Sanak Titik. Sanang bana hati ambo mambaco tanggapan sanak ateh tanggapan ambo taradok hal diateh. Kok basobok awak, Sanak mungkin akan kaget juo, sabab indak ado saketek juo atribut2 keAraban tu diri ambo doh. Jangguik parnah ambo panjangkan waktu di Makkah dulu, dek karano acok bana Arab2 to manggecekkan ambo bantuak banci, tapi satalah pulang ambo cukua baliak dek indak rancak doh, jarang tumbuahnya. Taro ambo masih sekola pun ambo indak namuah doh diagiah gala Katik dek kaum ambo sabab ambo indak namuah doh mamakai pakaian Arab nan bagejeboh tu di wakatu malewakan nan maabihkan hari tu, bahkan acok malibas waktu shalat. Taradok harapan Sanak di alinea terakhir, tahun 1982-83, wakatu ambo baru tamaik sikola dan baru bakarajo, ambolah lah mancubo mambina mahasiswa di salah satu musajik kampus diibukota propinsi awak, sahinggo, alhamdilillah barubahlah susana di musajik tu dari sakadar tampek sumbayang manjadi batua2 pusat pengkajian Islam untuk mambangun manusia nan bisa mambuktikan dirinyo sebagai bibit khaira ummah di bidangnyo masing2. Tapi apo lacur, wakatu tu dunia awak sadang didominasi rejim yang maidok panyakik Islam phobia, difitnahlah kami sabagai gerakan "jihad" nan manggunokan masujaik-kampus untuk mambarotak ka negara, walau ambo sandiri lah mambuktikan sebagai warga nagara nan baik dengan mandapek predikat terbaik I dalam penataran P4 tipe A. Apo nan tajadi sudah tu? Katiko ambo tapaso back to basic ka kapangkalan karajo ambo, musajik tu kahilangan roh sebagai pusat pengembangan intelektual Islam dan bahkan dimasuaki dek gerakan Darul Arqam. Baitu nan kalamak di penguasa waktu itu. Sajak tu ambo labiah bakonsentrasi maimplementasikan ajaran Islam untuak mambangkikkan motivasi urang bakarajo supayo labiah profesional. Ambo punyo sejenis pelatihan khusus untuak itu. Perusahaan tampek ambo bakarajo ko parnah mandapek penghargaan Asian Management Award di bidang pengelolaan SDM tahun 1992. Alhamdulillah, ditampek ambo karajo lai indak ado doh pandangan Islam phobia tu dan bahkan marasokan manfaatnyo, sahingggo sampai kini pelatihan tu tatap dipakai dan dikembangkan, bahkan lai pulo diajakan kan mitra2 nan namuah. Untuak Sanak katahui, perusahaan tampek ambo bakarajo, mungkin nan partamo di daerah awak nan langsuang bisa mamotong zakat 2 1/2 % dari gaji kotor saluruh karyawan muslim nan dikelola dek BAZIS nan dikomandoi oleh babarapo urang nan ahli di bidang zakat tu (SAg). Kok lai nan baminat, ambo indak kabaratan doh babagi pangalaman, walau ambo memang indak mubalig/da'i profesional doh. Kalah diatribut! Sakitu dulu, sabab awak harus basiap-siap pulo ka musajik untuak baJumaik. Wassalam.
RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================