Assalamualaiku w.w.
Paratamu sakali, mohon maaf lahir batin, salamaik ri rayo kapado rang lapau
ksasadonyo.
Iko iyo alah agak lamo pulo taantalai kutipan dari buku Kato Pusako nan
lalu.. dek mancaliak
alek nagari ko gai, kumbali ka nagari, pelatikan wali nagari dsb..
So, manjapuik saketek nan tingga.. jo maaf ambo salin..
Ado tigo macam caro barundiang
Partamo rundiang basimanih
Kaduo rundiang basiginyang
Katigo rundiang basiransang.
Nan dinamokan rundiang basimanih
Rundiang nan liuak-liuak lembai,
Nan lamak manih.
Sakali rundiang disabuik takana juo salamonyo
Nan dikatokan rundiang basiginyang
Rundiang nan tagang-tagang kandue,
rindiang nan tinmggi-tinggi randah,
bak mahelo tali jalo,
ikok kandue ditagangkan
jikok tagang dikanduekan,
bicaro nan sadang elok sajo.
Nan dikatokan rundiang basiransang
Banyak handai jo kucindan
banyak guluik jo galonsang,
kok lalu raso tadoroang
kok suruik raso tataruang
ditampuah juo kasudahannyo.
Tigo macam caro barundiang
Partamu tipu Aceh
Kaduo gurindam Baruih
Katinggo tangguak Malayu.
Nan dikatokan tipu Aceh
Disampaikan jo muluik manih,
diikek jo baso basi
ditinjau jo aka budi,
muluik manih talempong kato
baso baiak gulo di bibie,
budi baiak baik lauik dalam
tampek bamain aka budi.
Nan dinamokan gurindam Baruih
Dipahaluih rundingan kato,
dipabanyak ragam kecek
dipaelok tungkuih garam,
dipagadang tungkuih rabuak,
padi dikabek jo daunnyo
manusia dielo jo akanyo.
Nan dikatokan tangguak Malayu
Tak kaik tupang manganai
tak siriah pinang mamalan
tak tajak taju tajarang
tak pasin tungguang tibo
tak laju bandiang mamacah
tak lalu dandang diaie,
di gurun ditanjakkan juo,
masuak juo kasudahannyo. :-))
..end salin..
Wassalam
Adyan St. Rumah Panjang
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
