Dari mak Ngah, utk balerong Rn
Manganai sijarah Ampek Angkek. Mungkin paralu dikatahui.
~ab~
~~~~
Subject: Re: [Biaro] Re: Desa Biaro dilikuidasi ?
Date: Wed, 03 Oct 2001 14:34:15 -0700
From: Sjamsir Sjarif <[EMAIL PROTECTED]>
To: [EMAIL PROTECTED]
CC: rot zami <[EMAIL PROTECTED]>, [EMAIL PROTECTED],
"abdulhadi" <[EMAIL PROTECTED]>, Bandaro <[EMAIL PROTECTED]>,
Arisman Adnan <[EMAIL PROTECTED]>,
"imran - ajunis" <[EMAIL PROTECTED]>
References:
1
At 08:40 AM 10/3/01 -0700, inal wrote:
>Assalamualaikum ww.
>
>Satau ambo salamo ko, bahaso yang namonyo Ampek
>Angkek, merupakan gabuangan ampek (4) nagari, yaitu
>balaigurah, biaro gadang, lambah, jo panampuang. Balai
>Gurah iko tamasuak koto tuo jo sitapuang. Biaro gadang
>tu adolah biaro jo limo balai, lambah tamasuak jo
>kotohilalang, panampuang tamasuak bonjo, lundang,
>panampuang puhun dll.
>
.....
Sjamsir Sjarif wrote:
>
> At 08:40 AM 10/3/01 -0700, inal wrote:
> >Assalamualaikum ww.
> >
> >Satau ambo salamo ko, bahaso yang namonyo Ampek
> >Angkek, merupakan gabuangan ampek (4) nagari, yaitu
> >balaigurah, biaro gadang, lambah, jo panampuang. Balai
> >Gurah iko tamasuak koto tuo jo sitapuang. Biaro gadang
> >tu adolah biaro jo limo balai, lambah tamasuak jo
> >kotohilalang, panampuang tamasuak bonjo, lundang,
> >panampuang puhun dll.
> >
> .....
> >Wassalam
> >
> >INAL
> >
> >
> Mungkin paralu ambo tukuak saketek:
> Ampek Angkek adolah suatu kesatuan supra nagari nan tadiri dari:
> 1. Biaro
> 2. Balai Gurah
> 3. Lambah
> 4 Panampuang.
>
> 1. Biaro, dalam arati Biaro Gadang, tamasuak Biaro (tamasuak Biaro Ketek)
> dan Biaro Puun, sampai-sampai ka Lungguak Muto jo Balai Limo.
> 2. Balai Gurah, dalam arati Balai Gurah Gadang, tamasuak Balai Gurah, Koto
> Tuo, Sitapuang, Cangkiang, Batu Taba, Pasia, Ampang Gadang, Bonjo Alam,
> Surau Kamba, sampai ka ilia ka Parik Putuih.
> 3. Lambah, tamasuak Lambah Tangah, Lambah Ujuang, Lambah Puuh atau Koto
> Marapak.
> 4. Panampuang, tamasuak Larak, Tangah Sawah, Ampang Kaluak, Gantiang, Pakan
> Kaluang, Surau Labuah, Kayu Katiak, Kubu, dan ka ujuangnyo sampai ka
> Lundang jo Sungai Baringin.
>
> Kaampek Nagari ko basumpah satia manyatokan diri:
> "Sa Anak sa Kamanakan,
> Sa Ilia sa mudiak,
> Sa Itiak sa Ayam,
> Sa Ciok bak Ayam,
> Sa dannciang bak Basi,
> Kok Barek samo ma mikua,
> Kok Ringan samo Manjenjeng"
>
> Itulah kiro-kiro nan takana dek ambo "Sumpah Satia" nan diikrarkan kembali
> di sekitar tahun 20'an. Ambo indak pasti apokoh partamuan tu sabalun tahun
> 1920 atau sasudah tu. Para Njinyiak Mamak dari Ampek Angkek ko maadokan
> Patamuan Baralek Baraguang di "Guguak Sikanga" nan malahirkan "Sumpah
> Satia" atau "Piagam Guguak Sikanga" saroman nan di ateh tu (sado nan takana
> di ambo).
