Mohon maaf ambo kirim baliak, tampaknya kapatang ilang di jalan. Assalamualaikum w.w.
Muhammad Dafiq Saib wrote: > Di Luhak Tanah Data, baa mangko Singkarak, > Saniangbaka, Sumaniak duo kali masuak, ka Langgam nan > tujuah jo ka Sapuluah Koto di Ateh? Mak Lembang, data nan ambo catat di website ambo tu kabanyakan diambiak dari buku Budaya Alam Minangkabau nan jadi buku pelajaran anak sikola di kampuang awak SD sampai SMP, ditambah jo bahan dari buku-buku lain. Jadi, bagi ambo sandiri sagalonyo tu taraso baru pulo, dan cukuik mancangankan, marangsang untuak mamplajarinyo. Kalau ado nan manambah, sarupo Tambo Rang Kurai nan di posting di rantau net, kan rancak bana. Bisa di bandiang dan di perbaiki mano nan kurang. Jadi, tantang Langgam nan Tujuah, tampaknyo iko adolah pangalompokan nan labiah tuo, sabagai Camin Taruih Koto Piliang. Sadangkan Sapuluah Koto di Ateh pangolompokan baru, mungkin zaman bulando. Saparti Pandai Sikek nan pernah masuak VI Koto di zaman bulando, ado Angku Larehnyo. Tapi aslinyo bagian dari Batipuah X Koto. Nan kaduo tu, mungkin mukasuik Mak Lembang adolah Sumani, di tapi danau Singkarak, masuak X Koto di Ateh. Adapun Sumaniak dakek ka Sungai Tarab, adolah tampek Machudum, masuak langgam nan tujuah, juo masuak Basa Ampek Balai, suatu pangalompokan funsional; di page nan ambo kirim sasudah tu, nan khusus manyangkuik Tanah Data, ambo raso lai agak labiah tasusun konsisten. > Di Luhak Agam, dimaa latakno Tilatang Kamang. Baa > mangko indak masuak ka Ampek-Ampek Angkek? buku Budaya Alam Minangkabau ado duo macam, dalam buku nan disusun Yulfian Azrial ado tamasuak Tilatang, Kamang Ilia dan Kamang Mudiak dalam nagari nan Ampek Ampek Angkek. catatan nan ambo posting diambiak dari buku nan ciek lai, Drs. Zulkarnaini, dan dari buku-buku lainnyo. > Di Luhak 50 Koto, dima pulo talatakno Pangkalan Koto > Baru? Pangkalan Koto Baru tamasuak Rantau Kampar, rantau urang Limopuluah Koto, dinamokan Koto nan Anam, yaitu - Pangkalan Kotobaru - Koto Alam - Tanjuang Pauah - Tanjuang Balik - Mangilang - Gunuang Malintang langkoknyo eloklah di klik sajo http://www.angelfire.com/id2/adyan/minang/rantau.htm Sakitu lah dulu nan dapek diambo, mohon maaf kok lah panjang amek, mohon maaf pulo ateh sagalo kakurangan dan kasalahannyo. Wassalam Adyan RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
