Maano tuan Marah Sutan.
Assalamu'alaikum wr wb
Ambo mandapek kaba tuan dari St Lembang Alam.
Tarimo kasi ateh barito nantun.
Mambaco susunan kato-kato tuan, io lapeh taragak kami,
saraso mambaco pangarang-pangarang tanamo Minang saisuak.
Lamo ambo maagak-agak'i, apolah ka jawek surek tuan tu.
Karano nampakno io baitulah kaadaan umum dinagarai awak (*) kini ;
surau langang, dek sibhuuuuk..... sibhuuuk ......indak sempat.
Nan rami manonton tipi, kalapau, enjoying the life.
Kok dicari-cari dimaa latak pamasalahanno ; io banyak.
Banyak paktor nan mambuek kamunduran barigamo jo adaikko.
Bisa paktor :
- keluarga,
- pargaulan, pandidikan
- ekonomi
- pangaruah lua / asiang / golobalisasi
- dll, others, dsb
Disiko mbo cubo mangubak saketek dari paktor ekonomi.
Digantang ano tigo gantang
disukek ano tigo sukek.
sukek dibao rang Talu
Dirantang namuahno panjang
dikumpa nak no singkek
singkek sado nan kaparalu.
Samaso si bujang dikampuang lah "diusia - disindia" jo ;
Karatau madang dihulu
babuah babungo balun
Marantau bujang dahulu
dirumah paguno balun.
Dek karano itu marantaulah sibujang, ..............
Lah dirantau, "sindia" dilanjukgan ;
Iyu bali balanak bali
balanak hanyuik dari hulu
Induak cari dunsanak cari
induak samang cari dahulu.
Walau hanyo sakadar pantun, tapi
kilek camin lah kamuko
kilek baliuang lah kakaki
Lah samo jaleh ; Pakaro ekonomi nan diutamokan,
kok buliah disederhanakan : pakaro "materi",
kalau urang batawi manyabukno : "matre".
Dalam praktekno kiro-kiro sarupo iko ;
Ado sabagian urang awak ...........
DIULANG ...... Ado sabagian urang awak ( kabatulan indak ado
di RN doh :-).....), nan "labiah" mangutamokan ekonomi
-kato haluih- dari materi.
Dimano sagalo usao ditujukan mancari pitih.
Ado nan tapaso karano memang indak mancukupi, saroman sanak kito di
kaki limo. Ado pulo........... sasudah, pitih didapek, bakacukupan,
lalu dilanjukgan manumpuak harato, lalu dilanjuikgan ma"enjoy"
kanikmatan dunia, lalu ..... lalu .... nan indak ado ujuangno.
Kok dicari bana "pangka bala" no , mungkin iko nan dinamokan
pangaruah golobalisasi, dimano kalau indak sato didalamno
akan diguluangno. Nagari tanpa bateh karano teknology modern.
Antahlah .................
Mungkin adinda Riri S nan akan mungkin labiah langkok mangubak soalko.
Ndeeeh..... lah jauh pulo ruok ambo ka tuan.
Untuanglah parjalanan tuan lai aman sajo malalui jalur Lahat
- Linggau. Baru sajo kami mandanga alah tajadi duo parampokan
bus di jalur tsb.
Dek karano akan mamasuak'i bualan puaso, ambo mangucapkan
Salamaik manjalankan Ibadah puaso, kasanak kito dikampuang.
Kami tunggu carito puaso dikampuang.
Tabayang baa ramino suasano bulan puaso ; mambali pabukoan, babuko,
tarawiah, pai kasurau lain mandangakan caramah barami-rami.
....... itu dulu ...... suit memori ...........
Sabagai tambahan, kabatulan dikomplek ambo Bogor Baru, ado musajik
nan ampiang jadi (90%), kami namokan "Nur Al-Barru". Tapi akan kami
naiak'i jo tarawiah partamo Akaik bisuakgo. Tolong jo do'a.
(*) dan juo di rantau, khusus bagi parantau Minang.
Memang lai rang Minang ka surau, (banyak nan manjadi panguruh)
tapi io cuma itu ka itu sajo dan di surau / musajik tertentu
pulo.
Atau kalau lah ado ari gadang Islam, baru nampak di surau.
Nampakno nan tuan curitokan sabalunko iolah kondisi khusus,
itu dipujikan sakali.
Wass
Bandaro, Bogor.
~~~~~~~~~~~~~~~~~~
Muhammad Dafiq Saib wrote:
>
> Assalamu’alaikum wr.wb.,
>
> Mendapatkan kemenakanda Samsudin Sutan Rajo Endah
> beserta keluarga di Jakarta,
>
> Berkat doa kemenakanda sekeluarga, mamanda sudah
> selamat sampai di kampung pada hari Sabtu pekan lepas.
> Baru sekarang terlakit mamanda menulis surat ini untuk
(.......... dikuduang - kaan lah dibaco juo ...)
Mailing List RantauNet http://lapau.rantaunet.web.id
Database keanggotaan RantauNet:
http://www.egroups.com/database/rantaunet?method=addRecord&tbl=1
=================================================
Mendaftar atau berhenti menerima dari RantauNet Mailing List, kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
[email_anda] = isikan alamat email anda tanpa tanda kurung
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
-------------------------------------------------------------------------------------------------
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
