Re: [RantauNet] Sia juo lai nan kakawin sapasukuan?

[Yeni Mulia]

Title: RE: [RantauNet] Sia juo lai nan kakawin sapasukuan?

ass ww   Ambo nak mangomentari pulo saketek..... Ambo satuju dan yakin sumber hukum nan kito pacik paliang tinggi tantulah agamo. Tapi mari kito caliak pulo segi positif dari  aturan adaik awak ko. Kok kito menikah jo "urang jauah", tantu batambah banyak pulo keluarga awak. Nan indak tau jadi kenal (tak kenal mako tak sayang, tak sayang mako tak cinto), batambah dunsanak, makin arek silaturahim.....   Itu se lah...   wass ww -Yni- ----- Original Message ----- From: Dewis To: [EMAIL PROTECTED] Sent: Friday, September 28, 2001 8:23 AM Subject: RE: [RantauNet] Sia juo lai nan kakawin sapasukuan? Manyolo pulo saketek, Dari nan ambo dapekkan carito dari sabana aturan adaik awaktu jaleh, adaik basandi syara' sadangkan syara' tu basandi ka Kitabullah. Kawin sasuku indak jadi masalah asal sah sacaro agamo tantu sacaro adaik sah pulo, namun karano kito baradaik konsekwensi kawin sasuku sacaro adaik tantu ado pulo, kalau nan ambo danga ado dando adaik baa dando kawin sasuku awak sakampuang, baa pulo dando kawin sasuku tapi alah beda kampuang.   Manuruik ambo konsekwensi dari adaik kito itu ado, iko manuruik pandapek ambo : karano " Adaik kito basandi syara', syara' basandi Kitabullah " jadi kalau ado urang minang kalua dari agamo Islam atau indak baagamo Islam tantu inyo sacaro adaik bukan urang minang lai, tapi sacaro katurunan indak bisa dipungkiri inyo urang minang. Iko analisa ambo sajo baru....baa nan batuanyo iyo paralu juo ambo minta ka mamak mamak di RN ko untuak manjalehkan   Wasalam Is.