, lapiak takambang lah dikaduduki. Rokok baguluang
> > > alah diisok, siriah dicarano alah bakunyah.
> > > Aatonyo lai nan banamo takana diati tahelang dimato,
> > > disilang nan bapangka karajo nan bapokok, niniak mamak
> > > pangatua Simabua sado nan mangandalikan pakarjaan ;
> > > Pandang jauah samo dilayangkan, pandang hampia samo
> > > ditukiakkan, karano hidangan alah tasaji, kok cerek jo
> > > kumbuak lah taratua, kok buliahlah bali jo pinto kapado
> > > pangulu nan basa batuah tuanku nan duo tigo parsilaan
> > > sarato sialek nan satampuah lalu sabondong suruik ;
> > > Jambalah suko minta dibukak, nasi talatak mintak disantap,
> > > aia tarisi nak mintak diminum, minta diparenai dipangulu
> > > nan basa batuah tuanku nan duo tigo parsilaan sarato
> > > sialek nan satampuah lalu sabonbdong suruik,
> > > sabaitulah sambah dipuhunkan kapado sutan.
> > >
> > > SIALEK - Pakieh Sutan ( " Rantaunet", Bekasi)
>
>
> Damrus Lukman wrote:
> > Sapanjang rundiangan Sutan Bandaro, nan talimpah kapado kami.
> > Kalau dirateh disalisiak, jikok diudang dipaberai, alah tantu
> > kalihetan.
> > Tapi samantangpun baitu, ambua sa sambua kato tibo.
> > Langkah salangkah kato sampai, Allahu a'lam pagantungan.
> > Kalau nan banyak balimbago, urang tuo sabuah hukum.
> > Pangulu sa undang-undang, ulama samo sakitab.
> > Nak nyo satali sajinjingan, nak saikek sabarumbuang.
> > Nak saukua lahia ju batin, sa ukua mangko manjadi, sasuai
> > mangko takanak.
> > Duduak surang basampik-sampik, duduak basamo balapang-lapang.
> > Samantaro kami baiyo, diwalakkan kalam sakotiko.
> > Rundiang dielo jo mufakaik, sambah disimpan dalam barih.
> > Saba mananti Sutan sakotiko, sakitu rundingan bakeh Sutan.
> >
> > Pakieh Sutan, Bekasi. ( Muaro Paneh, Solok)
>
>
> SIPANGKALAN :
> Maano Pakieh Sutan, dikumbalikan parsambahan kapado Sutan
> adopun sapanjang buah parsambahan St Bandaro sungguah tapakai
> dalam adat, alah talingka dipusako, banalah tibo ditampatnyo.
> Bak kato sutan : Kalau dirateh disalisiak, jikok diudang
> dipaberai, alah tantu kalihetan.
> Tapi sungguahpun baitu bana, bak pitua dinan tuo ; elok kato
> jo mupakat buruak kato diluanyo, kok ambo bao kato sutan jo
> mupakat diambiak kato jo paiyoan, dijapuikkan bana nan sado itu
> kapado pangulu nan basa batuah tuanku nan duo tigo parsilaan
> sarato sialek nan satampuah lalu sabondong suruik, mamintak
> ambo dengan sambah, mananti sutan jo rundingan, laikoh banamo
> dalam adat, sambah kumbali kapado St Bandaro, kaan baitu bana
> Pakieh Sutan ?
>
> > SIALEK :
> > Io bana sutan Bandaro
>
> SIPANGKALAN ( Bandaro, Banuampu, Agam) :
> Insya Allah, basaba kami mananti, baolah jo mupakaik Sutan.
>
> SIALEK ( Pakieh Sutan, Muaro Paneh, Solok) :
Manolah Sutan Bandaro, sipangka alek di balairoang nangko.
Sapanjang rundingan Sutan tadi, nan talimpah kapado kami.
Tumah alah Sutan caliek, Sutan pandangi.
Dilatak kato dalam mufakaik, tagak dek baitru padoman adaik,
Dek pusako duduak basamo, rancak rundingan dipalegakan.
Dek lamo lambek di jalan, agak talalai ambo mamulangkan kato.
Rila jo maaf ambo tantang itu, kapado Alloh kito mohonkan ampun.
Satantang rundingan Sutan nan ka tangah, dari sipangka ka bakeh alek.
Indak ka diulang bak manyikek, indak ka dibaliek bak mamanggang.
Sakadar manjapuik ujuang panitahan Sutan tadi.
Aa lah nan manjadi ujuang panitahan Sutan.
Jamba lah suko minta dibukak, nasi talatak mintak disantap.
Aia tarisi nak mintak diminum, minta diparenai dek alek
Nan satampuah lalu, Sabondoang suruik.
Kan iyo baitu nan manjadi ujuang panitahan Sutan tadi.
Kok iyo baitu bana pintak Sutan.
Lah bulek kato dek mufakaik, bulek aie dek pambuluah.
Buleh lah dapek di goloangkan, Picak alah bisa dilayangkan.
Pintak raso lai ka bulieh, kandak raso ka balaku.
Tapi samantang pun baitu, tunjuakan ikua-kapalo jamba.
Nak samo sanang dalam hati, sajuak dalam kiro-kiro.
Pulang maklum pado Sutan, sakito sambah dari ambo.
Pakieh Sutan.
> ~AB~
> ~~~~
>
> Mailing List RantauNet http://lapau.rantaunet.web.id
> Database keanggotaan RantauNet:
> http://www.egroups.com/database/rantaunet?method=addRecord&tbl=1
> =================================================
> Mendaftar atau berhenti menerima dari RantauNet Mailing List, kirimkan
email
> Ke / To: [EMAIL PROTECTED]
> Isi email / Messages, ketik pada baris/kolom pertama:
> - mendaftar: subscribe rantau-net [email_anda]
> - berhenti: unsubscribe rantau-net [email_anda]
>
> [email_anda] = isikan alamat email anda tanpa tanda kurung
> =================================================
> WEB-EMAIL GRATIS ... @rantaunet.web.id ---> http://mail.rantaunet.web.id
> --------------------------------------------------------------------------
-----------------------
> WebPage RantauNet http://www.rantaunet.web.id dan Mailing List RantauNet
> adalah servis dari EEBNET http://eebnet.com, Airland Groups, USA
> =================================================
Mailing List RantauNet http://lapau.rantaunet.web.id
Database keanggotaan RantauNet:
http://www.egroups.com/database/rantaunet?method=addRecord&tbl=1
=================================================
Mendaftar atau berhenti menerima dari RantauNet Mailing List, kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
[email_anda] = isikan alamat email anda tanpa tanda kurung
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
-------------------------------------------------------------------------------------------------
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
