Yth. Angku Tommy. sarato sanak di RN kasadonyo
Mokasih banyak Ngku Tommy, lah mbo tarimo copyan (scaning) kartu tabungan jo
silp storan di suatu Bank nan
dianggap bamasalah tu.
Sangajo ambo ganti subject mail-ko supayo kito ijan takasan mamojokan suatu
bank, dan sangajo ambo lewakan ka RN, karano kasus-ko sacaro tekhnis ambo
yakini sangaik gampang tajadi di bank apo sajo sarato mudah dilakukan dek
siapo sajo nan manjadi nasabah bank.
Sekedar review, kaba-ko bamulo dari pengakuan salah sorang milist nan
manyetorkan pitih 90 juta ka bank X dan alah ado bukti setoran sarato
tacetak ka buku tabungan. Tapi bank X indak bisa mangakui setoran-tu dek
karano kode-kode nan tacetak di bukti setoran jo kartu tabungan indak cocok
jo aturan main di Bank X. Nampaknyo Angku Tommy banyak tahu jo masalah 90
juta ko, dek karano tu ado babarpo nan ka ambo
katangahkan.
Ambo sapandapek jo angku Tommy, bahaso nan kitoko bukan mambela siapo-siapo,
bukan nasabah nan jadi korban dan indakpulo dipihak Bank, aratinyo kito
barado dipihak nan independent. Nan jaleh kini kecek nasabah tantu inyo nan
batua, dan kecek bank tantu inyo pulo nan bana.
Manuruik angku Tommy kode-kode nan tacetak di kartu jo slip storan indak
sasuai jo aturan main di bank, tapi tantu sajo nasabah indak pernah persis
tahu jo kode-kode, maa kode nan batua dan nan maa pulo nan salah.
Biasonyo satiok kito ka mambuka rekening disuatu bank, ado sabuah pasal nan
mangecekan "Kalau ada perbedaan saldo pembukuan bank dengan pencatatan
nasabah, maka yang diakui adalah pembukuan bank".
Nah, kalau nasabah batua-batua iyo stor kateller bank ybs dengan bukti
kode-kode tacetak indak sasuai jo aturan bank, tantu nasabah akan rugi
konyol, kabakeh siapo nasabah tampek mangadu ???
Sabaliaknyo, kalau sabananyo nasabah indak stor, tapi (direkayasa) ado bukti
tacetak di slip storan sarato kartu nan batua kode-kodenyo (nasabah lah agak
lihai), apokoh amuah bank mangakui storan tu ???
Umumnyo urang banyak hanyo mamparatikan kalau bukti storan alah ditando
tangani, diparaf ataupun distempel, alah nyo anggap salasai. (Kebetulan di
copy nan baagiahkan kaambo indak nampak tando tangan / paraf / stempel
petugas bank nan manarimo setoran.)
Kabakeh Angku Tommy ambo batanyo, ba-a kolah tanggapan bank jo tando
tangan/paraf teller bank nan manarimo pitih tu ???
Ambo yakin di RN ko banyak diantaro kito nan mangarati jo masalah hukum,
agiahlah petuah ka rang banyak,
Kok Slip storan lai ado tando tangan / paraf / stempel bank, kiro-kiro apo
nan katajadi kalau masalah ko balaruik-laruik sampai kapangadilan ???
Ambo ulang baliak, sacaro tekhnis modus kasus-ko sangaik mudah dilakukan di
bank manapun, dan bisa dibuek/manimpo siapo sajo nan manjadi nasabah bank.
Salam
RefriLukman
----- Original Message -----
From: Tommy Sulianto <[EMAIL PROTECTED]>
To: Refri Lukman <[EMAIL PROTECTED]>
Sent: 14 June, 2001 11:15
Subject: RE: Penipuan di BCA oleh BCA
> Ha...ha...ha.... iyo... iyooo.. kok alah labiah dari ciek itu alah
> banyak.... contoh sajo, kok bini labiah dari ciek...
> iko ambo foward contoh print out itu...
>
> Salam
> Tommy
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