>
> Guguak Sikanga ko lataknyo di Bungin di sabalah ka Ujuang Batang Aia Katiak
> di antaro Batang Katiak Mudiak (Labuah Mudiak) jo Batang Katiak Ilia
> (Labuah Ilia). Guguak Sikanga ko (bukan Guguak Gadang nan di ilia Cangkiang
> antaro Ampang Gadang jo Koto Tuo doh), adolah suatu parak di Bungin nan
> lataknyo indak baitu jauah dari Banda Baru (tampek lahia ambo di rumah
> Urang Gaek Ambo, Nenek Djawahir Sjarif, nan biaso diimbaukan urang Nenek
> Djawa. Suami Nenek Djawa ko adolah Sutan Sjarif, ayah ambo nan kabatulah
> salah satu dari tigo urang Guru perintis di Balai Gurah di maso itu).
> Sakadar tambahan, rumah amak ambo di Banda Baru ko talatak antaro duo
> Benteng Bulando di maso Parang Itam Putiah. Di Mudak ado Gaduang Balai
> Barambai nan lataknyo di sabalah ka puun Talang dakek Batang Aia Sikoabu di
> Koto Tuo. Di Ilia ado Gaduang Batu di tapi Batang Aia Gadang di Mudiak Toko
> Serak jo Bandaran Tanjuang kini ko. Di sabalah ka Ujuang Gaduang Batu ko
> ado Sawah 'antata namonyo, tampek saradadu Bulando mantata-tataan badia
> wakatu tu. Sawah ko rasonyo sawah Pusako Rang Piliang Gunuang.
>
> Wakatu Parayaan tu, langkok jo Randai dan sagalo kasenian rakyat waktu itu
> rasonyo ado Tuanku Mandua (Bulando) dari Fort de Kock (Bukittinggi) bagai
> nan hadir. Kalau dari Biaro salah saurang Juaro nan Piawai wakatu itu nan
> hadir adolah Mak St. nan Gadang di Sikumbang Ilia nan rumah baliau di tabi
> labuah dekek Sikola Muhammadiah (Surau Ilia, atau Surau Tarandam).
>
> Sayangnyo sagalo Niniak Mamak dan Juaro para partisipan nan ikuik dalam
> Piagam tu alah lamo banyak maningga wakatu ambo ketek-ketek. Wakatu ambo
> tatraiak jo Piagam tu, alah talambek mandalami sacaro detail tapi namun
> sabagain isi Piagam tu masiah tadangiang-dangiang dalam talingo ambo. Amak
> ambo jo Ayah ambo acok bacarito tantang itu wakatu ambo ketek. Baitu juo
> Mamak ambo Ambdullah Malin Maradjo di Banda BAru (Mak Mandjo), baliau salah
> saurang pareman tukang main basuang wakatu itu pun lai bacarito tapi
> paratian ambo idak tahadok bana ka sinan. Ambo pun lai juo basuo jo Mak
> St. nan Gadang nan ambo sabuik tadi, tapi sayang ambo indak sempat lai
> mainterview baliau wakatu ambo muloi tatariak jo Sejarah Piagam Guguak
> Sikanga tu.
>
> Sakitu lah dahulu sakadar pangantar jo panamba dari ambo sakadar kenangan
> pangana ambo dari maso ketek-ketek di Kampuang. Mudah-mudahan ado
> adidunsanak nan dapek mancari-cari sumber dan bahan-bahan Sejarah Piagam
> Ampek Angkek atau Piagam Guguak Sikanga tu.
>
> Salam,
> -- Sjamsir Sjarif
>
> X______________________________Sjamsir Sjarif
> Indonesian Translator and Cultural Consultant
> http://www.usindo.net/hambo
> Tel (831)-426-1333 Fax (831)426-8907
> =============================================
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
